IND vs AUS Series : ಸರಣಿಯಲ್ಲಿ ಗರಿಷ್ಠ ರನ್ ಗಳಿಸಿರುವ ಸ್ಮಿತ್
ಭಾರತ ಹಾಗೂ ಆಸ್ಟ್ರೇಲಿಯಾ ವಿರುದ್ಧ ಬಾರ್ಡರ್-ಗವಾಸ್ಕರ್ ಟ್ರೋಫಿ ಸರಣಿಯ ಆವೃತ್ತಿಯೊಂದರಲ್ಲಿ ಅತ್ಯಧಿಕ ರನ್ಗಳಿಸಿದ ದಾಖಲೆ ಆಸೀಸ್ ತಂಡದ ಹಿರಿಯ ಆಟಗಾರ ಸ್ಟೀವ್ ಸ್ಮಿತ್ ಅವರ ಹೆಸರಿನಲ್ಲಿದೆ.
2014-15ರಲ್ಲಿ ನಡೆದ ಬಾರ್ಡರ್-ಗವಾಸ್ಕರ್ ಟ್ರೋಫಿ ಸರಣಿಯಲ್ಲಿ ಅತ್ಯುತ್ತಮ ಫಾರ್ಮ್ನಲ್ಲಿದ್ದ ಸ್ಟೀವ್ ಸ್ಮಿತ್, 128.16ರ ಸರಾಸರಿಯಲ್ಲಿ 4 ಶತಕ ಮತ್ತು 2 ಅರ್ಧಶತಕದ ನೆರವಿನಿಂದ 769 ರನ್ಗಳಿಸಿ ಮಿಂಚಿದ್ದರು.
ಇದು ಉಭಯ ತಂಡಗಳ ನಡುವಿನ ಮಹತ್ವದ ಒಂದು ಸರಣಿಯಲ್ಲಿ ಈವರೆಗೂ ದಾಖಲಾಗಿರುವ ಗರಿಷ್ಠ ಸ್ಕೋರ್ ಆಗಿದೆ.
ಇದೀಗ ಭಾರತ ಪ್ರವಾಸ ಕೈಗೊಂಡಿರುವ ಆಸ್ಟ್ರೇಲಿಯಾ ಮತ್ತೊಂದು ಬಾರ್ಡರ್-ಗವಾಸ್ಕರ್ ಸರಣಿಗಾಗಿ ತಯಾರಿ ಆರಂಭಿಸಿದ್ದು, ಸ್ಟೀವ್ ಸ್ಮಿತ್ ಸಹ ಭರ್ಜರಿ ಸಿದ್ಧತೆ ಮಾಡಿಕೊಳ್ಳುತ್ತಿದ್ದಾರೆ. ಪ್ರಮುಖವಾಗಿ ಭಾರತದ ಸ್ಪಿನ್ ಬೌಲಿಂಗ್ ದಾಳಿಯನ್ನ ಸಮರ್ಥವಾಗಿ ಎದುರಿಸುವ ನಿಟ್ಟಿನಲ್ಲಿ ಸ್ಟೀವ್ ಸ್ಮಿತ್ ಹೆಚ್ಚಿನ ನಿಗಾವಹಿಸಿದ್ದು, ಇದಕ್ಕಾಗಿ ನೆಟ್ ಅಭ್ಯಾಸದ ವೇಳೆ ಭಾರತದ ಯುವ ಸ್ಪಿನ್ ಬೌಲರ್ಗಳನ್ನೇ ನೆಟ್ ಬೌಲರ್ಗಳಾಗಿ ಆಯ್ಕೆ ಮಾಡಿಕೊಳ್ಳಲಾಗಿದೆ.
ಆಸೀಸ್ನ ಅನುಭವಿ ಆಟಗಾರ ಸ್ಟೀವ್ ಸ್ಮಿತ್ ನಂತರದಲ್ಲಿ ಒಂದು ಆವೃತ್ತಿಯಲ್ಲಿ ಗರಿಷ್ಠ ರನ್ಗಳಿಸಿರುವ ಆಟಗಾರರ ಸಾಲಿನಲ್ಲಿ ಆಸೀಸ್ನ ಮಾಜಿ ಆಟಗಾರ ರಿಕಿ ಪಾಂಟಿಂಗ್ ಇದ್ದಾರೆ. 2003-04ರಲ್ಲಿ ಪಾಂಟಿಂಗ್ 706 ರನ್ಗಳಿಸಿದ್ದು, ನಾಲ್ಕು ಪಂದ್ಯಗಳ ಸರಣಿಯಲ್ಲಿ ಒಂದು ದ್ವಿಶತಕ ದಾಖಲಿಸಿದ್ದ ಪಾಂಟಿಂಗ್, 706 ರನ್ಗಳಿಸಿದ್ದರು.
ಇವರಿಬ್ಬರ ನಂತರದಲ್ಲಿ ಟೀಂ ಇಂಡಿಯಾದ ರನ್ ಮಷಿನ್ ವಿರಾಟ್ ಕೊಹ್ಲಿ, 2014-15ರಲ್ಲಿ 4 ಶತಕ ಮತ್ತು 1 ಅರ್ಧಶತಕದ ನೆರವಿನಿಂದ 692 ರನ್ಗಳಿಸಿದ್ದರು. ಇನ್ನೂ ಆಸೀಸ್ನ ಮಾಜಿ ಆಟಗಾರ ಮೈಕಲ್ ಕ್ಲಾರ್ಕ್ 2011-12ರಲ್ಲಿ ನಡೆದ ಬಾರ್ಡರ್-ಗವಾಸ್ಕರ್ ಟ್ರೋಫಿಯಲ್ಲಿ 626 ರನ್ ದಾಖಲಿಸಿದ್ದರು. ಇವರ ನಂತರದಲ್ಲಿ ದಿ ವಾಲ್ ಖ್ಯಾತಿಯ ರಾಹುಲ್ ದ್ರಾವಿಡ್ ಕಾಣಿಸಿಕೊಂಡಿದ್ದು, 2002-03ರಲ್ಲಿ ನಡೆದ ಸರಣಿಯಲ್ಲಿ ದ್ರಾವಿಡ್, 619 ರನ್ಗಳಿಸಿದ್ದರು.
