ಇತ್ತೀಚೆಗೆ ಮನುಷ್ಯನ ಆಯಸ್ಸು ಕ್ಷೀಣಿಸುತ್ತ ಸಾಗುತ್ತಿದೆ. ಅದರಲ್ಲಿಯೂ 80 ವಯಸ್ಸು ಆದರಂತೂ ಹಲವರು ಊರು ಹೋಗು ಅನ್ನುತ್ತದೆ ಕಾಡು ಬಾ ಅನ್ನುತ್ತದೆ ಎಂದು ಬೇಸರದ ನುಡಿಗಳನ್ನು ಹೇಳುತ್ತಿರುತ್ತಾರೆ. ಅಂದರೆ, ಕೈ ಚೆಲ್ಲಿ ಕುಳಿತಿರುತ್ತಾರೆ. ಆದರೆ, ಇಲ್ಲೊಬ್ಬ ವೃದ್ಧ ತಮ್ಮ 80ನೇ ವಯಸ್ಸಿನಲ್ಲಿ ಯಾರೂ ಮಾಡಲಾಗದಂತಹ ಸಾಧನೆಯೊಂದನ್ನು ಮಾಡಿದ್ದಾರೆ.
ಯುವಕರನ್ನೇ ನಾಚಿಸುವಂತಹ ಈ ವ್ಯಕ್ತಿ 80ರ ವಯಸ್ಸಿನಲ್ಲಿಯೂ ಪದಕಗಳನ್ನು ಗೆದ್ದಿದ್ದಾರೆ. ಇಲ್ಲಿಯವರೆಗೂ 114 ಪದಕಗಳನ್ನು ಗೆಲ್ಲುವ ಮೂಲಕ ಎಲ್ಲರೂ ಬಾಯಿಯ ಮೇಲೆ ಬೆರಳಿಡುವಂತೆ ಮಾಡಿದ್ದಾರೆ. ಜನರಾವ್ ಖುಶಾಲ್ರಾವ್ ಲೋಂಕರ್ ಎಂಬುವವರೇ ಈ ಸಾಧನೆ ಮಾಡಿದವರು. ಜನರಾವ್ ಲೋಂಕರ್ ಅವರಿಗೆ 84 ವರ್ಷ ವಯಸ್ಸು, ಓಟ, ಜಾವೆಲಿನ್ ಎಸೆತ, ಗುಂಡು ಎಸೆತ, ಟೇಬಲ್ ಥ್ರೋ, ಜಂಪಿಂಗ್, ಟ್ರಿಪಲ್ ಎದೆ, ಹರ್ಡಲ್ ಓಟ ಹೀಗೆ 26 ರಿಂದ 27 ವಿವಿಧ ಕ್ರೀಡೆಗಳಲ್ಲಿ ಲೊಂಕರ್ ಭಾಗವಹಿಸಿದ್ದು, ಭಾರತ ಮತ್ತು ವಿದೇಶಗಳಲ್ಲಿ ಆಯೋಜಿಸಿರುವ ಈ ಸ್ಪರ್ಧೆಗಳಲ್ಲಿ ಭಾಗವಹಿಸಿದ್ದಲ್ಲದೆ ಕುತೂಹಲಕಾರಿ ಸಂಗತಿಯಾಗಿದೆ. 114 ಪದಕಗಳನ್ನು ಗೆದ್ದಿದ್ದಾರೆ.
ಬೇಗನೆ ಏಳುತ್ತಾರೆ, ವ್ಯಾಯಾಮ ಮಾಡುತ್ತಾರೆ, ಸಮಯಕ್ಕೆ ಸರಿಯಾಗಿ ಆಹಾರ ಸೇವಿಸುತ್ತಾರೆ. ಬೇಗ ಮಲಗುತ್ತಾರೆ. ಈ ಎಲ್ಲಾ ವಿಷಯಗಳು ಅವರನ್ನು ಫಿಟ್ ಆಗಿರುವಂತೆ ನೋಡಿಕೊಳ್ಳುತ್ತದೆ. ಅವರ 81 ವರ್ಷದ ಪತ್ನಿ ಸುಮನ್ರಾವ್ ಜನರಾವ್ ಲೋಂಕರ್ ಅವರ ಪ್ರಯತ್ನದಲ್ಲಿ ಸಹಾಯ ಮಾಡುತ್ತಾರೆ.
ಲೋಂಕರ್ ಅವರು 18 ನೇ ವಯಸ್ಸಿನಲ್ಲಿ ಪೊಲೀಸ್ ಸೇವೆಗೆ ಸೇರಿದ್ದರು. ಮಹಾರಾಷ್ಟ್ರದ ಹಲವು ಭಾಗಗಳಲ್ಲಿ ಪೊಲೀಸ್ ಅಧಿಕಾರಿಯಾಗಿ ವಿವಿಧ ಪೊಲೀಸ್ ಠಾಣೆಗಳಲ್ಲಿ ಸೇವೆ ಸಲ್ಲಿಸಿದ್ದಾರೆ. ಅವರು 48 ನೇ ವಯಸ್ಸಿನಲ್ಲಿ ನಿವೃತ್ತರಾದರು. ಆದರೆ ಇಂದು ಅವರು 84 ವರ್ಷ ವಯಸ್ಸಿನವರಾಗಿದ್ದಾರೆ ಮತ್ತು ಭಾರತ ಮತ್ತು ವಿದೇಶಗಳಲ್ಲಿ ಆಯೋಜಿಸಲಾದ ವಿವಿಧ ಕ್ರೀಡಾ ಸ್ಪರ್ಧೆಗಳಲ್ಲಿ ಭಾಗವಹಿಸುತ್ತಾರೆ.
