ಅಂದು ಅವಮಾನ.. ಇಂದು ಗೌರವ.. ಇದು ಸ್ಟುವರ್ಟ್ ಬ್ರಾಡ್ ಸಾಧನೆ ಕಥೆ..!
Shame then.. Honor today.. This is Stuart Broad’s achievement story..!
ಸ್ಟುವರ್ಟ್ ಬ್ರಾಡ್… ತನ್ನ 17 ವರ್ಷಗಳ ಕ್ರಿಕೆಟ್ ಬದುಕಿಗೆ ವಿದಾಯ ಹೇಳಿದ್ದಾರೆ. ಇಂಗ್ಲೆAಡ್ ಕ್ರಿಕೆಟ್ ತಂಡದ ಪ್ರಮುಖ ಬೌಲರ್ ಆಗಿರೋ ಬ್ರಾಡ್ ಆಶಷ್ ಸರಣಿಯ ಅಂತಿಮ ಟೆಸ್ಟ್ ಪಂದ್ಯದಲ್ಲೇ ನಿವೃತ್ತಿಯನ್ನು ಘೋಷಿಸಿದ್ದಾರೆ.
ಹಾಗೇ ನೋಡಿದ್ರೆ, ಸ್ಟುವರ್ಟ್ ಬ್ರಾಡ್ ಅಂದ ತಕ್ಷಣ ನೆನಪಾಗೋದೇ ಯುವರಾಜ್ ಸಿಂಗ್. ಚೊಚ್ಚಲ ಟಿ-20 ವಿಶ್ವಕಪ್ ಟೂರ್ನಿಯಲ್ಲಿ ಸ್ಟುವರ್ಟ್ ಬ್ರಾಡ್ ಕ್ರಿಕೆಟ್ ಬದುಕನ್ನೇ ನಿರ್ಣಾಮ ಮಾಡುವಂತೆ ಮಾಡಿದ್ದು ಯುವರಾಜ್ ಸಿಂಗ್. ಆಂಡ್ರೂö್ಯ ಫ್ಲಿಂಟಾಫ್ ಮೇಲಿನ ಸಿಟ್ಟನ್ನು ಸ್ಟುವರ್ಟ್ ಬ್ರಾಡ್ ಮೇಲೆ ಯುವರಾಜ್ ಸಿಂಗ್ ತೀರಿಸಿಕೊಂಡಿದ್ರು.
ಸ್ಟುವರ್ಟ್ ಬ್ರಾಡ್ ಅವರ ಆರು ಎಸೆತಗಳಲ್ಲಿ ಆರು ಸಿಕ್ಸರ್ ಸಿಡಿಸಿ ಭಾರತೀಯ ಕ್ರಿಕೆಟ್ ಅಭಿಮಾನಿಗಳು ಹುಚ್ಚೆದ್ದು ಕುಣಿಯುವಂತೆ ಮಾಡಿದ್ರು. ವಿಶ್ವ ಕ್ರಿಕೆಟ್ ದಿಗ್ಭçಮೆಯಿಂದ ಯುವರಾಜ್ ಅಟ್ಟಹಾಸವನ್ನು ಕಣ್ಣಾರೆ ಕಂಡಿತ್ತು. ಮೈದಾನದಲ್ಲಿ ಕಣ್ಣೀರಿಟ್ಟಿದ್ದ 21ರ ಹರೆಯದ ಬ್ರಾಡ್ ಅವರನ್ನು ಇಂಗ್ಲೆAಡ್ ಆಟಗಾರರು ಸಮಾಧಾನಪಡಿಸುವ ಪ್ರಯತ್ನ ಮಾಡಿದ್ರು. ಇಂಗ್ಲೆAಡ್ ಕ್ರಿಕೆಟ್ ಅಭಿಮಾನಿಗಳು ಸ್ಟುವರ್ಟ್ ಬ್ರಾಡ್ ಮೇಲೆ ಸಿಟ್ಟು, ಕರುಣೆಯನ್ನು ತೋರಿದ್ರು. ಆದ್ರೆ ಕ್ಷಣದಲ್ಲಿ ಸ್ಟುವರ್ಟ್ ಬ್ರಾಡ್ಗೆ ಯಾವುದು ಬೇಕಿರಲಿಲ್ಲ. ಏಕಾಂಗಿಯಾಗಿ ಕಣ್ಣೀರು ಹಾಕೊಂಡೇ ಅದೆಷ್ಟೋ ರಾತ್ರಿ ನಿದ್ದೆ ಮಾಡಿರಲಿಲ್ಲ.
ಹಾಗಂತ ಸ್ಟುವರ್ಟ್ ಬ್ರಾಡ್ ವಿಚಲಿತರಾಗಲಿಲ್ಲ. ಬಹುತೇಕರು ಬ್ರಾಡ್ ಅವರ ಕ್ರಿಕೆಟ್ ಬದುಕು ಮುಗಿದೇ ಹೋಯ್ತು ಅಂತ ಭಾವಿಸಿದ್ರು. ಆದ್ರೆ ಇಂಗ್ಲೆAಡ್ ಕ್ರಿಕೆಟ್ ಮಂಡಳಿ ಸ್ಟುವರ್ಟ್ ಬ್ರಾಡ್ ಮೇಲೆ ನಂಬಿಕೆ ಕಳೆದುಕೊಳ್ಳಲಿಲ್ಲ. ತಂಡದಲ್ಲಿ ಆಡೋ ಅವಕಾಶವನ್ನು ನೀಡಿತ್ತು. ಅವಕಾಶವನ್ನೇ ಸಾಧನೆಯ ಮೆಟ್ಟಿಲುಗಳನ್ನಾಗಿ ಮಾಡಿಕೊಂಡ ಸ್ಟುವರ್ಟ್ ಬ್ರಾಡ್ ಇಂಗ್ಲೆAಡ್ ತಂಡದ ಟ್ರಂಪ್ ಕಾರ್ಡ್ ಬೌಲರ್ ಆಗಿ ರೂಪುಗೊಂಡ್ರು.
ಅದರಲ್ಲೂ ಇಂಗ್ಲೆAಡ್ ಟೆಸ್ಟ್ ತಂಡದ ಖಾಯಂ ಬೌಲರ್ ಆಗಿದ್ದ ಬ್ರಾಡ್, ಆಸ್ಟೆçÃಲಿಯಾ ವಿರುದ್ಧದ ಆಶಷ್ ಸರಣಿಯಲ್ಲಂತೂ ಅದ್ಭುತವಾದ ಪ್ರದರ್ಶನವನ್ನು ನೀಡಿದ್ರು. ಆಸ್ಟೆçÃಲಿಯಾ ಬ್ಯಾಟ್ಸ್ ಮೆನ್ಗಳಿಗೆ ಕಂಟಕವಾಗಿದ್ದ ಸ್ಟುವರ್ಟ್ ಅವರನ್ನು ಆಸ್ಟೆçÃಲಿಯಾದ ಮಾಜಿ ನಾಯಕ ರಿಕಿ ಪಾಟಿಂಗ್ ಆಶಷ್ ವಾರಿಯರ್ ಎಂದು ಕರೆಯುತ್ತಾರೆ. ಅಷ್ಟರ ಮಟ್ಟಿಗೆ ಸ್ಟುವರ್ಟ್ ಬ್ರಾಡ್ ಆಸೀಸ್ ಬ್ಯಾಟ್ಸ್ಮೆನ್ಗಳಿಗೆ ಭಯಹುಟ್ಟಿಸಿದ್ರು.
ಕೇವಲ 21ರ ಹರೆಯದಲ್ಲೇ ದುಬಾರಿ ಬೌಲರ್ ಎನಿಸಿಕೊಂಡಿದ್ದ ಸ್ಟುವರ್ಟ್ ಬ್ರಾಡ್ ಕಠಿಣ ಪರಿಶ್ರಮ, ಬದ್ಧತೆಯಿಂದಲೇ ತಮ್ಮ ಬೌಲಿಂಗ್ನಲ್ಲಿ ಪರಿಪಕ್ವತೆಯನ್ನು ಪಡೆದುಕೊಂಡಿದ್ದರು. ಏಕದಿನ ಮತ್ತು ಟಿ-20 ಪಂದ್ಯಗಳಿಗಿAತ ಟೆಸ್ಟ್ ಪಂದ್ಯಗಳಲ್ಲೇ ಹೆಚ್ಚಾಗಿ ಕಾಣಿಸಿಕೊಂಡಿದ್ದಾರೆ. ಅಲ್ಲದೆ ಟೆಸ್ಟ್ ಕ್ರಿಕೆಟ್ 600 ವಿಕೆಟ್ ಪಡೆದ ಸಾಧನೆಯನ್ನು ಮಾಡಿದ್ದಾರೆ.
2007ರಲ್ಲಿ ಲಂಕಾ ವಿರುದ್ಧ ಚೊಚ್ಚಲ ಟೆಸ್ಟ್ ಪಂದ್ಯವನ್ನು ಆಡಿದ್ದ ಬ್ರಾಡ್, ಇಲ್ಲಿವರೆಗೆ 167 ಟೆಸ್ಟ್ ಪಂದ್ಯಗಳನ್ನು ಆಡಿದ್ದಾರೆ. 600 ವಿಕೆಟ್ ಪಡೆದಿದ್ದಾರೆ. ಅಲ್ಲದೆ ಇಂಗ್ಲೆAಡ್ ಪರ ಟೆಸ್ಟ್ ಕ್ರಿಕೆಟ್ನಲ್ಲಿ ಗರಿಷ್ಠ ವಿಕೆಟ್ ಪಡೆದ ಎರಡನೇ ಬೌಲರ್ ಆಗಿದ್ದಾರೆ. ಜೇಮ್ಸ್ ಆಂಡರ್ಸನ್ ಇಂಗ್ಲೆAಡ್ ಪರ ಟೆಸ್ಟ್ ಕ್ರಿಕೆಟ್ನಲ್ಲಿ ಗರಿಷ್ಠ ವಿಕೆಟ್ ಪಡೆದ ಬೌಲರ್ ಆಗಿದ್ದಾರೆ.
ಇನ್ನುಳಿದಂತೆ ಸ್ಟುವರ್ಟ್ ಬ್ರಾಡ್, 121 ಏಕದಿನ ಪಂದ್ಯಗಳಲ್ಲಿ 178 ವಿಕೆಟ್ ಹಾಗೂ 56 ಟಿ-20 ಪಂದ್ಯಗಳಲ್ಲಿ 65 ವಿಕೆಟ್ ಉರುಳಿಸಿದ್ದಾರೆ. ಸ್ಟುವರ್ಟ್ ಬ್ರಾಡ್ ಅವರ ಅಪ್ರತಿಮ ಸಾಧನೆಗೆ ವಿಶ್ವ ಕ್ರಿಕೆಟ್ ವಿದಾಯದ ಗೌರವವನ್ನು ನೀಡಿದೆ. ಅದರಲ್ಲೂ ಯುವರಾಜ್ ಸಿಂಗ್ ಬ್ರಾಡ್ ಅವರ ಸಾಧನೆಗೆ ಸಲಾಂ ಅಂದಿದ್ದಾರೆ. ಬ್ರಾಡ್ ಅವರನ್ನು ರಿಯಲ್ ಚಾಂಪಿಯನ್ ಎಂದು ಬಣ್ಣಿಸಿದ್ದಾರೆ. ಒಟ್ಟಿನಲ್ಲಿ ಸ್ಟುವರ್ಟ್ ಬ್ರಾಡ್ ಕ್ರಿಕೆಟ್ ಬದುಕಿನ ಆರಂಭದಲ್ಲೇ ಮೈದಾನದಲ್ಲಿ ಅವಮಾನದಿಂದ ತಲೆಬಾಗಿದ್ರು. 17 ವರ್ಷಗಳ ನಂತರ ತನ್ನ ಕ್ರಿಕೆಟ್ ಬದುಕಿನಲ್ಲಿ ಸಾರ್ಥಕತೆಯನ್ನು ಪಡೆದು ತಲೆಎತ್ತಿ ಕ್ರಿಕೆಟ್ ಮೈದಾನದಿಂದ ಹೊರನಡೆದಿದ್ದಾರೆ.
