ದ್ವೇಷ ಹಾಗೂ ಬೆದರಿಕೆಯ ಬದಲು ಸಹಾನುಭೂತಿ ಹಾಗೂ ಬೆಂಬಲವನ್ನು ನೀಡಿ – ರತನ್ ಟಾಟಾ
ಮುಂಬೈ, ಜೂನ್ 24: ರತನ್ ಟಾಟಾ ಅವರ ಯಾವುದೇ ಪೋಸ್ಟ್ ವೈರಲ್ ಆಗಲು ಹೆಚ್ಚು ಸಮಯ ಬೇಕಾಗಿಲ್ಲ. ಅವರ ಪೋಸ್ಟ್ ನಲ್ಲಿ ಒಂದು ಅರ್ಥವಿರುತ್ತದೆ. ಅವರು ಕೊರೋನ ದೇಶಕ್ಕೆ ದಾಪುಗಾಲು ಇಡಬೇಕಾದರೆ ಸರಿ ಸುಮಾರು ಒಂದೂವರೆ ಸಾವಿರ ಕೋಟಿ ರೂಪಾಯಿಯ ದೇಣಿಗೆ ನೀಡಿ ದೇಶದ ಜನರ ಸಮಸ್ಯೆಗೆ ಟಾಟಾ ಸಂಸ್ಥೆ ಸ್ಪಂದಿಸುತ್ತದೆ ಎಂದು ಸಾಬೀತುಪಡಿಸಿದ್ದರು. ಈ ನಡುವೆ ಆನ್ ಲೈನ್ ನಲ್ಲಿ ದ್ವೇಷ ಬಿತ್ತುವುದನ್ನು ಹಾಗೂ ಬೆದರಿಸುವುದನ್ನು ನಿಲ್ಲಿಸಿ ಎಂದು ಅವರು ಇನ್ ಸ್ಟಾಗ್ರಾಮ್ ನಲ್ಲಿ ಪೋಸ್ಟ್ ಮಾಡಿದ್ದು, ಆನ್ಲೈನ್ ಬೆದರಿಸುವಿಕೆ ಮತ್ತು ಟ್ರೋಲಿಂಗ್ ವಿರುದ್ಧ 82 ವರ್ಷ ವಯಸ್ಸಿನವರು ಮಾತನಾಡಿದ್ದಾರೆ ಎಂದು ಹಲವರು ಹೊಗಳಿದ್ದಾರೆ. ಹೌದು ಸರ್, ನಿಮ್ಮ ಪದಗಳಲ್ಲಿ ಬಹಳಷ್ಟು ಅರ್ಥವಿದೆ ಎಂದು ಟಾಟಾ ಅವರ ಪೋಸ್ಟ್ ಗೆ ನೆಟ್ಟಿಗರು ಪ್ರತಿಕ್ರಿಯಿಸಿದ್ದಾರೆ.
ಕೈಗಾರಿಕೋದ್ಯಮಿ ರತನ್ ಟಾಟಾ ಅವರು ಇತ್ತೀಚೆಗೆ ಆನ್ ಲೈನ್ ನಲ್ಲಿ ದ್ವೇಷ ಬಿತ್ತುವುದನ್ನು ಹಾಗೂ ಬೆದರಿಸುವುದನ್ನು ನಿಲ್ಲಿಸಿ ಎಂದು ಬರೆದಿರುವ ಪೋಸ್ಟ್ಗೆ ಆನ್ಲೈನ್ನಲ್ಲಿ ಪ್ರಶಂಸೆಗಳ ಮಹಾಪೂರವೇ ಹರಿದು ಬಂದಿದ್ದು, ಹಲವಾರು ಆನ್ಲೈನ್ ಪ್ಲಾಟ್ಫಾರ್ಮ್ಗಳಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ, ರತನ್ ಟಾಟಾಾ ಅವರು ಇನ್ ಸ್ಟಾಗ್ರಾಮ್ ನಲ್ಲಿ ಹೀಗೆಂದು ಬರೆದಿದ್ದಾರೆ , ಈ ವರ್ಷ ಎಲ್ಲರಿಗೂ, ಸವಾಲುಗಳು ತುಂಬಿವೆ. ಆನ್ ಲೈನ್ ಸಮುದಾಯವು ಒಬ್ಬರಿಗೊಬ್ಬರು ನೋವನ್ನುಂಟುಮಾಡುವುದನ್ನು ನಾನು ನೋಡುತ್ತಿದ್ದೇನೆ ಮತ್ತು ಒಬ್ಬರನ್ನೊಬ್ಬರು ಕಠಿಣವಾಗಿ ಮತ್ತು ತ್ವರಿತ ತೀರ್ಮಾನಗಳನ್ನು ಕೈಗೊಳ್ಳುತ್ತಿದ್ದಾರೆ.
2020 ರ ಘಟನೆಗಳ ತಿರುವು ನಿರೀಕ್ಷೆಯಿಂದ ದೂರವಿದೆ. ಆಸ್ಟ್ರೇಲಿಯಾದಲ್ಲಿ ಸಂಭವಿಸಿದ ವಿನಾಶಕಾರಿ ಬುಷ್ ಬೆಂಕಿಯಿಂದ ಹಿಡಿದು, ಈಗ ನಡೆಯುತ್ತಿರುವ ಕೋವಿಡ್ -19 ಸಾಂಕ್ರಾಮಿಕ ರೋಗವು 8.92 ದಶಲಕ್ಷಕ್ಕೂ ಹೆಚ್ಚು ಜನರನ್ನು ಬಾಧಿಸಿದೆ. ಈ ವರ್ಷ ವಿಶೇಷವಾಗಿ ನಾವು ಒಗ್ಗಟ್ಟಾಗಿರಬೇಕು, ಎಲ್ಲರೂ ಒಂದಾಗಿ ಪರಸ್ಪರರಿಗೆ ನೆರವಾಗಬೇಕು ಎಂದು ಕರೆ ನೀಡುತ್ತೇನೆ ಮತ್ತು ಇದು ಇನ್ನೊಬ್ಬರನ್ನು ಕೆಳಕ್ಕೆ ಎಳೆಯುವ ಸಮಯವಲ್ಲ ಎಂದು ನಾನು ನಂಬುತ್ತೇನೆ. ಒಬ್ಬರಿಗೊಬ್ಬರು ಹೆಚ್ಚು ಸಂವೇದನೆ, ಹೆಚ್ಚು ದಯೆ ಮತ್ತು ಒಬ್ಬರನ್ನೊಬ್ಬರು ಹೆಚ್ಚು ಅರ್ಥ ಮಾಡಿಕೊಂಡು ತಾಳ್ಮೆಯಿಂದ ಇರಬೇಕು.
ದ್ವೇಷ ಹಾಗೂ ಬೆದರಿಕೆ ಬದಲಿಗೆ ಎಲ್ಲರಿಗೂ ಸಹಾನುಭೂತಿ ಹಾಗೂ ಬೆಂಬಲವನ್ನು ನೀಡಿ ಎಂದು ರತನ್ ಟಾಟಾ ಬರೆದು ಕೊಂಡಿದ್ದಾರೆ.
ದ್ವೇಷ ಹಾಗೂ ಬೆದರಿಕೆ ಬದಲಿಗೆ ಎಲ್ಲರಿಗೂ ಸಹಾನುಭೂತಿ ಹಾಗೂ ಬೆಂಬಲವನ್ನು ನೀಡಿ ಎಂದು ರತನ್ ಟಾಟಾ ಬರೆದು ಕೊಂಡಿದ್ದಾರೆ.
