ಮಹಿಳೆಯೊಬ್ಬರು ನೋಡಲು ಸುಂದರವಾಗಿ ಕಾಣಬೇಕೆಂಬ ಕಾರಣಕ್ಕೆ 20 ಲಕ್ಷ ರೂ. ಖರ್ಚು ಮಾಡಿ ತುಟಿ ದೊಡ್ಡದಾಗಿಸಿಕೊಂಡಿದ್ದಾಳೆ.
ಹೀಗಾಗಿ ಈ ಮಹಿಳೆ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ಸುದ್ದಿಯಾಗುತ್ತಿದ್ದಾಳೆ. ಈ ಮಹಿಳೆ ಕ್ರಿಸ್ ಮಸ್ ಹಿನ್ನೆಲೆಯಲ್ಲಿ ಪ್ರತಿ ವರ್ಷ ಸುಮಾರು 20 ಲಕ್ಷ ರೂ. ಖರ್ಚು ಮಾಡಿ ತುಟಿಯ ಶಸ್ತ್ರಚಿಕಿತ್ಸೆ ಮಾಡಿಸಿಕೊಳ್ಳುತ್ತಾಳೆ. ಹೀಗಾಗಿ ವರ್ಷ ವರ್ಷ ಈ ಮಹಿಳೆಯ ತುಟಿಗಳ ಗಾತ್ರ ಹಿಗ್ಗುತ್ತ ಸಾಗುತ್ತಿದೆ. ಆದರೂ ಶಸ್ತ್ರ ಚಿಕಿತ್ಸೆ ಮಾಡಿಸುವುದನ್ನು ಮಾತ್ರ ಬಿಟಿಲ್ಲ.
ಆಂಡ್ರಿಯಾ ಇವನೊವಾ(26) ಈ ರೀತಿಯ ಶಸ್ತ್ರಚಿಕಿತ್ಸೆ ಮಾಡಿಸಿಕೊಳ್ಳುತ್ತಿರುವ ಯುವತಿ. ಸದ್ಯ ಇವರನ್ನು ‘ದೊಡ್ಡ ತುಟಿ ಹೊಂದಿರುವ ಮಹಿಳೆ’ ಎಂದು ಕರೆಯಲಾಗುತ್ತಿದೆ. ತೆಳ್ಳಗಿನ ಚಿಕ್ಕ ತುಟಿಯನ್ನು ಹೊಂದಿದ್ದ ಈಕೆ, ಈಗ ದೊಡ್ಡ ತುಟಿ ಮಾಡಿಕೊಂಡಿದ್ದಾಳೆ. ಸದ್ಯ ಪ್ರತಿ ವರ್ಷ 20 ಲಕ್ಷ ರೂ. ಖರ್ಚು ಮಾಡಿ ತುಟಿಯ ಗಾತ್ರ ಹೆಚ್ಚಿಸಿಕೊಳ್ಳುತ್ತಿದ್ದಾಳೆ.
