ಭಾರತೀಯ ಖ್ಯಾತ ಕುಸ್ತಿ ಪಟು ಭಜರಂಗ ಪುನಿಯಾ (Wrestler Bajrang Punia) ಅವರನ್ನು ರಾಷ್ಟ್ರೀಯ ಉದ್ದೀಪನ ಮದ್ದು ತಡೆ ಸಂಸ್ಥೆ (NADA) ಅನಿರ್ದಿಷ್ಟಾವಧಿಗೆ ಅಮಾನತುಗೊಳಿಸಲಾಗಿದೆ.
ಪುನಿಯಾ ಮಾರ್ಚ್ 10ರಂದು ಸೋನೆಪತ್ನಲ್ಲಿ ನಡೆದ ಟ್ರಯಲ್ಸ್ ನಲ್ಲಿ ಆಯ್ಕೆಯಾದ ನಂತರ ಮೂತ್ರದ ಮಾದರಿ (Urine Sample) ನೀಡಿರಲಿಲ್ಲ. ಈ ಹಿನ್ನೆಲೆಯಲ್ಲಿ ನಾಡಾ ಅನಿರ್ದಿಷ್ಟಾವಧಿಗೆ ಭಜರಂಗ ಪುನಿಯಾ ಅವರನ್ನು ಅಮಾನತು ಮಾಡಿ ಆದೇಶ ಹೊರಡಿಸಿದೆ.
ಈ ಅಮಾನತು ನಿರ್ಧಾರ ಈ ವರ್ಷದ ಕೊನೆಯಲ್ಲಿ ನಡೆಯಲಿರುವ ಪ್ಯಾರಿಸ್ ಒಲಿಂಪಿಕ್ಸ್ನಲ್ಲಿ (Paris Olympics) ಸ್ಪರ್ಧಿಸುವ ಪುನಿಯಾ ಪ್ರಯತ್ನಕ್ಕೆ ಭಾರೀ ಹಿನ್ನಡೆ ಮಾಡಿದೆ. ಭಜರಂಗ ಪುನಿಯಾಗೆ ನಾಡಿ ನಿಗದಿತ ಸಮಯದೊಳಗೆ ಮೂತ್ರದ ಮಾದರಿ ನೀಡುವಂತೆ ಕೋರಿತ್ತು. ಆದರೆ, ಪುನಿಯಾ ನೀಡದ ಹಿನ್ನೆಲೆಯಲ್ಲಿ ನಾಡಾ ಈ ನಿರ್ಧಾರ ಕೈಗೊಂಡಿದೆ. ಅಷ್ಟೇ ಅಲ್ಲ, ಸೂಚಿಸಿದ ಅವಧಿಯೊಳಗೆ ಮೂತ್ರದ ಮಾದರಿ ನೀಡದಿರುವುದಕ್ಕೂ ಕಾರಣ ನೀಡುವಂತೆ ನಾಡಾ ಎಚ್ಚರಿಕೆ ನೀಡಿದೆ.