ಭಾರತ ಮತ್ತು ಪಾಕಿಸ್ತಾನ ನಡುವಿನ ಉದ್ವಿಗ್ನತೆಯ ಮಧ್ಯೆ, ಕೇಂದ್ರ ಸರ್ಕಾರ ತುರ್ತು ಕ್ರಮವಾಗಿ ಮಹತ್ವದ ತೀರ್ಮಾನ ಕೈಗೊಂಡಿದ್ದು, ಮೇ 7 ರಂದು ದೇಶದ ವಿವಿಧ ರಾಜ್ಯಗಳಲ್ಲಿ ‘ಸಿವಿಲ್ ಮಾಕ್ ಡ್ರಿಲ್’ (Civil Mock Drill) ನಡೆಸುವಂತೆ ಸೂಚನೆ ನೀಡಿದೆ. ಇದು ಯುದ್ಧಪೂರ್ವ ತಯಾರಿನ ಭಾಗವಾಗಿದ್ದು, ಶತ್ರು ರಾಷ್ಟ್ರದಿಂದ ಸಂಭವಿಸಬಹುದಾದ ವಾಯುದಾಳಿ, ರಾಸಾಯನಿಕ ದಾಳಿ ಅಥವಾ ಭಯೋತ್ಪಾದಕರ ಅಪಾಯದ ಸಂದರ್ಭಗಳಲ್ಲಿ ನಾಗರಿಕರು ಹೇಗೆ ಪ್ರತಿಕ್ರಿಯಿಸಬೇಕು ಎಂಬುದನ್ನು ತಿಳಿಸುವುದೇ ಇದರ ಉದ್ದೇಶ.
ಡ್ರಿಲ್ ಏಕೆ? ಎಲ್ಲಿ ನಡೆಯಲಿದೆ?
ಈ ಡ್ರಿಲ್ನ ಪ್ರಕಾರ, ಶತ್ರು ರಾಷ್ಟ್ರಗಳು ವಾಯುದಾಳಿ ನಡೆಸಿದರೆ:
ನಾಗರಿಕರು ತಕ್ಷಣ ಏನು ಮಾಡಬೇಕು?
ಸುರಕ್ಷಿತ ಸ್ಥಳಗಳು ಯಾವುವು?
ತುರ್ತು ರಕ್ಷಣಾ ಮಾರ್ಗಗಳು ಯಾವುವು?
ಆರೋಗ್ಯ ಸೇವೆಗಳ ಬಳಕೆ ಹೇಗೆ?
ಮಕ್ಕಳು, ಹಿರಿಯರು ಮತ್ತು ಮಹಿಳೆಯರ ಸುರಕ್ಷತೆಗಾಗಿ ವಿಶೇಷ ಕ್ರಮಗಳು ಯಾವುವು?
ಇವೆಲ್ಲದರ ಬಗ್ಗೆ ಸರಳ ಹಾಗೂ ಪ್ರಾಯೋಗಿಕ ತರಬೇತಿ ನೀಡಲಾಗುತ್ತದೆ. ಈ ಮೂಲಕ ಸಾರ್ವಜನಿಕರಲ್ಲಿ ತುರ್ತು ಪರಿಸ್ಥಿತಿಯ ಅರಿವು ಮೂಡಿಸುವ ಉದ್ದೇಶವಿದೆ.
ಯುದ್ಧದಂಥ ಅಪಾಯಗಳ ತಕ್ಷಣದ ಪ್ರತಿಕ್ರಿಯೆಗಾಗಿ ನಾಗರಿಕರನ್ನು ಸಜ್ಜಾಗಿಸುವುದು.
ಆಸ್ಪತ್ರೆಗಳು, ರಕ್ಷಣಾ ಸಿಬ್ಬಂದಿ, ಪೊಲೀಸ್, ಅಗ್ನಿಶಾಮಕ ಸಿಬ್ಬಂದಿಯ ಸಕ್ರಿಯ ಪಾಲ್ಗೊಳ್ಳುವಿಕೆ.
ಸಾರ್ವಜನಿಕರಿಗೆ ಆತಂಕವಿಲ್ಲದ ಭದ್ರತೆಯ ಅರಿವು ಮೂಡಿಸುವುದು ಇದರ ಹಿಂದಿರುವ ಉದ್ದೇಶ
ರಾಜ್ಯಗಳಿಗೆ ಕೇಂದ್ರದ ನಿರ್ದೇಶನ
ಎಲ್ಲಾ ರಾಜ್ಯಗಳಿಗೆ ಸೂಚನೆಗಳು ಹೋಗಿವೆ.
ಮಹಾನಗರಗಳು, ಗಡಿಪ್ರದೇಶಗಳು, ಹೆಚ್ಚು ಜನಸಂಖ್ಯೆ ಇರುವ ಪ್ರದೇಶಗಳಲ್ಲಿ ಹೆಚ್ಚು ಗಮನ.
ಶಾಲೆಗಳು, ಆಸ್ಪತ್ರೆಗಳು, ಮಾರುಕಟ್ಟೆಗಳು, ರೈಲು ನಿಲ್ದಾಣಗಳು, ಬಸ್ ನಿಲ್ದಾಣಗಳಲ್ಲಿ ಡ್ರಿಲ್ ಕಾರ್ಯಾಚರಣೆ ನಡೆಯಲಿದೆ.
ಸಾಮಾನ್ಯ ಜನರಿಗೆ ಏನು ಹೇಳಲಾಗಿದೆ?
ತುರ್ತು ಸೂಚನೆಗಳಿಗೆ ಸ್ಪಂದಿಸಬೇಕು.
ಸಂಯಮದಿಂದ ವರ್ತಿಸಬೇಕು.
ಡ್ರಿಲ್ ವೇಳೆ ಗೊಂದಲ ಅಥವಾ ಅಶಾಂತತೆಯನ್ನು ಸೃಷ್ಟಿಸಬಾರದು.
ತಮ್ಮ ಸ್ಥಳೀಯ ಅಧಿಕಾರಿಗಳ ಸೂಚನೆ ಪಾಲಿಸಬೇಕು.
ಈ ರೀತಿಯ ಡ್ರಿಲ್ಗಳು ಶತ್ರು ರಾಷ್ಟ್ರಗಳಿಂದ ಬರುವ ಅಪಾಯಗಳ ಎದುರಿಗೊಳ್ಳಲು ನಾಗರಿಕರನ್ನು ಸಜ್ಜುಗೊಳಿಸುತ್ತವೆ. ಪಾಕಿಸ್ತಾನದೊಂದಿಗೆ ಪರಿಸ್ಥಿತಿ ಹೆಚ್ಚು ಉದ್ವಿಗ್ನವಾಗಿರುವ ಈ ಸಂದರ್ಭದಲ್ಲಿ, ಭಾರತ ತನ್ನ ಭದ್ರತಾ ರೇಖೆಗಳನ್ನು ಬಲಪಡಿಸುವ ಹಾಗೂ ಸಾರ್ವಜನಿಕರು ಎಚ್ಚರಿಕೆಯಿಂದಿರುವಂತಹ ನಿಲುವುಗಳನ್ನು ಸ್ಪಷ್ಟಪಡಿಸಿದೆ.
