2025ನೇ ಸಾಲಿನ ಪಿಜಿ ಡೆಂಟಲ್ ಪ್ರವೇಶಕ್ಕಾಗಿ (PG DENTAL-25) ಮೊದಲ ಸುತ್ತಿನ ಸೀಟು ಹಂಚಿಕೆ ಫಲಿತಾಂಶವನ್ನು ಕರ್ನಾಟಕ ಪರೀಕ್ಷಾ ಪ್ರಾಧಿಕಾರ (KEA) ಪ್ರಕಟಿಸಿದೆ. ಈ ಕುರಿತು ಕೆಇಎಇ ಕಾರ್ಯನಿರ್ವಾಹಕ ನಿರ್ದೇಶಕರಾದ ಹೆಚ್. ಪ್ರಸನ್ನ ಅವರು ಅಧಿಕೃತ ಮಾಹಿತಿ ನೀಡಿದ್ದಾರೆ.
ಸೀಟು ಪಡೆದವರಿಗೆ ಮುಖ್ಯ ಸೂಚನೆಗಳು:
ಸೀಟು ಪಡೆದ ಅಭ್ಯರ್ಥಿಗಳು ತಮ್ಮ ಛಾಯ್ಸ್ ದಾಖಲಿಸಿ, ಶುಲ್ಕ ಪಾವತಿಸಲು ಜುಲೈ 17 ರವರೆಗೆ ಅವಕಾಶವಿದೆ.
ಛಾಯ್ಸ್-1 ಮತ್ತು ಛಾಯ್ಸ್-2 ಆಯ್ಕೆ ಮಾಡಿದ ಅಭ್ಯರ್ಥಿಗಳಷ್ಟೇ ಶುಲ್ಕ ಪಾವತಿಸಬೇಕು ಎಂದು ಸ್ಪಷ್ಟಪಡಿಸಲಾಗಿದೆ.
ಬಾಕಿ ಉಳಿದಿರುವ ಛಾಯ್ಸ್ ಆಯ್ಕೆ ಮಾಡಿದವರು ಮುಂದಿನ ಹಂತದಲ್ಲಿ ಪ್ರಕ್ರಿಯೆ ಮುಂದುವರಿಸಬಹುದು.
ಛಾಯ್ಸ್-1 ಆಯ್ಕೆ ಮಾಡಿದವರಿಗೆ:
ಜುಲೈ 16 ಮತ್ತು 17 ರಂದು ಮೂಲ ದಾಖಲೆಗಳನ್ನು (Original Documents) ಸಲ್ಲಿಸಬೇಕು.
ಪ್ರವೇಶ ಪತ್ರ (Admission Order) ಪಡೆದುಕೊಳ್ಳಬೇಕು.
ಸೀಟು ಸ್ವೀಕರಿಸಿದ ಅಭ್ಯರ್ಥಿಗಳು ಜುಲೈ 18ರೊಳಗೆ ಆಯ್ಕೆ ಮಾಡಿದ ಕಾಲೇಜಿಗೆ ಹಾಜರಾಗಿ ವರದಿ ಮಾಡಿಕೊಳ್ಳಬೇಕು.
ಈ ಅಧಿಸೂಚನೆ ಸರ್ಕಾರಿ, ಖಾಸಗಿ ಮತ್ತು ಡೀಮ್ ವಿವಿಯ ವಿವಿಧ ದಂತ ಕಾಲೇಜುಗಳಿಗೆ ಪಿಜಿ ಕೋರ್ಸ್ಗಳಿಗೆ ಸೀಟು ಹಂಚಿಕೆ ಸಂಬಂಧಿತವಾಗಿದ್ದು, ಸೀಟು ಪಡೆದವರಿಗೆ ನಿರ್ದಿಷ್ಟ ದಿನಾಂಕದೊಳಗೆ ಪ್ರಕ್ರಿಯೆ ಪೂರೈಸುವುದು ಕಡ್ಡಾಯವಾಗಿದೆ.
ಮುಖ್ಯ ದಿನಾಂಕಗಳು:
ಜುಲೈ 17 – ಛಾಯ್ಸ್ ದಾಖಲೆ ಮತ್ತು ಶುಲ್ಕ ಪಾವತಿ ಕೊನೆ ದಿನ
ಜುಲೈ 16-17 – ಮೂಲ ದಾಖಲೆ ಸಲ್ಲಿಕೆ ಮತ್ತು ಪ್ರವೇಶ ಪತ್ರ ಪಡೆಯುವ ದಿನ
ಜುಲೈ 18 – ಕಾಲೇಜಿಗೆ ವರದಿ ಮಾಡಿಕೊಳ್ಳಲು ಕೊನೆ ದಿನ
