2026ರ ಮಹಿಳಾ ಪ್ರೀಮಿಯರ್ ಲೀಗ್ (WPL)ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ತಂಡದ ಗೆಲುವಿನ ಸರಣಿ ಮುಂದುವರೆದಿದೆ. ಸ್ಮೃತಿ ಮಂಧಾನ ಅವರ ನಾಯಕತ್ವದಲ್ಲಿ ಆಡುತ್ತಿರುವ RCB ಈವರೆಗೆ ಆಡಿದ 5 ಪಂದ್ಯಗಳಲ್ಲೂ ಭರ್ಜರಿ ಜಯ ಸಾಧಿಸಿ, 10 ಅಂಕಗಳೊಂದಿಗೆ +1.882 ನೆಟ್ ರನ್ ರೇಟ್ ಪಡೆದಿದೆ. ಇದರೊಂದಿಗೆ ಅಂಕಪಟ್ಟಿಯಲ್ಲಿ RCB ಅಗ್ರಸ್ಥಾನದಲ್ಲಿದ್ದು, ಪ್ಲೇಆಫ್ಗೆ ಅಧಿಕೃತವಾಗಿ ಅರ್ಹತೆ ಪಡೆದಿದೆ.
ಟೂರ್ನಿಯ ನಿಯಮಾವಳಿಯಂತೆ, ಲೀಗ್ ಹಂತದ ಟಾಪ್ ತಂಡಗಳಿಗೆ ಫೈನಲ್ ತಲುಪುವ ಅವಕಾಶ ಹೆಚ್ಚು. RCB ಉಳಿದಿರುವ 3 ಪಂದ್ಯಗಳಲ್ಲಿ ಕನಿಷ್ಠ 2 ಪಂದ್ಯಗಳಲ್ಲಿ ಗೆಲುವು ಸಾಧಿಸಿದರೆ, ಯಾವುದೇ ಲೆಕ್ಕಾಚಾರಗಳ ಅವಶ್ಯಕತೆ ಇಲ್ಲದೆ ನೇರವಾಗಿ ಫೈನಲ್ಗೆ ಪ್ರವೇಶ ಪಡೆಯಲಿದೆ.
RCB ತಂಡ ಬ್ಯಾಟಿಂಗ್, ಬೌಲಿಂಗ್ ಮತ್ತು ಫೀಲ್ಡಿಂಗ್ ನಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡುತ್ತಿದೆ. ಟಾಪ್ ಆರ್ಡರ್ನಲ್ಲಿ ಸ್ಥಿರತೆ, ಮಧ್ಯಕ್ರಮದಲ್ಲಿ ವೇಗದ ರನ್ಗಳು ಹಾಗೂ ಬೌಲರ್ಗಳ ಶಿಸ್ತುಬದ್ಧ ಆಟವೇ RCBಗೆ ದೊಡ್ಡ ಶಕ್ತಿ ಆಗಿದೆ.
ಇದೀಗ ಟೂರ್ನಿಯ ಪ್ರಮುಖ ಕುತೂಹಲದ ವಿಷಯ ಎಂದರೆ, RCB ಜೊತೆಗೂಡಿ ಪ್ಲೇಆಫ್ಗೆ ಇನ್ನಾವ ಎರಡು ತಂಡಗಳು ಪ್ರವೇಶ ಪಡೆಯಲಿವೆ? ಎಂಬುದಾಗಿದೆ. ಮುಂದಿನ ಪಂದ್ಯಗಳು ಇತರ ತಂಡಗಳ ಭವಿಷ್ಯವನ್ನು ನಿರ್ಧರಿಸಲಿದ್ದು, WPL 2026 ಇನ್ನಷ್ಟು ರೋಚಕ ಹಂತಕ್ಕೆ ಪ್ರವೇಶಿಸಿದೆ.
RCB ಫ್ಯಾನ್ಸ್ಗಳ ಪಾಲಿಗೆ ಇದು ಸಂಭ್ರಮದ ಸಮಯ—ಈ ಫಾರ್ಮ್ ಮುಂದುವರಿದರೆ, RCBಗೆ ಫೈನಲ್ ಜೊತೆಗೆ ಟ್ರೋಫಿಯ ಕನಸು ಸಹ ನಿಜವಾಗುವ ಸಾಧ್ಯತೆ ಇದೆ.
