2026ರ ಗ್ಲಾಸ್ಗೋ ಕಾಮನ್‍ವೆಲ್ತ್ ಗೇಮ್ಸ್‍ನ ಸಮಾರೋಪ ಸಮಾರಂಭದಲ್ಲಿ ಭಾರತದ ಸಂಸ್ಕøತಿ ಅನಾವರಣಗೊಳ್ಳಲಿದೆ. 2030ರ ಶತಮಾನೋತ್ಸವ ಕಾಮನ್‍ವೆಲ್ತ್ ಕ್ರೀಡಾಕೂಟದ ಆತಿಥ್ಯವನ್ನು ಭಾರತದ ಅಹಮದಾಬಾದ್ ನಗರ ವಹಿಸಲಿದೆ. ಸಮಾರೋಪ ಸಮಾರಂಭದಲ್ಲಿ ಅಧಿಕೃತ ಹಸ್ತಾಂತರ ನಡೆಯಲಿದೆ.
ಇದೇ ವೇಳೆ ಭಾರತದ ಶ್ರೀಮಂತ ಸಂಸ್ಕøತಿ, ಸಂಗೀತ ಮತ್ತು ನೃತ್ಯ ಪರಂಪರೆಯನ್ನು ವಿಶ್ವದ ಮುಂದೆ ಪ್ರದರ್ಶಿಸಲಾಗುವುದು. ಆಗಸ್ಟ್ 2ರಂದು ನಡೆಯಲಿರುವ ಹಸ್ತಾಂತರ ಕಾರ್ಯಕ್ರಮದಲ್ಲಿ ಭಾರತದ ರಾಷ್ಟ್ರೀಯ ಭಾವನೆ ಮತ್ತು ಏಕತೆಯ ಸಂಕೇತವಾದ ವಂದೇ ಮಾತರಂನ 150 ವರ್ಷಗಳ ಸಂಭ್ರಮವನ್ನು ನಟಿ ಹಾಗೂ ವಿಶ್ವ ಸುಂದರಿ ಮನುಷಿ ಛಿಲ್ಲರ್ ತಂಡದವರು ನೃತ್ಯರೂಪಕದ ಮೂಲಕ ಗೌರವ ಸಲ್ಲಿಸಲಿದ್ದಾರೆ.
ಹಾಗೇ ಭಾರತದ ಸಿತಾರ್ ಸಂಗೀತ ಮತ್ತು ಸ್ಕಾಟ್ಲೆಂಡ್‍ನ ಪೈಪ್ ಸಂಗೀತದ ಅಪೂರ್ವ ಜುಗಲ್‍ಬಂದಿ ನಡೆಯಲಿದೆ. ಖ್ಯಾತ ಸಿತಾರ್ ವಾದಕ ರಿಷಬ್ ರಿಖಿರಾಮ್ ಶರ್ಮಾ ಮತ್ತು ಸ್ಕಾಟಿಷ್ ಪೈಪರ್ ರಾಸ್ ಐನ್ಸ್ಲಿ ಅವರು ಭಾರತೀಯ ಮತ್ತು ಸ್ಕಾಟಿಷ್ ಸಂಗೀತ ಪರಂಪರೆಯನ್ನು ಒಗ್ಗೂಡಿಸುವ ವಿಶೇಷ ಪ್ರದರ್ಶನವನ್ನು ನೀಡಲಿದ್ದಾರೆ.
ಅಂತಿಮ ಭಾಗದಲ್ಲಿ ಗುಜರಾತ್‍ನ ಸಂಸ್ಕøತಿಯ ವೈಭವನ್ನು ಬಿಂಬಿಸುವ ಅದ್ದೂರಿ ಕಾರ್ಯಕ್ರಮ ನಡೆಯಲಿದೆ. ಖ್ಯಾತ ಗಾಯಕ ಶಂಕರ್ ಮಹಾದೇವನ್ ಮತ್ತು ಅವರ ಪುತ್ರರಾದ ಸಿದ್ದಾರ್ಥ್ ಹಾಗೂ ಶಿವಂ ಮಹಾದೇವನ್ ಅವರು ಸಂಗೀತ ಕಾರ್ಯಕ್ರಮ ನಡೆಸಲಿದ್ದಾರೆ. ಗುಜರಾತ್‍ನ ನೃತ್ಯ ಕಲಾವಿದ ಭೂಮ್ ತ್ರಿವೇದಿ ಅವರ ನೃತ್ಯ ಸಂಯೋಜನೆ ಕಾರ್ಯಕ್ರಮದ ಪ್ರಮುಖ ಆಕರ್ಷಣೆಯಾಗಲಿದೆ.
ಕಳೆದ ವರ್ಷ ನವೆಂಬರ್‍ನಲ್ಲಿ ಅಹಮದಾಬಾದ್ ನಗರವನ್ನು 2030ರ ಕಾಮನ್‍ವೆಲ್ತ್ ಕ್ರೀಡಾಕೂಟದ ಆತಿಥೇಯ ನಗರವಾಗಿ ಆಯ್ಕೆ ಮಾಡಲಾಗಿತ್ತು. 2010ರ ನವದೆಹಲಿ ಕಾಮನ್‍ವೆಲ್ತ್ ಕ್ರೀಡಾಕೂಟದ ಬಳಿಕ ಎರಡನೇ ಬಾರಿ ಭಾರತ ಆಯೋಜನೆ ಮಾಡಲಿದೆ.
