ಕೋವಿಡ್ ಲಸಿಕೆ ಕೋವಾಕ್ಸಿನ್ ನ ಮಾನವ ಕ್ಲಿನಿಕಲ್ ಪ್ರಯೋಗ ಒಡಿಶಾ ಆಸ್ಪತ್ರೆಯಲ್ಲಿ ಪ್ರಾರಂಭ
ಭುವನೇಶ್ವರ, ಜುಲೈ 28: ಸ್ಥಳೀಯವಾಗಿ ಅಭಿವೃದ್ಧಿ ಪಡಿಸಿರುವ ಕೊರೋನವೈರಸ್ ವಿರುದ್ಧದ ಲಸಿಕೆಯಾದ ಕೋವಾಕ್ಸಿನ್ ನ ಬಹುನಿರೀಕ್ಷಿತ ಮಾನವ ಕ್ಲಿನಿಕಲ್ ಪ್ರಯೋಗ ಸೋಮವಾರ ಇಲ್ಲಿನ ಸಂಸ್ಥೆಯಲ್ಲಿ ಪ್ರಾರಂಭವಾಯಿತು ಎಂದು ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಬಿಬಿವಿ 152 ಕೋವಿಡ್ -19 ಲಸಿಕೆ ಅಥವಾ ಕೊವಾಕ್ಸಿನ್ ನ ಬಹುನಿರೀಕ್ಷಿತ ಪ್ರಯೋಗವು ಇನ್ಸ್ಟಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸಸ್ (ಐಎಂಎಸ್) ಮತ್ತು ಎಸ್’ಯುಎಂ ಆಸ್ಪತ್ರೆಯಲ್ಲಿ ಪ್ರಾರಂಭವಾಯಿತು. ಈ ಪ್ರಕ್ರಿಯೆಯ ಮೊದಲ ಮತ್ತು ಎರಡು ಹಂತಗಳನ್ನು ನಡೆಸಲು ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ (ಐಸಿಎಂಆರ್) ಆಯ್ಕೆ ಮಾಡಿದ 12 ಕೇಂದ್ರಗಳಲ್ಲಿ ಇದೂ ಒಂದಾಗಿದೆ, ಎಂದು ವಿಚಾರಣಾ ಪ್ರಕ್ರಿಯೆಯ ಅಧಿಕಾರಿಗಳು ತಿಳಿಸಿದ್ದಾರೆ.
ಭಾರತ್ ಬಯೋಟೆಕ್ ಅಭಿವೃದ್ಧಿಪಡಿಸುತ್ತಿರುವ ಕೋವಾಕ್ಸಿನ್ ನ ನಿರ್ಣಾಯಕ ಪ್ರಯೋಗದಲ್ಲಿ ಭಾಗಿಯಾಗಲು ಸ್ವಯಂಪ್ರೇರಿತರಾಗಿ ಆಯ್ಕೆಯಾಗಿರುವ ಅನೇಕ ವ್ಯಕ್ತಿಗಳಿಗೆ ನೀಡಲಾಯಿತು ಎಂದು ವಿಚಾರಣಾ ಪ್ರಕ್ರಿಯೆಯ ಪ್ರಧಾನ ತನಿಖಾಧಿಕಾರಿ ಡಾ ಇ ವೆಂಕಟ್ ರಾವ್ ತಿಳಿಸಿದರು.
ಸ್ವಯಂಸೇವಕರು ಕಠಿಣ ತಪಾಸಣೆ ಪ್ರಕ್ರಿಯೆಗೆ ಒಳಪಡಿಸಿ ಆಯ್ಕೆ ಮಾಡಲಾಗಿದೆ ಎಂದು ತಿಳಿಸಿದ ಅವರು, ಡ್ರಗ್ಸ್ ಕಂಟ್ರೋಲರ್ ಜನರಲ್ ಆಫ್ ಇಂಡಿಯಾ (ಡಿಸಿಜಿಐ) ರೂಪಿಸಿರುವ ನಿಯಮಾವಳಿಗಳಿಗೆ ಅನುಗುಣವಾಗಿ ಲಸಿಕೆಯನ್ನು ಕಟ್ಟುನಿಟ್ಟಾಗಿ ನೀಡಲಾಗುತ್ತದೆ ಎಂದು ತಿಳಿಸಿದರು.
