ಹೊಸದಿಲ್ಲಿ, ಅಗಸ್ಟ್ 8: ಕಳೆದ ಲೋಕಸಭಾ ಚುನಾವಣೆಯಲ್ಲಿ ಅಭೂತ ಪೂರ್ವ ವಿಜಯ ಸಾಧಿಸಿದ ಒಂದು ವರ್ಷದ ನಂತರವೂ ಭಾರತೀಯರು ಪ್ರಧಾನಿ ನರೇಂದ್ರ ಮೋದಿ ಅವರು ಮುಂದಿನ ಪ್ರಧಾನಿಯಾಗಬೇಕೆಂದು ಎಂದು ಇಂಡಿಯಾ ಟುಡೆ-ಕಾರ್ವಿ ಇನ್ಸೈಟ್ಸ್ ಮೂಡ್ ಆಫ್ ದಿ ನೇಷನ್ ಸಮೀಕ್ಷೆಯಲ್ಲಿ ಅಭಿಪ್ರಾಯ ಹೊರ ಹಾಕಿದ್ದಾರೆ.
ಮತ್ತೆ ಪ್ರಧಾನಿ ಪಟ್ಟಕ್ಕೆ ಮೋದಿಯೇ ಮೊದಲ ಆಯ್ಕೆ?
ದೇಶಾದ್ಯಂತ ಸಮೀಕ್ಷೆ ನಡೆಸಿದ ಒಟ್ಟು 12,021 ಜನರಲ್ಲಿ ನರೇಂದ್ರ ಮೋದಿ ಅವರು ಭಾರತದ ಮುಂದಿನ ಪ್ರಧಾನಿಯಾಗಬೇಕೆಂದು ಶೇಕಡಾ 66 ರಷ್ಟು ಜನರುಬಯಸಿದರೆ ಶೇ .8 ರಷ್ಟು ಮತಗಳನ್ನು ಪಡೆದ ರಾಹುಲ್ ಗಾಂಧಿ ಎರಡನೇ ಆಯ್ಕೆಯಾದರೆ, ಸೋನಿಯಾ ಗಾಂಧಿ ಶೇ 5 ರಷ್ಟು ಮತಗಳನ್ನು ಪಡೆದು ಪ್ರಧಾನಿ ಹುದ್ದೆಗೆ ಮೂರನೇ ಸ್ಥಾನ ಪಡೆದ ನಾಯಕರಾಗಿದ್ದಾರೆ.
47 ಪ್ರತಿಶತದಷ್ಟು ಜನರು ಮೋದಿ ಸರ್ಕಾರದ ಅಡಿಯಲ್ಲಿ ಸುಮಾರು 50% ರಷ್ಟು ಪರಿಶಿಷ್ಟ ಜಾತಿ ಮತ್ತು ವರ್ಗದ ಆರ್ಥಿಕ ಸ್ಥಿತಿ ಸುಧಾರಿಸಿದೆ ಎಂದು ಅಭಿಪ್ರಾಯಪಟ್ಟರು.
53 ಶೇಕಡಾ ಜನರು ಪಿಎಂ ಮೋದಿಯವರ ‘ಆತ್ಮನಿರ್ಭರ್ ಭಾರತ್‘ ಅಭಿಯಾನಕ್ಕೆ ಬೆಂಬಲವಿದೆ ಎಂದು ಹೇಳಿದ್ದಾರೆ.
ಮತ್ತೊಮ್ಮೆ ಮೋದಿ ಸರಕಾರ ದೊಡ್ಡ ಉದ್ಯಮಿಗಳಿಗೆ ಮಾತ್ರ ಸಹಾಯ ಮಾಡಿದ್ದಾರೆಂದು 33 ಪ್ರತಿಶತ ಜನ ಮೂಡ್ ಆಫ್ ದಿ ನೇಷನ್ ಸಮೀಕ್ಷೆಯಲ್ಲಿ ವ್ಯಕ್ತಪಡಿಸಿದರು.
39 ಪ್ರತಿಶತದಷ್ಟು ಜನರು ಅಮಿತ್ ಶಾ ಅತ್ಯಂತ ಜನಪ್ರಿಯ ಮೋದಿ ಕ್ಯಾಬಿನೆಟ್ ಮಂತ್ರಿ ಎಂದು ಬಣ್ಣಿಸಿದ್ದಾರೆ.
ಕೋವಿಡ್ -19 ಅನ್ನು ನಿಗ್ರಹಿಸುವಲ್ಲಿ ಮೋದಿ ಸರ್ಕಾರ ವಿಫಲವಾಗಿದೆ ಎಂದು ಶೇಕಡಾ 25 ರಷ್ಟು ಭಾರತೀಯರು ಭಾವಿಸಿದ್ದಾರೆ.
55 ಪ್ರತಿಶತದಷ್ಟು ಜನರು ವಲಸೆ ಬಿಕ್ಕಟ್ಟಿಗೆ ಕೇಂದ್ರ ಮತ್ತು ರಾಜ್ಯಗಳು ಕಾರಣವೆಂದು ನಂಬುತ್ತಾರೆ.
16 ಪ್ರತಿಶತ ಜನ ಆರ್ಟಿಕಲ್ 370 ರ ಹಿಂತೆಗೆದುಕೊಳ್ಳುವಿಕೆ ಮೋದಿ ಸರ್ಕಾರದ ಏಕೈಕ ದೊಡ್ಡ ಸಾಧನೆ ಎಂದು ಬಣ್ಣಿಸಿದ್ದಾರೆ.
ಕೇಂದ್ರವು ವಲಸಿಗರಿಗೆ ನೇರ ಲಾಭ ವರ್ಗಾವಣೆಯನ್ನು ನೀಡಬೇಕು ಎಂದು 70 ಪ್ರತಿಶತ ಭಾರತೀಯರು ಮೂಡ್ ಆಫ್ ದಿ ನೇಷನ್ ಸಮೀಕ್ಷೆಯಲ್ಲಿ ಭಾವಿಸಿದ್ದಾರೆ.
ಇಂಡಿಯಾ ಟುಡೆ-ಕಾರ್ವಿ ಇನ್ಸೈಟ್ಸ್ ಮೂಡ್ ಆಫ್ ದಿ ನೇಷನ್ ಸಮೀಕ್ಷೆಯ ಇತರ ಮುಖ್ಯ ಸುದ್ದಿ…
ರಾಹುಲ್ ಗಾಂಧಿ ಪ್ರಮುಖವಾಗಿ ರಾಷ್ಟ್ರೀಯ ಭದ್ರತೆಯ ವಿಷಯದ ಮೇಲೆ ಮೋದಿ ಸರ್ಕಾರದ ಮೇಲೆ ದಾಳಿಮಾಡಬಾರದು ಎಂದು ವ್ಯಕ್ತವಾಗಿದೆ.
ರಾಹುಲ್
ಗಾಂಧಿ ಆಧಾರರಹಿತ ಆರೋಪಗಳ ಮೂಲಕ ಪ್ರಚಾರ ಪಡೆಯಲು ಸರ್ಕಾರವನ್ನು ಟೀಕಿಸಿದ್ದಾರೆ ಎಂದು ವ್ಯಕ್ತವಾಗಿದೆ.
ಕಾಂಗ್ರೆಸ್ ವಿರೋಧ ಪಕ್ಷವಾಗಿ ಕುಂಠಿತಗೊಳ್ಳುತ್ತಲೇ ಇದ್ದು, 21 ಪ್ರತಿಶತದಷ್ಟು ಜನರು ಅದನ್ನು ‘ಕಳಪೆ’ ಎಂದು ಬಣ್ಣಿಸಿದ್ದಾರೆ.
ಶೇಕಡಾ 23ರಷ್ಟು ಜನ ಕಾಂಗ್ರೆಸ್ ನ್ನು ಪುನರುಜ್ಜೀವನಗೊಳಿಸಲು ರಾಹುಲ್ ಗಾಂಧಿ ಅತ್ಯುತ್ತಮ ವ್ಯಕ್ತಿ ಅಭಿಪ್ರಾಯಪಟ್ಟರು.
ಜ್ಯೋತಿರಾದಿತ್ಯ ಸಿಂಧಿಯಾ, ಸಚಿನ್ ಪೈಲಟ್ ಬಂಡಾಯ ಕಾಂಗ್ರೆಸ್ ಪಕ್ಷದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರಲಿದೆ ಎಂದು ಶೇಕಡಾ 47 ರಷ್ಟು ಜನರು ತಿಳಿಸಿದರು
ಆದರೆ ಕಾಂಗ್ರೆಸ್ ಪಕ್ಷವಾಗಿ ಕಾರ್ಯ ನಿರ್ವಹಿಸುತ್ತಿರುವುದರ ಬಗ್ಗೆ ಶೇಕಡಾ 44 ರಷ್ಟು ಜನರು ತೃಪ್ತರಾಗಿದ್ದಾರೆ.
55 ಪ್ರತಿಶತದಷ್ಟು ಜನರು ಕಾಂಗ್ರೆಸ್ ಅಧ್ಯಕ್ಷರಾಗಿ ಸೋನಿಯಾ ಗಾಂಧಿ ಯಶಸ್ವಿಯಾಗಲಿಲ್ಲ ಎಂದು ಬಣ್ಣಿಸಿದ್ದಾರೆ.
ಪೊಲೀಸರು, ಸರ್ಕಾರಿ ಅಧಿಕಾರಿಗಳ ನಂತರ ರಾಜಕಾರಣಿಗಳು ಹೆಚ್ಚು ಭ್ರಷ್ಟರಾಗಿದ್ದಾರೆ.
ಭಾರತ ಮತ್ತು ಚೀನಾ ಗಡಿ ವಿವಾದ…
ಗಡಿ ವಿವಾದದ ಬಗ್ಗೆ ಭಾರತವು ಚೀನಾದೊಂದಿಗೆ ಯುದ್ಧಕ್ಕೆ ಹೋಗಬೇಕು ಎಂದು 59% ಜನರು ಹೇಳುತ್ತಾರೆ. ಆದರೆ ಲಡಾಖ್ ನಿಲುಗಡೆಗೆ 47 ಶೇಕಡಾ ಜನರು ಚೀನಾವನ್ನು ದೂಷಿಸಿದರೆ ಇನ್ನು 40 ಪ್ರತಿಶತದಷ್ಟು ಜನರು ಭಾರತ ಸರ್ಕಾರ ಮತ್ತು ಗುಪ್ತಚರ ವೈಫಲ್ಯವನ್ನು ದೂಷಿಸಿದ್ದಾರೆ.
ಚೀನೀ ಉತ್ಪನ್ನಗಳನ್ನು ಬಹಿಷ್ಕರಿಸುವ ಪರವಾಗಿ 10 ರಲ್ಲಿ 9 ಜನ ಸೈ ಎಂದಿದ್ದಾರೆ. ಅದರಲ್ಲೂ 18 ರಿಂದ 24 ವರ್ಷದ 92 ಪ್ರತಿಶತ ಜನ “ಬ್ಯಾನ್ ಚೈನಾ ಪ್ರಾಡಕ್ಟ್ ” ಬೆಂಬಲ ವ್ಯಕ್ತಪಡಿಸಿದ್ದಾರೆ.
ಮೂರನೇ ಒಂದು ಭಾಗದಷ್ಟು ಭಾರತೀಯರು ಚೀನೀಯೇತರ ಸರಕುಗಳಿಗೆ ಹೆಚ್ಚಿನ ಬೆಲೆ ನೀಡಲು ಸಿದ್ಧರಿಲ್ಲ.
ಮುದ್ರಣ ಮಾಧ್ಯಮಕ್ಕಿಂತ ದೂರದರ್ಶನದ ಮಾಹಿತಿ ಅತ್ಯಂತ ವಿಶ್ವಾಸಾರ್ಹ ಮೂಲವಾಗಿದೆ…!
“ನೀವು ಯಾವ ಮಾಹಿತಿಯ ಮೂಲವನ್ನು ಹೆಚ್ಚು ನಂಬುತ್ತೀರಿ? ಎಂದು ಕೇಳಿದಾಗ: ” – ಪ್ರತಿಕ್ರಿಯಿಸಿದವರಲ್ಲಿ ಶೇಕಡಾ 48 ರಷ್ಟು ಜನರು ದೂರದರ್ಶನವನ್ನು ಆರಿಸಿಕೊಂಡರು, 20 ಪ್ರತಿಶತದಷ್ಟು ಜನರು ಸಾಮಾಜಿಕ ಮಾಧ್ಯಮವನ್ನು ಆರಿಸಿಕೊಂಡರು; 15 ರಷ್ಟು ಜನರು ಸರ್ಕಾರ ಮತ್ತು ಕೇವಲ 11 ಶೇಕಡಾ ಮಾತ್ರ ಮುದ್ರಣ ಮಾಧ್ಯಮವನ್ನು ವಿಶ್ವಾಸಾರ್ಹ ವೇದಿಕೆಯೆಂದು ಪರಿಗಣಿಸಿದ್ದಾರೆ.
ವಾಸ್ತವವಾಗಿ, ಪ್ರಧಾನಿ ಮೋದಿಯವರೊಂದಿಗೆ ತೃಪ್ತಿ ಪ್ರಸ್ತುತ ಗರಿಷ್ಠ ಮಟ್ಟದಲ್ಲಿದೆ. ಫೆಬ್ರವರಿ 2016 ಮತ್ತು ಆಗಸ್ಟ್ 2020 ರ ನಡುವೆ ನಡೆಸಿದ 10 ಮೂಡ್ ಆಫ್ ದಿ ನೇಷನ್ ಸಮೀಕ್ಷೆಯಲ್ಲಿ ಸಮೀಕ್ಷೆಗಳ ಮಾಹಿತಿಯ ಹೋಲಿಕೆ ಮಾಡಿದಾಗ ಇದೀಗ ಮೋದಿ ಆರ್ಥಿಕ ಹಿಂಜರಿತ ಮತ್ತು ಕೊರೊನ ನಡುವೆ ಹೆಚ್ಚು ಜನಪ್ರಿಯ ನಾಯಕನಾಗಿ ಹೊರ ಹೊಮ್ಮಿದ್ದಾರೆ. ಒಟ್ಟಿನಲ್ಲಿ ಮೋದಿಗೆ ಜನ ಸಾಮಾನ್ಯರು ಜೈ ಎನ್ನುವ ಮೂಲಕ ಸೈ ಎನಿಸಿಕೊಂಡಿದ್ದಾರೆ.
