ಭಾರತ ಸರ್ಕಾರದಿಂದ ಇಂಟರ್ನೆಟ್ ಸಂಪರ್ಕಕ್ಕೆ ಬುಕ್ಮೈಫೈಬರ್ ಹೆಸರಿನ ಹೊಸ ಪೋರ್ಟಲ್
ಹೊಸದಿಲ್ಲಿ,ಅಗಸ್ಟ್ 8: ಭಾರತ ಸರ್ಕಾರದ ಬಿಎಸ್ಎನ್ಎಲ್ ನಿಗಮ ಲಿಮಿಟೆಡ್ ದೇಶದ ಪ್ರತಿಯೊಂದು ಮೂಲೆಯಲ್ಲೂ ಪ್ರತಿ ಹಳ್ಳಿ, ಪ್ರತಿ ನಗರ, ಮನೆ ಮತ್ತು ಸ್ಥಳಗಳಲ್ಲಿ ಇಂಟರ್ನೆಟ್ ಒದಗಿಸಲು ಮುಂದಾಗಿದೆ. ಹೊಸ ವಿನೂತನ ರೀತಿ ಬಿಎಸ್ಎನ್ಎಲ್ ಇಂಟರ್ನೆಟ್ ಸಂಪರ್ಕವನ್ನು ಒದಗಿಸಲು ಹೊಸ ಪೋರ್ಟಲ್ ಅನ್ನು ಪರಿಚಯಿಸಿದೆ. ಬುಕ್ಮೈಫೈಬರ್ ಹೆಸರಿನ ಈ ಪೋರ್ಟಲ್ ಮೂಲಕ, ನೀವು ಭಾರತದಲ್ಲಿ ಎಲ್ಲಿ ಬೇಕಾದರೂ ಇಂಟರ್ನೆಟ್ ಸಂಪರ್ಕವನ್ನು ತೆಗೆದುಕೊಳ್ಳಬಹುದು.
ನೀವು ಮಾಡಬೇಕಿರುವುದು ಇಷ್ಟೇ. http://bookmyfiber.bsnl.co.in/ ಪೇಜ್ ಗೆ ಹೋಗಿ ನಿಮ್ಮ ಸ್ಥಳ , ಹೆಸರು , ದೂರವಾಣಿ ಸಂಖ್ಯೆ, ಮತ್ತು ಈ ಮೇಲ್ ಐಡಿ ಮತ್ತು ಏರಿಯಾ ಪಿನ್ ಕೋಡ್ ಅಪ್ಡೇಟ್ ಮಾಡಿ ಇಂಟರ್ನೆಟ್ ಸೌಲಭ್ಯಕ್ಕೆ ನೋಂದಣಿ ಸಲ್ಲಿಸಬಹುದು. ನಂತರ, ಬಿಎಸ್ಎನ್ಎಲ್ ಸಿಬ್ಬಂದಿ ನಿಮ್ಮೊಂದಿಗೆ ಸಂಪರ್ಕಿಸಿ ನಿಮ್ಮ ಆಯ್ಕೆಗನುಗುಣವಾಗಿ ಸಂಪರ್ಕವನ್ನು ನೀಡುತ್ತಾರೆ.
ಗ್ರಾಹಕರ ಅಗತ್ಯಗಳಿಗೆ ತಕ್ಕಂತೆ ಈ ಪೋರ್ಟಲ್ನಲ್ಲಿ ಹೊಸ ಯೋಜನೆಗಳನ್ನು ಪ್ರಾರಂಭಿಸಲಾಗಿದೆ.
ಬ್ರಾಡ್ಬ್ಯಾಂಡ್ ಯೋಜನೆಯ ಆರಂಭಿಕ ಬೆಲೆ 499 ರೂ , ಇದರಲ್ಲಿ ನೀವು 100GB ಡೇಟಾವನ್ನು ಪಡೆಯುತ್ತೀರಿ. ಬಿಬಿ-ವರ್ಕ್ @ ಹೋಮ್ ಬಿಬಿ ಬ್ರಾಡ್ಬ್ಯಾಂಡ್ ಯೋಜನೆಯಲ್ಲಿ, ಗ್ರಾಹಕರು ಪ್ರತಿದಿನ 10 ಜಿಬಿಪಿಎಸ್ಗೆ 5 ಜಿಬಿ ಇಂಟರ್ನೆಟ್ ಡೇಟಾವನ್ನು ಉಚಿತವಾಗಿ ಪಡೆಯುತ್ತಾರೆ. 100 ಎಮ್ಬಿಪಿಎಸ್ ಯೋಜನೆಗೆ ಸುಮಾರು 16,999 ರೂ., ಇದು ಅತ್ಯಂತ ದುಬಾರಿ ಯೋಜನೆಗಳಲ್ಲಿ ಒಂದಾಗಿದೆ.
ಗ್ರಾಹಕರು ಪ್ರತಿದಿನ ಬಳಸಲು 170GB ಇಂಟರ್ನೆಟ್ ಡೇಟಾವನ್ನು ಇದು ಒಳಗೊಂಡಿದೆ, ಆದರೆ ಡೇಟಾ ಮುಗಿದ ನಂತರ, ಅವರು 10mbps ವೇಗದಲ್ಲಿ ಇಂಟರ್ನೆಟ್ ಅನ್ನು ಬಳಸಲು ಸಾಧ್ಯವಾಗುತ್ತದೆ.
ಬಿಎಸ್ಎನ್ಎಲ್ ತನ್ನ ಗ್ರಾಹಕರಿಗೆ ವಿವಿಧ ಯೋಜನೆಗಳನ್ನು ನೀಡುತಿದ್ದು, ಕೆಲವು ದಿನಗಳ ಹಿಂದೆ, ಕಂಪನಿಯು ಎರಡು ಕಡಿಮೆ-ವೆಚ್ಚದ ಯೋಜನೆಗಳನ್ನು ಪ್ರಾರಂಭಿಸಿತು. ಎರಡೂ ಯೋಜನೆಗಳು 3 ಜಿಬಿ ಡೇಟಾವನ್ನು ಒಳಗೊಂಡಿದೆ.
ಇತ್ತೀಚಿಗೆ ತಂದ ಹೊಸ ಶಿಕ್ಷಣ ನೀತಿ ಮತ್ತು ಕೊರೊನ ಸಾಂಕ್ರಾಮಿಕ ರೋಗಕ್ಕೆ ಬಸವಳಿದ ಹಳ್ಳಿಗರಿಗೆ ಇಂಟರ್ನೆಟ್ ನೆಟ್ ಯೋಜನೆಯನ್ನು ಬಿಎಸ್ಎನ್ಎಲ್ ಸಮರ್ಪಕವಾಗಿ ನಿಭಾಯಿಸಿದಲ್ಲಿಎಷ್ಟೋ ಮಕ್ಕಳ ವಿದ್ಯಾಭ್ಯಾಸ ಮತ್ತು ಡಿಜಿಟಲ್ ಕ್ರಾಂತಿಗೆ ಮುನ್ನುಡಿಯಾಗಬಹುದು. ಆದರೆ ಸದ್ಯ ಬಿಎಸ್ಎನ್ಎಲ್ ಜಾರಿ ತಂದಿರುವ ಈ ಪೋರ್ಟಲ್ ಸಮರ್ಪಕವಾಗಿ ಸ್ಥಳದ ಮಾಹಿತಿ ನೀಡದ ಕಾರಣ ಗ್ರಾಹಕರು ಪರದಾಡುವ ಸ್ಥಿತಿ ನಿರ್ಮಾಣವಾಗಿದ್ದು, ತಾಂತ್ರಿಕ ತೊಂದರೆಯ ಬಗ್ಗೆ ಯಾವುದೇ ಮಾಹಿತಿ ಸಿಗುತ್ತಿಲ್ಲ .
