ತನ್ನ ಉದ್ಯೋಗಿಗಳಿಗೆ ಮೂರು ದಿನಗಳ ವಾರಾಂತ್ಯವನ್ನು ಘೋಷಿಸಿದ ಟೆಕ್ ದೈತ್ಯ ಗೂಗಲ್
ಹೊಸದಿಲ್ಲಿ, ಸೆಪ್ಟೆಂಬರ್09: 2021 ರ ಬೇಸಿಗೆಯವರೆಗೆ ಮನೆಯಿಂದ ಕೆಲಸ ಮಾದರಿಯನ್ನು ವಿಸ್ತರಿಸಿದ ನಂತರ, ಟೆಕ್ ದೈತ್ಯ ಗೂಗಲ್ ಈಗ ವಾರಾಂತ್ಯವನ್ನು ಮೂರು ದಿನಗಳಿಗೆ ಏರಿಸಿದೆ. ಕೊರೊನಾವೈರಸ್ ಸಾಂಕ್ರಾಮಿಕ ಸಮಯದಲ್ಲಿ ನೌಕರರ ಯೋಗಕ್ಷೇಮದ ಬಗ್ಗೆ ಕಾಳಜಿ ವಹಿಸಿ ಗೂಗಲ್ ಈ ಕ್ರಮಗಳನ್ನು ಕೈಗೊಂಡಿದೆ.
ಗೂಗಲ್ನ ಉದ್ಯೋಗಿಗಳು ಸೋಮವಾರದಿಂದ ಗುರುವಾರದವರೆಗೆ ಕೆಲಸ ಮಾಡುತ್ತಾರೆ ಮತ್ತು ಶುಕ್ರವಾರದಿಂದ ಭಾನುವಾರದವರೆಗೆ ರಜೆಯನ್ನು ಪಡೆಯುತ್ತಾರೆ. ಶುಕ್ರವಾರ ಅಥವಾ ಭಾನುವಾರದಂದು ಕೆಲಸ ಮಾಡಲೇಬೇಕಾದ ಉದ್ಯೋಗಿಗಳು ಸೋಮವಾರ ತಮ್ಮ ವಾರಾಂತ್ಯದ ರಜೆಯನ್ನು ತೆಗೆದುಕೊಳ್ಳಬಹುದು.
ಕೊರೋನವೈರಸ್ ಸಾಂಕ್ರಾಮಿಕ ಹಿನ್ನೆಲೆಯಲ್ಲಿ ಗೂಗಲ್ ಈ ನಿರ್ಧಾರ ತೆಗೆದುಕೊಂಡಿದೆ ಎಂದು ವರದಿಯಾಗಿದೆ.
ಉದ್ಯೋಗಿಗಳ ಮೇಲಿನ ಕೆಲಸದ ಒತ್ತಡವು ಇದರಿಂದ ಕಡಿಮೆಯಾಗುತ್ತದೆ ಎಂದು ಗೂಗಲ್ ಹೇಳಿದೆ. ಈ ನಿಟ್ಟಿನಲ್ಲಿ ಕಂಪನಿಯು ಅಂತರರಾಷ್ಟ್ರೀಯ ಸಂದೇಶವನ್ನು ನೀಡಿದ್ದು, ಮನೆಯಿಂದ ಕೆಲಸ ಮಾಡುವ ನೌಕರರ ಕೆಲಸದ ಸಮಯವನ್ನು ಹೆಚ್ಚಿಸಲಾಗಿದೆ. ಇದಕ್ಕಾಗಿ ತಮ್ಮ ಬೆಂಬಲವನ್ನು ವಿಸ್ತರಿಸಲು ವ್ಯವಸ್ಥಾಪಕರಿಗೆ ಕೇಳಲಾಗಿದೆ.
