ಬಾಲಿವುಡ್ ಡ್ರಗ್ಸ್ ಪ್ರಕರಣ – ಎನ್’ಸಿಬಿ ತನಿಖೆಯ ಪಟ್ಟಿಯಲ್ಲಿ ದೀಪಿಕಾ ಪಡುಕೋಣೆ ಹೆಸರು?
ಮುಂಬೈ, ಸೆಪ್ಟೆಂಬರ್22: ನಾರ್ಕೋಟಿಕ್ಸ್ ಕಂಟ್ರೋಲ್ ಬ್ಯೂರೊ ನಡೆಸುತ್ತಿರುವ ಬಾಲಿವುಡ್-ಡ್ರಗ್ ತನಿಖೆಯ ಮಹತ್ವದ ಬೆಳವಣಿಗೆಯಲ್ಲಿ, ದೀಪಿಕಾ ಪಡುಕೋಣೆ ಅವರ ಹೆಸರು ವಾಟ್ಸಾಪ್ ಚಾಟ್ ಒಂದರಲ್ಲಿ ಹೊರಹೊಮ್ಮಿದೆ. ಅಲ್ಲಿ ನಟಿ ‘ಮಾಲ್, ಹ್ಯಾಶ್’ ಅನ್ನು ‘ಕೆ’ ಎಂಬ ನಿರ್ದಿಷ್ಟ ವ್ಯಕ್ತಿಯಿಂದ ಕೇಳಿರುವುದು ಬಹಿರಂಗವಾಗಿದೆ. ಏತನ್ಮಧ್ಯೆ, ದೀಪಿಕಾ ಅವರ ವ್ಯವಸ್ಥಾಪಕ ಕರಿಷ್ಮಾ ಪ್ರಕಾಶ್ ಅವರನ್ನು ಎನ್ಸಿಬಿ ವಿಚಾರಣೆಗೆ ಕರೆಸಿದೆ.
ರಿಯಾ ಚಕ್ರವರ್ತಿಯ ವ್ಯವಸ್ಥಾಪಕ, ಜಯಾ ಸಹಾ ಅವರ ಹೆಸರು ರಿಯಾ ಅವರೊಂದಿಗಿನ ಕೆಲವು ಸಂದೇಶಗಳಲ್ಲಿ ಕಾಣಿಸಿಕೊಂಡಿದ್ದವು. ಆ ಬಳಿಕ ಇನ್ನೂ ಎರಡು ಹೆಸರುಗಳು ಈಗ ಬಾಲಿವುಡ್-ಡ್ರಗ್ಸ್ ಲಿಂಕ್ ಅನ್ನು ಸೂಚಿಸುತ್ತಿರುವುದು ಗಮನ ಸೆಳೆಯುತ್ತಿವೆ. ಬಾಲಿವುಡ್ನ ಇಬ್ಬರು ಖ್ಯಾತ ನಟಿಯರ ವಾಟ್ಸಾಪ್ ಚಾಟ್ಗಳಲ್ಲಿ ಜಯ ಸಹಾ ಅವರೊಂದಿಗೆ ವಾಟ್ಸಾಪ್ ಗುಂಪಿನ ಭಾಗವಾಗಿದ್ದ ‘ಡಿ’ ಮತ್ತು ‘ಕೆ’ ಇಬ್ಬರೂ ಡ್ರಗ್ಸ್ ಬಗ್ಗೆ ಚರ್ಚಿಸುತ್ತಿದ್ದರು. ‘ಡಿ’ ದೀಪಿಕಾ ಪಡುಕೋಣೆ ಎಂಬುದು ಈಗ ದೃಢ ಪಟ್ಟಿದೆ ಎಂದು ಹೇಳಲಾಗಿದೆ.
ಗಮನಾರ್ಹವಾಗಿ, ಮಾದಕ ವಸ್ತು ಪ್ರಕರಣಕ್ಕೆ ಸಂಬಂಧಿಸಿದಂತೆ, ರಿಯಾ ಚಕ್ರವರ್ತಿಯೊಂದಿಗಿನ ಕೆಲವು ಸಂದೇಶಗಳಲ್ಲಿ ಜಯ ಸಹಾ ಅವರ ಹೆಸರು ಕೂಡ ಕಾಣಿಸಿಕೊಂಡಿತ್ತು. ಇದರಲ್ಲಿ ಒಬ್ಬರ ಚಹಾದಲ್ಲಿ ಕೆಲವು ವಸ್ತುಗಳ ನಾಲ್ಕು ಹನಿಗಳನ್ನು ಹಾಕುವ ಬಗ್ಗೆ ಚರ್ಚೆ ನಡೆದಿತ್ತು . 2019 ರ ಕೊನೆಯಲ್ಲಿ ಆ ಸಂದೇಶವನ್ನು ಕಳುಹಿಸಲಾಗಿದೆ ಎಂದು ಹೇಳಲಾಗಿದೆ. ಚಹಾದಲ್ಲಿ 4 ಹನಿಗಳನ್ನು ಬೆರೆಸಿ, ಅದನ್ನು ಅವರಿಗೆ ಕುಡಿಯಲು ಬಿಡಿ…. ಕಿಕ್ ಮಾಡಲು 30-40 ನಿಮಿಷಗಳನ್ನು ನೀಡಿ ಎಂದು ಸಂದೇಶದಲ್ಲಿ ಹೇಳಲಾಗಿದ್ದು, ಸಿಬಿಡಿ ಆಯಿಲ್ ಎಂಬ ನಿಷೇಧಿತ ಡ್ರಗ್ಸ್ ಬಗ್ಗೆ ಇವರಿಬ್ಬರು ಚರ್ಚಿಸಿದ್ದಾರೆ ಎಂದು ನಂತರ ತಿಳಿದುಬಂದಿತ್ತು.
