ಸೆಲ್ ಫೋನ್ ತಯಾರಿಸೋ ಐಡಿಯಾ ಹುಟ್ಟಿದ್ದೇಗೆ ಗೊತ್ತಾ..?
ಸೈನ್ಸ್ ಫಿಕ್ಷನ್ಸ್ ಅಂದ್ರೆ ಬಹಳಷ್ಟು ಮಂದಿಗೆ ಇಷ್ಟ. ಅವು ಬುಕ್ಸ್ ಆಗಿರಲಿ, ಸಿನಿಮಾಗಳಾಗಿರಲಿ, ನಾವು ಊಹಿಸಲು ಅಸಾಧ್ಯವಾದ ಅದ್ಭುತವಾದ ಟೆಕ್ನಾಲಜಿ, ವಿಚಿತ್ರವಾದ ಪರಿಕರಗಳು, ವಿಜುವಲ್ ವಂಡರ್ಸ್ ಎಲ್ಲವೂ ನಮ್ಮ ಆಕರ್ಷಿಸುತ್ತವೆ. ಆಗಾದ್ರೆ ಈ ಸೈನ್ಸ್ ಫಿಕ್ಷನ್ಸ್ ಕೇವಲ ಮನರಂಜನೆಗೆ ಮಾತ್ರಾನಾ ಅಂದ್ರೆ ಬಹಳಷ್ಟು ಮಂದಿಗೆ ಸೈನ್ಸ್ ಫಿಕ್ಷನ್ ಅನ್ನೋದು ಒಂದು ಮನರಂಜನೆ. ಆದ್ರೆ ಕೆಲವು ಶಾಸ್ತ್ರಜ್ಞರಿಗೆ ಮಾತ್ರ ಈ ಸೈನ್ಸ್ ಫಿಕ್ಷನ್ ಪುಸ್ತಕಗಳಲ್ಲಿ ಬರೆದಿರುವ, ಆ ಸಿನಿಮಾಗಳಲ್ಲಿ ತೋರಿಸಿರುವ ಟೆಕ್ನಾಲಜಿಯನ್ನ ಸ್ಫೋರ್ತಿಯಾಗಿ ತೆಗೆದುಕೊಂಡು ಉತ್ತಮ ಆವಿಷ್ಕಾರಗಳನ್ನು ಮಾಡಿದ್ದಾರೆ. ಅವು ಅಲ್ಲಾಟಪ್ಪ ವಸ್ತುಗಳಲ್ಲ.. ಅವು ಮನುಷ್ಯನ ಜೀವನವನ್ನು ಸಂಪೂರ್ಣವಾಗಿ ಬದಲಿಸಿದ ಆವಿಷ್ಕಾರಗಳು..!
`ಸ್ಟಾರ್ ಟ್ರೆಕ್’ ನಿಂದ ಸೆಲ್ ಫೋನ್
ಪ್ರಪಂಚದಾದ್ಯಂತ ಸಂಚಲನ ಸೃಷ್ಠಿಸಿದ ಸ್ಟಾರ್ ಟ್ರೆಕ್ ಸಿರಿಸ್ ಸಿನಿಮಾಗಳಲ್ಲಿ ಹೀರೋ ಕ್ಯಾರೆಕ್ಟರ್ “ಕಿರ್ಕ್” ಅವರು ಒಂದು ಕಮ್ಯೂನಿಕೇಟರ್ ಡಿವೈಜ್ ಅನ್ನ ಬಳಸುತ್ತಾರೆ. ಪ್ರಸ್ತುತ ನಾವು ಬಳಸುತ್ತಿರುವ ಸೆಲ್ ಫೋನ್ ಮಾದರಿಯಲ್ಲೇ ಚಿಕ್ಕ ಡಿವೈಜ್ ನಲ್ಲಿ ಇತರರೊಂದಿಗೆ ಕಿರ್ಕ್ ಕಮ್ಯೂನಿಕೆಟ್ ಮಾಡುತ್ತಿರುತ್ತಾನೆ. 1966 ರ ಚಲನಚಿತ್ರ ಸ್ಟಾರ್ ಟ್ರೆಕ್ನಲ್ಲಿ ಈ ದೃಶ್ಯಗಳು ಬಹಳಷ್ಟು ಮಂದಿಯನ್ನ ಆಕರ್ಷಿಸಿದ್ದವು.
ಇದರಿಂದ ಪ್ರೇರಿತರಾದ ಮಾರ್ಟಿನ್ ಕೂಪರ್ ಅನ್ನೋ ಮೊಟೊರೊಲಾ ಕಂಪನಿಯ ವಿಜ್ಞಾನಿ 1973 ರಲ್ಲಿ ಸೆಲ್ ಫೋನ್ ಅನ್ನು ಕಂಡುಹಿಡಿದರು. ಮೊದಲ ಬಾರಿಗೆ ಕರೆ ಮಾಡಿ ಇತರರೊಂದಿಗೆ ಮಾತನಾಡಿದರು. ಹಿಂದಿನ ಕಾಲದ ಸೆಲ್ ಫೋನ್ ದೊಡ್ಡ ಇಟ್ಟಿಗೆಯ ಗಾತ್ರದಲ್ಲಿತ್ತು.
