‘ಪುಷ್ಪ’ ಸಿನಿಮಾ ಹೊಗೊಳೋ ಭರದಲ್ಲಿ ‘KGF’ ಸಿನಿಮಾ ಅವಮಾನಿಸಿದ ನಿರ್ದೇಶಕ
ಭಾರತ ಸಿನಿಮಾರಂಗವೇ ಸ್ಯಾoಡಲ್ ವುಡ್ ನತ್ತ ಮುಖಮಾಡುವಂತೆ ಮಾಡಿರುವ KGF ಸಿನಿಮಾ ರೆಕಾರ್ಡ್ ಗಳ ಮೇಲೆ ರೆಕಾರ್ಡ್ ಗಳನ್ನ ಬ್ರೇಕ್ ಮಾಡಿದೆ.. ಚಾಪ್ಟರ್ 2 ಗಾಗಿ ಜಾತಕಪಕ್ಷಿಯಂತೆ ಪರ ಭಾಷೆಯ ಅಭಿಮಾನಿಗಳುಕಾತರದಿಂದ ಕಾಯುತ್ತಿದ್ದಾರೆ..
ಒಂದರ್ಥದಲ್ಲಿ ರಾಕಿಂಗ್ ಸ್ಟಾರ್ ಯಶ್ ಹಾಗೂ ಪ್ರಶಾಂತ್ ನೀಲ್ ಕಾಂಬಿನೇಷನ್ ನ KGF ಸಿನಿಮಾದ ನಂತರವೇ ದಕ್ಷಿಣ ಭಾರತದಲ್ಲಿ ಹೆಚ್ಚು ಪ್ಯಾನ್ ಇಂಡಿಯಾ ಸಿನಿಮಾಗಳಿಗೆ ಮಹತ್ವದ ಸಿಕ್ಕಿದ್ದು ಅಂದ್ರು ತಪ್ಪಾಗಲಾರದು.. ಮುಂದಿನ ದಿನಗಳಲ್ಲಿ ರಾಧೆ ಶ್ಯಾಮ್ , ಪುಷ್ಪ , ಸಲಾರ್ ಹೀಗೆ ಅನೇಕ ಪ್ಯಾನ್ ಇಂಡಿಯಾ ಸಿನಿಮಾಗಳು ರಿಲೀಸ್ ಆಗಲಿವೆ..
ಆದ್ರೆ ಇತ್ತೀಚೆಗೆ ಉಪ್ಪೆನಾ ಸಿನಿಮಾ ನಿರ್ದೇಶಕ ಪುಷ್ಪ ಸಿನಿಮಾ ಹೊಗಳುವ ಭರದಲ್ಲಿ KGF ಸಿನಿಮಾಗೆ ಅವಮಾನಿಸಿರುವುದು ಇದೀಗ ಅಭಿಮಾನಿಗಳ ಆಕ್ರೋಶಕ್ಕೆ ಕಾರಣವಾಗಿದೆ. ಹೌದು.. ನಿರ್ದೇಶಕ ಬುಚ್ಚಿಬಾಬು ಸನಾ ‘ಪುಷ್ಪ’ ಸಿನಿಮಾವನ್ನು ಹೊಗಳುವ ಭರದಲ್ಲಿ ‘ಕೆಜಿಎಫ್’ ಅನ್ನು ಉದಾಹರಣೆಯಾಗಿ ಬಳಸಿದ್ದಾರೆ. ಆದರೆ ಅವರು ‘ಕೆಜಿಎಫ್’ ಸಿನಿಮಾ ಹೆಸರನ್ನು ಬಳಸಿರುವ ರೀತಿ ಸಸರಿಯಿಲ್ಲ..
ಬುಚ್ಚಿಬಾಬು ಸನಾ ಗುರುಗಳಾದ ಸುಕುಮಾರ್ ನಿರ್ದೇಶಿಸುತ್ತಿರುವ ‘ಪುಷ್ಪ’ ಸಿನಿಮಾದ ಬಗ್ಗೆ ಮಾತನಾಡಿದ್ದು, “ಪುಷ’ ಸಿನಿಮಾ 10 ‘KGF’ ಸಿನಿಮಾಗಳಿಗೆ ಸಮ” ಎಂದಿದ್ದಾರೆ. ‘ಅಲ್ಲು ಅರ್ಜುನ್, ರಶ್ಮಿಕಾ ಮಂದಣ್ಣ ನಟಿಸಿರುವ ಪುಷ್ಪ ಸಿನಿಮಾದ ಮೊದಲ ಭಾಗ ನೋಡಿದ್ದೇನೆ. ಸಿನಿಮಾ ಅತ್ಯದ್ಭುವಾಗಿದೆ. ಸಿನಿಮಾದ ನಾಯಕನ ಪಾತ್ರ, ದೃಶ್ಯಗಳು, ಆಕ್ಷನ್‌, ಸಂಗೀತ ಎಲ್ಲವೂ ಅದ್ಭುತವಾಗಿದೆ. ಪುಷ್ಪ ಸಿನಿಮಾ 10 ಕೆಜಿಎಫ್ ಗಳಿಗೆ ಸಮ’ ಎಂದಿದ್ದಾರೆ. ಬುಚ್ಚಿಬಾಬು ಸನಾ ಹೇಳಿಕೆಗೆ ಯಶ್ ಅಭಿಮಾನಿಗಳು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಅಲ್ಲದೇ ‘ಕೆಜಿಎಫ್ 2′ ಸಿನಿಮಾ ‘ಪುಷ್ಪ’ ಸಿನಿಮಾಕ್ಕಿಂತಲೂ ಹೆಚ್ಚು ಕಲೆಕ್ಷನ್ ಮಾಡಲಿದೆ ಎಂದು ಅಭಿಮಾನಿಗಳು ಸವಾಲು ಎಸೆದಿದ್ದಾರೆ.
