ವಿಂಬಲ್ಡನ್ ಟೆನಿಸ್ ಟೂರ್ನಿ- ಜಾಕೊವಿಕ್ ಶುಭಾರಂಭ.. ಸ್ಟೆಫಾನೊಸ್ ಗೆ ಆಘಾತ
ವಿಶ್ವದ ನಂಬರ್ ವನ್ ಆಟಗಾರ ಸರ್ಬಿಯಾದ ನೊವಾಕ್ ಜಾಕೊವಿಕ್ ಅವರು 2021ರ ವಿಂಬಲ್ಡನ್ ಟೂರ್ನಿಯಲ್ಲಿ ಶುಭಾರಂಭ ಮಾಡಿದ್ದಾರೆ.
ಮೊದಲ ಸುತ್ತಿನ ಪಂದ್ಯದ ಮೊದಲ ಸೆಟ್ ನಲ್ಲಿ ನೊವಾಕ್ ಜಾಕೊವಿಕ್ ಅವರು ಹಿನ್ನಡೆ ಅನುಭವಿಸಿದ್ದರು. ಬ್ರಿಟನ್ ನ ಯುವ ಆಟಗಾರ ಜಾಕ್ ಡ್ರಾಪೆರ್ ಅವರು ಜಾಕೊವಿಕ್ ಅವರನ್ನು ತಲ್ಲಣಗೊಳಿಸಿದ್ದರು. ಆದ್ರೆ ನಂತರದ ಸೆಟ್ ಗಳಲ್ಲಿ ಲಯ ಕಂಡುಕೊಂಡ ಜಾಕೊವಿಕ್ 6-1, 6-2, 6-2ರಿಂದ ಜಾಕ್ ಅವರನ್ನು ಮಣಿಸಿದ್ರು.
ಎರಡು ವರ್ಷಗಳ ಬಳಿಕ ವಿಂಬಲ್ಡನ್ ಕಣದಲ್ಲಿ ಅಡುತ್ತಿರುವ ಜಾಕೊವಿಕ್ ದಾಖಲೆಯ 20ನೇ ಗ್ರ್ಯಾಂಡ್ 
ಸ್ಲಾಂ ಪ್ರಶಸ್ತಿ ಮೇಲೆ ಕಣ್ಣಿಟ್ಟಿದ್ದಾರೆ. ವಿಂಬಲ್ಡನ್ ಪ್ರಶಸ್ತಿ ಗೆದ್ರೆ, ಜಾಕೊವಿಕ್ ಅವರು ರೋಜರ್ ಫೆಡರರ್ ಮತ್ತು ರಫೇಲ್ ನಡಾಲ್ ಅವರ 20 ಗ್ರ್ಯಾಂಡ್ ಸ್ಲ್ಯಾಂ ಪ್ರಶಸ್ತಿಯ ದಾಖಲೆಯನ್ನು ಸಮಗೊಳಿಸಲಿದ್ದಾರೆ.
ಐದು ಬಾರಿ ವಿಂಬಲ್ಡನ್ ಪ್ರಶಸ್ತಿ ಗೆದ್ದಿರುವ ಜಾಕೊವಿಕ್ ಅವರು 716 ದಿನಗಳ ಹಿಂದೆ ಅಂದ್ರೆ 2019ರ ಫೈನಲ್ ನಲ್ಲಿ ರೋಜರ್ ಫೆಡರರ್ ಅವರನ್ನು ಮಣಿಸಿದ್ದರು.
ಇನ್ನೊಂದು ಪಂದ್ಯದಲ್ಲಿ ಗ್ರೀಸ್ ನ ಸ್ಟೆಫಾನೊಸ್ ಸಿಟ್ಸಿಪಾಸ್ ಆಘಾತ ಅನುಭವಿಸಿದ್ದರು. 2021ರ ಫ್ರೆಂಚ್ ಓಪನ್ ರನ್ನರ್ ಅಪ್ ಆಗಿದ್ದ ಸ್ಟೇಫಾನೊಸ್ 4-6, 4-6, 3-6 ನೇರ ಸೆಟ್ ಗಳಿಂದ ಅಮೆರಿಕಾದ ಫ್ರಾನ್ಸಿಸ್ ಟಿಯಾಫೊ ವಿರುದ್ಧ ಸೋಲು ಅನುಭವಿಸಿದ್ದಾರೆ.
