ತನ್ನದೇ ಕುಟುಂಬ ಸದಸ್ಯರಿಗೆ ವಿಷ ಹಾಕಿ ಕೊಂದ ಅಪ್ರಾಪ್ತ ಬಾಲಕಿ
ಉತ್ತರ ಪ್ರದೇಶ: ಕೆಲಸ ಮಾಡುವ ವಿಚಾರವಾಗಿ ಮನೆಯವರು ಸದಾ ಬಯ್ಯುತ್ತಿದ್ದರು ಎಂದು ಮನನೊಂದು 15 ವರ್ಷದ ಅಪ್ರಾಪ್ತ ಬಾಲಕಿ ತನ್ನದೇ ಕುಟುಂಬಕ್ಕೆ ಊಟದಲ್ಲಿ ವಿಷ ಹಾಕಿದ್ದಾಳೆ.. ವಿಷಭರಿತ ಆಹಾರ ಸೇವನೆಯಿಂದಾಗಿ ಮೂವರ ಜೀವ ಹೋಗಿದ್ದು ಅಪ್ರಾಪ್ತೆಯ ವಿರುದ್ಧ ಆಕೆಯ ತಾಯಿಯೇ ದೂರು ದಾಖಲಿಸಿದ್ದು, ಪೊಲೀಸರು ಆರೋಪಿ ಬಾಲಕಿಯನ್ನ ವಶಕ್ಕೆ ಪಡೆದು ವಿಚಾರಣೆಗೊಳಪಡಿಸಿದ್ದಾರೆ.
ಉತ್ತರಪ್ರದೇಶದ ಪ್ರಯಾಗ್ ರಾಜ್ ನಲ್ಲಿ ಈ ಘಟನೆ ಬೆಳಕಿಗೆ ಬಂದಿದೆ. ಕುಟುಂಬ ಸದಸ್ಯರು ಸೇವಿಸುವ ಆಹಾರಕ್ಕೆ ಕಳೆನಾಶಕಕ್ಕಾಗಿ ಬಳಕೆ ಮಾಡಲಾಗುತ್ತಿದ್ದ ರಾಸಾಯನಿಕ ವಿಷವನ್ನು ಬೆರೆಸಿದ ಅಪ್ರಾಪ್ತ ಬಾಲಕಿಯನ್ನು ಉತ್ತರ ಪ್ರದೇಶ ಪೊಲೀಸರು ಬಂಧಿಸಿದ್ದಾರೆ.
ಭಾರತಕ್ಕೆ ಆದ್ಯತೆ… ಅಮೆರಿಕಾ ವಿರುದ್ಧ ‘ಚೀನಾ ಗುಲಾಮ’ ಪಾಕಿಸ್ತಾನ ಅಸಮಾಧಾನ..!
ಈ ವಿಷಪೂರಿತ ಆಹಾರ ಸೇವಿಸಿದ ಪರಿಣಾಮ ಬಾಲಕಿಯ ತಂದೆ, ಕಿರಿಯ ಸಹೋದರಿ, ಹಿರಿಯ ಸಹೋದರ ಸಾವನ್ನಪ್ಪಿದ್ದಾರೆ. ಈ ಬಗ್ಗೆ ಠಾಣೆಯಲ್ಲಿ ದೂರು ದಾಖಲಾಗಿದೆ.. ಅಷ್ಟೇ ಅಲ್ಲದೇ ಹತ್ಯೆ ಹಾಗೂ ಹತ್ಯೆಯ ನಂತರ ಕುಟುಂಬ ಸದಸ್ಯರು ಆಸ್ಪತ್ರೆಗೆ ದಾಖಲಾಗಿದ್ದಾಗ ಮನೆಯ ವಸ್ತುಗಳನ್ನು ಕಳವು ಮಾಡಿದ ಆರೋಪವನ್ನೂ ಬಾಲಕಿಯ ಮೇಲೆ ಹೊರಿಸಲಾಗಿದೆ.
