25,000 ಉದ್ಯೋಗಿಗಳನ್ನು ವಜಾ ಮಾಡಲು ಸಜ್ಜಾದ ಅಕ್ಸೆಂಚರ್
ಸಿಡ್ನಿ, ಅಗಸ್ಟ್27: ಐಟಿ ಕಂಪನಿ ಅಕ್ಸೆಂಚರ್ ಜಾಗತಿಕವಾಗಿ ತನ್ನ ಉದ್ಯೋಗಿಗಳ 5% ನಷ್ಟು ಜನರನ್ನು ವಜಾ ಮಾಡಲು ಸಜ್ಜಾಗಿದೆ. ಅಂದರೆ ಕೊರೋನವೈರಸ್ ಸಾಂಕ್ರಾಮಿಕದಿಂದ ಉಂಟಾಗಿರುವ ಆರ್ಥಿಕ ಬಿಕ್ಕಟ್ಟಿನಿಂದಾಗಿ ಭಾರತದಲ್ಲಿ ಸುಮಾರು 10,000 ಉದ್ಯೋಗಿಗಳು ತಮ್ಮ ಉದ್ಯೋಗವನ್ನು ಕಳೆದುಕೊಳ್ಳಲಿದ್ದಾರೆ ಎಂದು ಹೇಳಲಾಗಿದೆ.
ಆಗಸ್ಟ್ ಮಧ್ಯದಲ್ಲಿ ಆನ್ಲೈನ್ನಲ್ಲಿ ಸ್ಟ್ರೀಮ್ ಮಾಡಿದ ಆಂತರಿಕ ಸಿಬ್ಬಂದಿ ಸಭೆಯಲ್ಲಿ ಅಕ್ಸೆಂಚರ್ ಸಿಇಒ ಜೂಲಿ ಸ್ವೀಟ್, 5% ಉದ್ಯೋಗಿಗಳನ್ನು ಕಂಪನಿಯಿಂದ ವಜಾ ಮಾಡುವ ಸುಳಿವು ನೀಡಿದ್ದಾರೆ ಎಂದು ಆಸ್ಟ್ರೇಲಿಯಾದ ಹಣಕಾಸು ವಿಮರ್ಶೆ (ಎಎಫ್ಆರ್) ವರದಿ ಮಾಡಿದೆ.
ಸಾಮಾನ್ಯವಾಗಿ ವರ್ಷದಲ್ಲಿ, ನಾವು ಸುಮಾರು 5% ನಷ್ಟು ಉದ್ಯೋಗಿಗಳನ್ನು ವಜಾ ಮಾಡಿ ಅವರ ಬದಲಿಗೆ ಹೊಸಬರನ್ನು ನೇಮಿಸಿಕೊಳ್ಳುತ್ತೇವೆ.ಆದರೆ ಇದೀಗ, ನಾವು ಬೇಡಿಕೆಯ ಸನ್ನಿವೇಶದಲ್ಲಿಲ್ಲ, ಆದ್ದರಿಂದ ನಾವು ಹೊಸ ನೇಮಕಾತಿ ಮಾಡುತ್ತಿಲ್ಲ ಎಂದು ಹೇಳಿದರು.
ಅಕ್ಸೆಂಚರ್ ಜಾಗತಿಕವಾಗಿ 5 ಲಕ್ಷ ಉದ್ಯೋಗಿಗಳನ್ನು ಹೊಂದಿದೆ ಮತ್ತು 5% ಉದ್ಯೋಗಿಗಳನ್ನು ವಜಾ ಮಾಡಿದರೆ, ಸುಮಾರು 25,000 ಉದ್ಯೋಗಿಗಳನ್ನು ಬಿಡಲು ಕೇಳಲಾಗುತ್ತದೆ. 5 ಲಕ್ಷದಲ್ಲಿ 2 ಲಕ್ಷ ಅಕ್ಸೆಂಚರ್ ನೌಕರರು ಭಾರತದಲ್ಲಿದ್ದಾರೆ. ಆದ್ದರಿಂದ, ಭಾರತಕ್ಕೆ 5% ಅನ್ವಯಿಸಿದರೆ, 10,000 ಉದ್ಯೋಗಿಗಳು ಭಾರತದಲ್ಲಿ ಉದ್ಯೋಗವನ್ನು ಕಳೆದುಕೊಳ್ಳಬೇಕಾಗುತ್ತದೆ ಎಂದು ಹೇಳಲಾಗಿದೆ.
