ಫೋರ್ಬ್ಸ್ ಅತಿ ಹೆಚ್ಚು ಸಂಭಾವನೆ ಪಡೆದ ವಿಶ್ವದ 100 ಸೆಲೆಬ್ರಿಟಿಗಳ ಪಟ್ಟಿಯಲ್ಲಿ ಈ ಬಾರಿಯೂ ಸ್ಥಾನ ಪಡೆದ ಅಕ್ಷಯ್ ಕುಮಾರ್
ಮುಂಬೈ, ಜೂನ್ 7: ಪ್ರತಿ ವರ್ಷದಂತೆ ಫೋರ್ಬ್ಸ್ ಈ ವರ್ಷವೂ ಅತಿ ಹೆಚ್ಚು ಸಂಭಾವನೆ ಪಡೆದ ವಿಶ್ವದ 100 ಸೆಲೆಬ್ರಿಟಿಗಳ ಹೆಸರನ್ನು ಬಿಡುಗಡೆ ಮಾಡಿದೆ. ಕಳೆದ ವರ್ಷ ಬಿಡುಗಡೆ ಮಾಡಿದ ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದ ಬಾಲಿವುಡ್ ನಟ ಅಕ್ಷಯ್ ಕುಮಾರ್ ಹೆಸರು ಈ ಬಾರಿಯೂ ಪಟ್ಟಿಯಲ್ಲಿ ಕಾಣಿಸಿಕೊಂಡಿದೆ. ಹಾಲಿವುಡ್ ಸೆಲೆಬ್ರಿಟಿ ವಿಲ್ ಸ್ಮಿತ್ ಹಾಗೂ ಜೆನಿಫರ್ ಲೊಫೆಜ್ ರನ್ನು ಹಿಂದಿಕ್ಕಿ 365 ಕೋಟಿ ಸಂಭಾವನೆ ಪಡೆವ ಬಾಲಿವುಡ್ ನಟ ಅಕ್ಷಯ್ ಕುಮಾರ್ ಪಟ್ಟಿಯಲ್ಲಿ 52ನೇ ಸ್ಥಾನದಲ್ಲಿ ಇದ್ದಾರೆ.
ವರ್ಷಕ್ಕೆ ಮೂರರಿಂದ ನಾಲ್ಕು ಸಿನಿಮಾಗಳಲ್ಲಿ ನಟಿಸುವ ಅಕ್ಷಯ್ ಕುಮಾರ್ 2019 ಜೂನ್ನಿಂದ 2020ರ ಮೇ ವರೆಗಿನ ಅವಧಿಯಲ್ಲಿ 365 ಕೋಟಿ ಸಂಭಾವನೆ ಪಡೆದಿದ್ದಾರೆ. ತಮ್ಮದೇ ಸ್ವಂತ ಸಿನಿಮಾ ನಿರ್ಮಾಣ ಸಂಸ್ಥೆ ಹೊಂದಿರುವ ಅಕ್ಷಯ್ ಸಾಕಷ್ಟು ಜಾಹೀರಾತುಗಳಲ್ಲಿ ಕೂಡ ಕಾಣಿಸಿಕೊಳ್ತಾರೆ. ಹಾಗಾಗಿ ಅಕ್ಷಯ್ ಕುಮಾರ್ ಸಂಭಾವನೆ ಸಲ್ಮಾನ್ ಖಾನ್, ಶಾರೂಕ್ ಖಾನ್, ಆಮೀರ್ ಖಾನ್ ಗಿಂತ ಹೆಚ್ಚು. ಅಷ್ಟೇ ಅಲ್ಲ ಫೋರ್ಬ್ಸ್ ಪಟ್ಟಿಯಲ್ಲಿ ಈ ವರ್ಷವೂ ಸ್ಥಾನ ಪಡೆದ ಏಕೈಕ ಬಾಲಿವುಡ್ ನಟ ಎನ್ನುವ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
