ಅಮೃತ್ ಅಪಾರ್ಟ್ ಮೆಂಟ್ಸ್ ಸಿನಿಮಾದ “ಶುರುವಾಗ ಬೇಕು ಮತ್ತೆಮ್ಮ ನಮ್ಮ ಒಲವು” ಹಾಡು ರಿಲೀಸ್..!
ಹೊಸತನದೊಂದಿಗೆ “ನಾವ್ ಬಂದೇವಾ” ಅಂತ ಸಿನಿಪ್ರೇಕ್ಷರಿಗೆ ಕೂಗಿ ಹೇಳಿದ್ದ ಅಮೃತ್ ಅಪಾರ್ಟ್ ಮೆಂಟ್ಸ್ ಚಿತ್ರತಂಡ ಇದೀಗ “ಶುರುವಾಗಬೇಕು ಈಗ” ಅಂತ ಮತ್ತೆ ಸಿನಿಪ್ರೇಕ್ಷಕರ ಬಳಿ ಬಂದಿದೆ.. ಅಂದ್ರೆ ಗುರುರಾಜ್ ಕುಲಕರ್ಣಿ ಅವರು ಆಕ್ಷನ್ ಕಟ್ ಹೇಳಿರುವ ಅಮೃತ್ ಅಪಾರ್ಟ್ ಮೆಂಟ್ಸ್ ಸಿನಿಮಾದ 2ನೇ ಹಾಡು ರಿಲೀಸ್ ಆಗಿದೆ.
ವಾಣಿ ಹರಿಕೃಷ್ಣ ಮತ್ತು ಅಜಯ ವಾರಿಯರ್ ಅವರ ಧ್ವನಿಯಲ್ಲಿ ಅತ್ಯಂತ ಮಧುರವಾಗಿ ಮೂಡಿಬಂದಿರುವ ಹಾಡು ಕಿವಿಗೆ ಸಖತ್ ಇಂಪು ನೀಡ್ತಿದೆ. ಇನ್ನೂ ಬಹಳ ದಿನಗಳ ನಂತರ ಈ ಥರದ ಶುಧ್ಧ ಸಾಹಿತ್ಯಕ್ಕೆ ಧ್ವನಿಯಾಗರುವುದಕ್ಕೆ ವಾಣಿ ಹರಿಕೃಷ್ಣ ಹಾಗೂ ಅಜಯ್ ವಾರಿಯರ್ ಅವರು ಸಂತಸ ವ್ಯಕ್ತಪಡಿಸಿದ್ದಾರೆ. ಅಂದ್ಹಾಗೆ ಇದಕ್ಕೂ ಮೊದಲು ನಾವ್ ಬಂದೇವಾ ಬೆಂಗಳೂರ ನೋಡದಕ್ಕಾ ಹಾಡನ್ನ ಚಿತ್ರತಂಡ ರಿಲೀಸ್ ಮಾಡಿತ್ತು. ಈ ಹಾಡು ಕೂಡ ಒಳ್ಳೆ ರೆಸ್ಪಾನ್ಸ್ ಪಡೆದುಕೊಂಡಿದೆ.
ಇದೀಗ ಸ್ವೀಟ್ ಅಂಡ್ ಮೆಲೋಡಿಯಸ್ ಆಗಿ ಮೂಡಿಬಂದಿರುವ “ಶುರುವಾಗ ಬೇಕು ಮತ್ತೆಮ್ಮ ನಮ್ಮ ಒಲವು” ಎಂಬ ಪ್ರೇಮ ಗೀತಿಯನ್ನ ರಿಲೀಸ್ ಮಾಡಲಾಗಿದೆ. ಕೆ ಕಲ್ಯಾಣ್ ಅವರ ಸಾಹಿತ್ಯ ಅದ್ಭುತವಾಗಿದೆ. ಇನ್ನೂ ಗಂಡ- ಹೆಂಡತಿಯ ಮಧ್ಯದ ಮುನಿಸು ಕರಗುವ ಸನ್ನಿವೇಶಕ್ಕೆ ತಕ್ಕಂತೆ , ಇಡೀ ಸಿಸಿಮಾದ ಕಥೆಯ ಸಾರಾಂಶವನ್ನು ಹೇಳುಳುವಂತಹ ಒಂದು ವಿಶೇಷ ಹಾಡಿನ ಅವಶ್ಯಕತೆ ಇತ್ತು. ಈ ತರಹದ ಒಂದು ವಿನೂತನ ಪ್ರೇಮಗೀತಿಗೆ , ಹೂ ಹೃದಯದ ಪ್ರೇಮಕವಿ ಕೆ. ಕಲ್ಯಾಣ್ ಅವರೇ ಸೂಕ್ತ ಎಂದು ನಾನು ಅವರ ಬಳಿ ಹೋದೆ ಎಂದು ನಿರ್ದೇಶಕ ಗುರುರಾಜ್ ಕುಲಕರ್ಣಿ ಅವರು ಈ ಹಾಡಿನ ಕಥೆಯನ್ನ ಬಿಚ್ಚಿಟ್ಟಿದ್ದಾರೆ.
ನವೆಂಬರ್ ತಿಂಗಳ ಕೊನೆಯ ವಾರದಲ್ಲಿ ಅಮೃತ್ ಅಪಾರ್ಟ್ ಮೆಂಟ್ಸ್ ಸಿನಿಮಾ ತೆರೆ ಮೇಲೆ ಬರಲಿದೆ. KGF , ಯುವರತ್ನ , ಕೋಟಿಗೊಬ್ಬ ಸಿನಿಮಾಗಳಲ್ಲಿ ನಟಿಸಿರುವ ತಾರಕ್ ಪೊನ್ನಪ್ಪ ಸಿನಿಮಾದ ನಾಯಕರಾಗಿದ್ರೆ, ಅವರಿಗೆ ನಾಯಕಿಯಾಗಿ ಊರ್ವಶಿ ಗೋವರ್ಧನ್ ಅವರು ಸ್ಯಾಂಡಲ್ ವುಡ್ ಗೆ ಎಂಟ್ರಿ ಕೊಡಲು ಸಜ್ಜಾಗಿದ್ದಾರೆ.
ಶ್ರೀಮನ್ನಾರಾಯಣ ಸಿನಿಮಾದಲ್ಲಿ ನಟಿಸಿರುವ ಬಾಲಾಜಿ ಮನೋಹರ ಅವರು ಈ ಚಿತ್ರದಲ್ಲಿ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಉಳಿದಂತೆ ಸೀತಾ ಕೋಟೆ , ಮಾನಸ ಜೋಷಿ , ಸಂಪತ್ ಕುಮಾರ್ , ಮಾಲತೇಶ್ , ಸಿತಾರಾ, ಜಗದೀಶ್ ಜಾಲಾ, ಅರುಣ ಮೂರ್ತಿ , ರಾಜು ನಿನಾಸಂ , ಶಂಕರ್ ಸೇರಿದಂತೆ ಅನೇಕರು ಚಿತ್ರದಲ್ಲಿ ಬಣ್ಣ ಹಚ್ಚಿದ್ದಾರೆ. ಗುರುರಾಜ್ ಕುಲಕರ್ಣಿ ಜೊತೆಗೆ ನರಸಿಂಹ ಕುಲಕರ್ಣಿ, ಸುನಿಲ್ ಆರ್ ಡಿ ಈ ಸಿನಿಮಾದ ಸಹ ನಿರ್ಮಾಪಕರಾಗಿದ್ದಾರೆ.
