ಲಂಡನ್‌: ಪಾಕಿಸ್ತಾನ್ ವಿರುದ್ಧ ನಡೆಯುತ್ತಿರುವ ಟೆಸ್ಟ್ ಪಂದ್ಯದಲ್ಲಿ ಇಂಗ್ಲೆಂಡ್ ತಂಡದ ಆಟಗಾರ ಜೋ ರೂಟ್ (Joe Root) ಮತ್ತೊಮ್ಮೆ ದಾಖಲೆಗಳನ್ನು ಸೃಷ್ಟಿಸಿದ್ದಾರೆ.
ಪಾಕ್ ವಿರುದ್ಧ ನಡೆಯುತ್ತಿರುವ ಮೂರು ಟೆಸ್ಟ್ ಸರಣಿಯ ಮೊದಲ ಪಂದ್ಯದಲ್ಲಿ ಜೋ ರೂಟ್ ಭರ್ಜರಿ ಶತಕ ಸಿಡಿಸಿದ್ದಾರೆ. 167 ಎಸೆತಗಳಲ್ಲಿ 7 ಬೌಂಡರಿಗಳೊಂದಿಗೆ 100 ರನ್ ಗಳಿಸಿದ್ದಾರೆ. ಈ ಮೂಲಕ ಟೆಸ್ಟ್ ಶತಕಗಳ ಪಟ್ಟಿಯಲ್ಲಿ ಬರೋಬ್ಬರಿ ನಾಲ್ವರು ಆಟಗಾರರ ದಾಖಲೆ ಮುರಿದಿದ್ದಾರೆ. ಅಲ್ಲದೇ, ಟೆಸ್ಟ್ ಕ್ರಿಕೆಟ್‌ನಲ್ಲಿ (Test Cricket) ಅತಿಹೆಚ್ಚು ರನ್ ಗಳಿಸಿದ ವಿಶ್ವದ 5ನೇ ಆಟಗಾರ ಎಂಬ ಖ್ಯಾತಿಗೆ ಪಾತ್ರರಾಗಿದ್ದಾರೆ. ಇಂಗ್ಲೆಂಡ್‌ನ ಟೆಸ್ಟ್ ಕ್ರಿಕೆಟ್ ಇತಿಹಾಸದಲ್ಲೇ ಅತಿಹೆಚ್ಚು ರನ್ ಗಳಿಸಿದ ಮೊದಲ ಆಟಗಾರ ಎನಿಸಿಕೊಂಡಿದ್ದಾರೆ.
ಜೋ ರೂಟ್ 80 ರನ್ ಗಳಿಸುತ್ತಿದ್ದಂತೆ 12,473 ರನ್ ಪೂರೈಸಿದರು. ಈ ಮೂಲಕ ಇಂಗ್ಲೆಂಡ್ ತಂಡದ ಮಾಜಿ ನಾಯಕ ಆಲಸ್ಟೈರ್‌ ಕುಕ್‌ ಅವರ 12,472 ರನ್ ಗಳ ದಾಖಲೆ ಮುರಿದಿದರು. ಈಗ ಭಾರತ ಕ್ರಿಕೆಟ್ ತಂಡದ ದಿಗ್ಗಜ ರಾಹುಲ್ ದಾಖಲೆ ಮುರಿಯಲು ತವಕದಲ್ಲಿದ್ದಾರೆ.
ಅತೀ ಹೆಚ್ಚು ರನ್ ಗಳಿಸಿದವರ ಪಟ್ಟಿ ನೋಡುವುದಾದರೆ, ಸಚಿನ್‌ ತೆಂಡೂಲ್ಕರ್‌ – 15,921 ರನ್, ರಿಕಿ ಪಾಂಟಿಂಗ್‌ – 13,378 ರನ್, ಜಾಕ್‌ ಕಾಲೀಸ್‌ – 13,289 ರನ್, ರಾಹುಲ್ ದ್ರಾವಿಡ್‌ – 13,288 ರನ್, ಜೋ ರೂಟ್ – 12,521 ರನ್ ಗಳಿಸಿದ್ದಾರೆ. ಇನ್ನೂ ಇಂಗ್ಲೆಂಡ್ ಆಟಗಾರ ಆಲಸ್ಟೈರ್‌ ಕುಕ್‌ – 12,472 ರನ್ ಗಳಿಸಿದ್ದಾರೆ.
