ಸ್ಯಾನ್ ಫ್ರಾನ್ಸಿಸ್ಕೋ : ಬ್ಲೂಮ್ ಬರ್ಗ್ ತನ್ನ ಜಾಗತಿಕ ಬಿಲಿಯೇನರ್ ಪಟ್ಟಿಯಲ್ಲಿ ಬಿಡುಗಡೆ ಮಾಡಿದ್ದು, 1.84 ಟ್ರಿಲಿಯನ್ ಡಾಲರ್ ಮೂಲಕ ವಿಶ್ವದ ಅತ್ಯಮೂಲ್ಯ ಕಂಪನಿಯಾದ ಆಪಲ್, ಇದರ ಸಿಇಒ ಟಿಮ್ ಕುಕ್ ಪ್ರಥಮ ಬಾರಿಗೆ ಶತಕೋಟ್ಯಧಿಪತಿಗಳ ಸಾಲಿಗೆ ಸೇರ್ಪಡೆ ಆಗಿದ್ದಾರೆ.
ಕುಕ್ ಅವರ ನಿವ್ವಳ ಸಂಪತ್ತು 1 ಬಿಲಿಯನ್ ಡಾಲರ್ ತಲುಪಿದ್ದು, ಈ ಮೂಲಕ ಶತಕೋಟ್ಯಧಿಪತಿಗಳ ಸಾಲಿಗೆ ಸೇರ್ಪಡೆಗೊಂಡಿದ್ದಾರೆ. ಟಿಮ್ ಕುಕ್ ನೇರವಾಗಿ 8,47,969 ಷೇರುಗಳನ್ನು ಹೊಂದಿದ್ದು, ಕಳೆದ ವರ್ಷ ವೇತನ ಪಾವತಿಯಡಿ 125 ಮಿಲಿಯನ್ ಡಾಲರ್ ಜೇಬಿಗೆ ಇಳಿಸಿಕೊಂಡಿದ್ದಾರೆ.
ಇನ್ನು ಜಾಗತಿಕ ಕುಬೇರರ ಸಾಲಿನಲ್ಲಿ ಅಮೆಜಾನ್ ಕಂಪನಿ ಸಂಸ್ಥಾಪಕ ಹಾಗೂ ಸಿಇಒ ಜೆಫ್ ಬೆಝೊಸ್ 187 ಬಿಲಿಯನ್ ಡಾಲರ್ ಸಂಪತ್ತಿನಿಂದ ಅಗ್ರ ಸ್ಥಾನದಲ್ಲಿ. ಮೈಕ್ರೋಸಾಫ್ಟ್ ನ ಮಾಜಿ ಸಿಇಒ ಬಿಲ್ ಗೇಟ್ಸ್ 121 ಬಿಲಿಯನ್ ಡಾಲರ್ ಮತ್ತು ಫೇಸ್ ಬುಕ್ ಸಿಇಒ ಮಾರ್ಕ್ ಝುಕರ್ ಬರ್ಗ್ 102 ಬಿಲಿಯನ್ ಡಾಲರ್ ನಿಂದ ನಂತರದ ಸ್ಥಾನದಲ್ಲಿ ಇದ್ದಾರೆ.
