Asia Cup 2022 : ಕೂಲ್ ಕಾರ್ತಿಕ್ ಭಾಯ್.. ನಾನು ಫಿನಿಷ್ ಮಾಡುವೆ
ಏಷ್ಯಾಕಪ್-2022ರ ಅಂಗವಾಗಿ ಪಾಕಿಸ್ತಾನ ವಿರುದ್ಧದ ಹೈವೋಲ್ಟೇಜ್ ಪಂದ್ಯದಲ್ಲಿ ಟೀಂ ಇಂಡಿಯಾ 5 ವಿಕೆಟ್‌ಗಳ ಜಯ ಸಾಧಿಸಿದೆ.
ಕೊನೆಯವರೆಗೂ ರೋಚಕತೆಯಿಂದ ಕೂಡಿದ್ದ ಸಮರದಲ್ಲಿ ಟೀಂ ಇಂಡಿಯಾದ ಆಲ್ ರೌಂಡರ್ ಹಾರ್ದಿಕ್ ಪಾಂದ್ಯ ಸಿಕ್ಸರ್ ಸಿಡಿಸಿ ಗೆಲುವು ತಂದುಕೊಟ್ಟರು.
ಕೊನೆಯ ಓವರ್ ನಲ್ಲಿ ಟೀಂ ಇಂಡಿಯಾಗೆ ಪಂದ್ಯ ಗೆಲ್ಲಲು ಏಳು ರನ್ ಗಳ ಅವಶ್ಯಕತೆ ಇತ್ತು.
ನವಾಜ್ ಮಾಡಿದ ಓವರ್ ನ ಮೊದಲ ಎಸೆತದಲ್ಲಿ ಜಡ್ಡು ಕ್ಲೀನ್ ಬೌಲ್ಡ್ ಆದರು.
ಇದರೊಂದಿಗೆ ಪಂದ್ಯ ಮತ್ತಷ್ಟು ರೋಚಕತೆ ಪಡೆದುಕೊಳ್ತು.
ಆ ನಂತರ ಕ್ರೀಸ್ ಗೆ ಬಂದ ದಿನೇಶ್ ಕಾರ್ತಿಕ್ ಸಿಂಗಲ್ ತೆಗೆದು ಹಾರ್ದಿಕ್ ಪಾಂಡ್ಯಗೆ ಸ್ಟ್ರೈಕ್ ನೀಡಿದರು.
ಆದ್ರೆ ಮೂರನೇ ಎಸೆತವನ್ನು ಹಾರ್ದಿಕ್ ಕವರ್ಸ್ ಕಡೆ ಬಾರಿಸಿದ್ರು. ಅದು ನೇರವಾಗಿ ಫೀಲ್ಡರ್ ಕೈಗೆ ಸೇರಿತು.
ಇದೇ ಸಮಯದಲ್ಲಿ ಕಾರ್ತಿಕ್ ಸಿಂಗಲ್ ಗಾಗಿ ಪ್ರಯತ್ನಿಸಿದ್ದು, ಹಾರ್ದಿಕ್ ನೋ ಎಂದರು.
ಅಲ್ಲದೇ ಕೂಲ್ ಆಗಿರುವ ಕಾರ್ತಿಕ್ ಭಾಯ್ ! ನಾನ್ ಮ್ಯಾಚ್ ಫಿನಿಶ್ ಮಾಡುವೆ ಎಂಬಂತೆ ಸನ್ನೆ ಮಾಡಿದರು.
ಇದಾದ ಬಳಿಕ ನಾಲ್ಕನೇ ಎಸೆತವನ್ನೇ ಹಾರ್ದಿಕ್ ಸಿಕ್ಸರ್ ಬಾರಿಸಿದರು.
ಇದಕ್ಕೆ ಸಂಬಂಧಿಸಿದ ವಿಡಿಯೋ ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.
ಈ ಪಂದ್ಯದಲ್ಲಿ ಹಾರ್ದಿಕ್ ಪಾಂಡ್ಯ ಆಲ್ ರೌಂಡ್ ಪ್ರದರ್ಶನದೊಂದಿಗೆ ಮಿಂಚಿದರು.
ಮೊದಲು ಬೌಲಿಂಗ್ ನಲ್ಲಿ ಮೂರು ವಿಕೆಟ್ ಪಡೆದರೇ ಬ್ಯಾಟಿಂಗ್ ನಲ್ಲಿ 17 ಎಸೆತಗಳಲ್ಲಿ 33 ರನ್ ಗಳಿಸಿದರು.
ಭಾರತ ತನ್ನ ಮುಂದಿನ ಪಂದ್ಯವನ್ನು ಆಗಸ್ಟ್ 31 ರಂದು ಹಾಂಕಾಂಗ್ ವಿರುದ್ಧ ಆಡಲಿದೆ.
