Atal Pension Yojana : ವಿವಾಹಿತ ದಂಪತಿಗಳು ಮಾಸಿಕ 10 ಸಾವಿರ ಪಡೆಯುವ ಪಿಂಚಣಿ ಯೋಜನೆ ಇದು….
ಜನರು ಭವಿಷ್ಯದಲ್ಲಿ ಆರ್ಥಿಕ ಭದ್ರತೆಯನ್ನ ಖಾತ್ರಿ ಪಡಿಸಿಕೊಳ್ಳಲು ಪಿಂಚಣಿ ಉತ್ತಮ ಮಾರ್ಗ ವಾಗಿದೆ. ಒಬ್ಬವ್ಯಕ್ತಿಯಾಗಿ ಆಯ್ಕೆ ಮಾಡಬಹುದಾದ ಹಲವು ಯೋಜನೆಗಳು ಲಭ್ಯವಿದ್ದರೂ ದಂಪತಿಗಳಿಬ್ಬರೂ ಬಯಸಿ ಒಟ್ಟಿಗೆ ನಿವೃತ್ತಿ ನಂತರ ಜೀವನಕ್ಕಾಗಿ ಯೋಚಿಸಬಹುದು. ಅಂತಹ ಯೋಜನೆಗಳಲ್ಲಿ ಒಂದು ಅಟಲ್ ಪಿಂಚಣಿ ಯೋಜನೆ…
ಅಟಲ್ ಪಿಂಚಣಿ ಯೋಜನೆ (APY), ಹೂಡಿಕೆಯ ಸುರಕ್ಷತೆಯೊಂದಿಗೆ ಉತ್ತಮ ಆದಾಯವನ್ನು ನೀಡುತ್ತದೆ. ಈ ಯೋಜನೆಯಡಿ, ಪತಿ ಮತ್ತು ಪತ್ನಿ 2 ಪ್ರತ್ಯೇಕ ಖಾತೆಗಳನ್ನು ತೆರೆಯುವ ಮೂಲಕ ಒಟ್ಟು ಮಾಸಿಕ 10,000 ರೂ.ಗಳ ಪಿಂಚಣಿ ಪಡೆಯಬಹುದು.
ಅಟಲ್ ಪಿಂಚಣಿ ಯೋಜನೆಗೆ ಅರ್ಹತೆ:
ಅಸಂಘಟಿತ ವಲಯಗಳಲ್ಲಿ ತೊಡಗಿರುವ ಜನರಿಗೆ ತಮ್ಮ ಭವಿಷ್ಯವನ್ನು ಭದ್ರಪಡಿಸಿಕೊಳ್ಳಲು ಅನುಕೂಲ ಮಾಡಿಕೊಡುವ ಉದ್ದೇಶದಿಂದ ಈ ಯೋಜನೆಯನ್ನು 2015 ರಲ್ಲಿ ಶುರು ಮಾಡಲಾಯಿತು 18 ರಿಂದ 40 ರ ನಡುವಿನ ಯಾವುದೇ ಭಾರತೀಯ ನಾಗರಿಕರು ತಮ್ಮ ಹಣವನ್ನ ಈ ಯೋಜನೆಯಲ್ಲಿ ಹಾಕಬಹುದು.
ಒಬ್ಬ ವ್ಯಕ್ತಿ ಬ್ಯಾಂಕ್ ಅಥವಾ ಪೋಸ್ಟ್ ಆಫೀಸ್ ಖಾತೆಯನ್ನ ಹೊಂದಿದ್ದರೆ, ಅಟಲ್ ಪಿಂಚಣಿ ಯೋಜನೆಯನ್ನು ಸುಲಭವಾಗಿ ಆಯ್ಕೆ ಮಾಡಬಹುದು.
60 ವರ್ಷ ತುಂಬಿದ ನಂತರ ಹೂಡಿಕೆದಾರರು ಪಿಂಚಣಿ ಪಡೆಯಲು ಅರ್ಹರಾಗುತ್ತಾರೆ.
ಈ ಯೋಜನೆಯಲ್ಲಿ ಹೂಡಿಕೆ ಮಾಡಲು ಆಧಾರ್ ಸಂಖ್ಯೆ ಮತ್ತು ಮೊಬೈಲ್ ಸಂಖ್ಯೆ ಅತ್ಯಗತ್ಯ.
ಅಟಲ್ ಪಿಂಚಣಿ ಯೋಜನೆಯ ಪ್ರಯೋಜನಗಳು:
ವ್ಯಕ್ತಿಯ ಹೂಡಿಕೆಯನ್ನು ಅವಲಂಬಿಸಿ, ಮಾಸಿಕ ರೂ 1,000 ಅಥವಾ ರೂ 2,000 ಅಥವಾ ರೂ 3,000 ಅಥವಾ ರೂ 4,000 ಅಥವಾ ಗರಿಷ್ಠ ರೂ 5,000 ಪಡೆಯುತ್ತಾರೆ.
ಪಿಂಚಣಿ ಪಡೆಯುವವರು ರೂ 5,000 ಮಾಸಿಕ ಪಿಂಚಣಿ ಪಡೆಯಲು ಬಯಸಿದರೆ, ಅವರು 18 ವರ್ಷದಿಂದ ಪ್ರಾರಂಭಿಸಿ ತಿಂಗಳಿಗೆ ರೂ 210 ಠೇವಣಿ ಮಾಡಬೇಕಾಗುತ್ತದೆ.
10,000 ಮಾಸಿಕ ಪಿಂಚಣಿ ಗಳಿಸುವುದು ಹೇಗೆ?
ಇದನ್ನ ಪಡೆಯಲು 30 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ದಂಪತಿಗಳು 2 ಪ್ರತ್ಯೇಕ ಅಟಲ್ ಪಿಂಚಣಿ ಯೋಜನೆ ಖಾತೆಗಳನ್ನ ಪ್ರಾರಂಭಿಸಬಹುದು. 60 ವರ್ಷ ವಯಸ್ಸಿನ ನಂತರ ತಿಂಗಳಿಗೆ 10,000 ರೂಪಾಯಿಗಳ ಅಪೇಕ್ಷಿತ ಪಿಂಚಣಿ ಗಳಿಸಲು ಅವರು ತಮ್ಮ ಖಾತೆಗಳಲ್ಲಿ ತಲಾ 577 ರೂಪಾಯಿಗಳನ್ನ ಜಮಾ ಮಾಡಬೇಕಾಗುತ್ತದೆ.
Atal Pension Yojana : This is a pension plan where married couples get 10 thousand per month.
