ಟೆಸ್ಟ್ ಪಂದ್ಯ | ಠಾಕೂರ್ – ಸುಂದರ್ ಸೂಪರ್ ಆಟ, ಭಾರತ 336ಕ್ಕೆ ಆಲೌಟ್
ಬ್ರಿಸ್ಬೇನ್ : ಆಸ್ಟ್ರೇಲಿಯಾ ಮತ್ತು ಭಾರತ ನಡುವಿನ ಅಂತಿಮ ಟೆಸ್ಟ್ ಪಂದ್ಯದ ಮೊದಲ ಇನ್ನಿಂಗ್ಸ್ ನಲ್ಲಿ ಆಸೀಸ್ ಗೆ ಟೀಂ ಇಂಡಿಯಾ ಬೊಂಬಾಟ್ ತಿರುಗೇಟು ನೀಡಿದೆ. ಭಾರತದ ಪರ ವಾಷಿಂಗ್ ಸುಂದರ್ ಮನಮೋಹಕ ಆಟ, ಶರ್ದೂಲ್ ಠಾಕೂರ್ ಶೈನಿಂಗ್ ಪ್ರದರ್ಶನ ಭಾರತ ತಂಡವನ್ನು ಉತ್ತಮ ಸ್ಥಿತಿಯಲ್ಲಿಟ್ಟಿದೆ. ಮೊದಲ ಇನ್ನಿಂಗ್ಸ್ ನಲ್ಲಿ ಭಾರತ 336ಕ್ಕೆ ಆಲೌಟ್ ಆಗಿ 33 ರನ್ ಗಳ ಹಿನ್ನೆಡೆ ಅನುಭವಿಸಿದೆ. ಆದ್ರೆ ಭಾರತ ಪರ ಅನಾನುಭವಿಗಳ ಆಟ ಎಲ್ಲರ ಮನಗೆದ್ದಿದೆ.
2 ವಿಕೆಟ್ ಕಳೆದುಕೊಂಡು 62 ರನ್ ಗಳೊಂದಿಗೆ ಇಂದು ಇನ್ನಿಂಗ್ಸ್ ಆರಂಭಿಸಿದ ಪೂಜಾರ ಮತ್ತು ನಾಯಕ ರಹಾನೆ ನಿಧಾನವಾಗಿ ರನ್ ಕಲೆಹಾಕಿದ್ರು. 3ನೇ ವಿಕೆಟ್ ಗೆ ಈ ಜೋಡಿ 45 ರನ್ ಒಟ್ಟುಗೂಡಿಸಿತು. ಈ ವೇಳೆ 25 ರನ್ ಗಳಿಸಿದ್ದ ಚೇತೇಶ್ವರ್ ಪೂಜಾರ ಹೆಜಲ್ ವುಡ್ ಎಸೆತದಲ್ಲಿ ಪೇನ್ ಗೆ ಕ್ಯಾಚ್ ನೀಡಿ ನಿರ್ಗಮಿಸಿದ್ರು. ತಾಳ್ಮೆಯಿಂದ ಬ್ಯಾಟ್ ಬೀಸುತ್ತಿದ್ದ ನಾಯಕ ರಹಾನೆ ಸ್ಟಾರ್ಕ್ ಬೌಲಿಂಗ್ ನಲ್ಲಿ ಎಡವಿದ್ರು. ಕೇವಲ 37 ರನ್ ಗಳಿಗೆ ವೇಡ್ ಗೆ ಕ್ಯಾಚ್ ನೀಡಿ ನಿರಾಸೆ ಅನುಭವಿಸಿದ್ರು.
ಇದಾದ ಬಳಿಕ ಮಯಾಂಕ್ – ಪಂತ್ ಜೊಡಿ ಸ್ಪಲ್ಪ ಕಾಲ ಆಸೀಸ್ ಬೌಲರ್ ಗಳನ್ನ ಕಾಡಿದರು. ಆದ್ರೆ 38 ರನ್ ಗಳಿಸಿದ್ದ ವೇಳೆ ಕನ್ನಡಿಗ ಮಯಾಂಕ್ ಅಗರ್ ವಾಲ್ ಹೆಜಲ್ ವುಡ್ ಬೌಲಿಂಗ್ ನಲ್ಲಿ ಸ್ಮಿತ್ ಗೆ ಕ್ಯಾಚ್ ನೀಡಿ ಪೆವಿಲಿಯನ್ ನತ್ತ ಹೆಜ್ಜೆ ಹಾಕಿದ್ರು. ಅಗರ್ ವಾಲ್ ಹಿಂದೆಯೇ ಪಂತ್ ಕೂಡ ಹೆಜಲ್ ವುಡ್ ಗೆ ವಿಕೆಟ್ ಒಪ್ಪಿಸಿದರು. ಈ ಬಳಿಕ ಜೊತೆಯಾದ ಶರ್ದೂಲ್ ಠಾಕೂರ್, ವಾಷಿಂಗ್ ಟನ್ ಸುಂದರ್ ಯಾರು ನಿರೀಕ್ಷೆ ಮಾಡದ ರೀತಿ ಬ್ಯಾಟ್ ಬೀಸಿದರು.
ಈ ಜೋಡಿ ಶತಕದ ಜೊತೆಯಾಟದೊಂದಿಗೆ ಇಬ್ಬರು ತಲಾ ಅರ್ಧಶತಕ ಸಿಡಿಸಿದರು. ಈ ವೇಳೆ ಆಕರ್ಷಕ ಹೊಡೆತಗಳ ಮೂಲಕ ಆಸೀಸ್ ಬೌಲರ್ ಗಳ ಬೆವರಿಳಿಸಿದ್ದ ಠಾಕೂರ್ 67 ರನ್ ಗಳಿಸಿದ್ದ ವೇಳೆ ಕಮಿನ್ಸ್ ಗೆ ವಿಕೆಟ್ ಒಪ್ಪಿಸಿದರು.
ಬಳಿಕ ಬಾಲಂಗೋಚಿಗಳ ಜೊತೆ ಇನ್ನಿಂಗ್ಸ್ ಕಟ್ಟಿದ ಸುಂದರ್ 62 ರನ್ ಗಳಿಸಿದ್ದ ವೇಳೆ ಸ್ಟಾಕ್ ಬೌಲಿಂಗ್ ನಲ್ಲಿ ಗ್ರೀನ್ ಗೆ ಕ್ಯಾಚ್ ನೀಡಿದರು. ಇನ್ನು ಭಾರತದ ಪರ ನವದೀಪ್ ಸೈನಿ 5 ರನ್, ಸಿರಾಜ್ 13 ರನ್, ನಟರಾಜನ್ 1 ರನ್ ಗಳಿಸಿದರು.
ಆಸ್ಟ್ರೇಲಿಯಾ ಪರ ಹೆಜಲ್ ವುಡ್ ಐದು ವಿಕೆಟ್ ಪಡೆದರೇ ಸ್ಟಾರ್ಕ್, ಕಮ್ಮಿನ್ಸ್ ತಲಾ ಎರಡು ವಿಕೆಟ್, ನಾಥನ್ ಒಂದು ವಿಕೆಟ್ ಪಡೆದರು.
Our Website : https://saakshatv.com/
Subscribe Now on YouTube
Like us on Facebook
Follow us on Twitter
Follow us on Instagram
Subscribe to our Telegram Channel
