1ಲಕ್ಷದ 91 ಸಾವಿರ ರೂಪಾಯಿಗೆ ಮಾರಾಟವಾದ ಬಂಡೂರು ಟಗರು..!
ಮಂಡ್ಯ : 1ಲಕ್ಷದ 91 ಸಾವಿರ ರೂಪಾಯಿಗೆ ಮಾರಾಟವಾಗುವ ಮೂಲಕ ಬಂಡೂರು ಟಗರು ದಾಖಲೆ ನಿರ್ಮಿಸಿದೆ. ಮಂಡ್ಯದ ಮಳವಳ್ಳಿ ತಾಲ್ಲೂಕಿನ ದೇವಿಪುರ ಗ್ರಾಮದಲ್ಲಿ ಟಗರು ಮಾರಾಟವಾಗಿದೆ.
ದೇವಿಪುರ ಗ್ರಾಮದ ಸಣ್ಣಪ್ಪ ಟಗರು ಮಾರಿದ ವ್ಯಕ್ತಿಯಾಗಿದ್ದಾರೆ. ಸುಮಾರು 1ಲಕ್ಷದ 91 ಸಾವಿರಕ್ಕೆ ಮಾರಟವಾಗುವ ಮೂಲಕ ಈ ಟಗರು ದಾಖಲೆ ನಿರ್ಮಿಸಿದೆ. 2 ವರ್ಷ ಈ ಟಗರನ್ನ ಸುಮಾರು 1 ಲಕ್ಷದ 5 ಸಾವಿರಕ್ಕೆ ಬಂಡೂರು ಟಗರನ್ನ ಸಣ್ಣಪ್ಪ ಖರೀದಿಸಿದ್ದರು..
ಅದೇ ಟಗರನ್ನ ಇಂದು 1 ಲಕ್ಷದ 91 ಸಾವಿರಕ್ಕೆ ಬಿದರಕೋಟೆ ಕೃಷ್ಣಪ್ಪ ಎಂಬುವವರು ಖರೀದಿಸಿದ್ದಾರೆ. ಟಗರಿಗೆ ಪೂಜೆ ಮಾಡಿ, ಹಾರ ಹಾಕಿ ಟಗರಿನ ಜೊತೆ ಗ್ರಾಮಸ್ಥರು ದೇವಿಪುರ ಸೇರಿದಂತೆ ನಾಲ್ಕೈದು ಗ್ರಾಮಗಳಲ್ಲಿ ಟಗರಿನ ಮೆರವಣಿಗೆ ಮಾಡಿದ್ದಾರೆ…
