ಬೆಂಗಳೂರು: ಹೆಮ್ಮಾರಿ ಕೊರೊನಾ ಅಬ್ಬರದಿಂದ ಸ್ಯಾಂಡಲ್‍ವುಡ್ ಅಕ್ಷರಃ ತತ್ತರಿಸಿ ಹೋಗಿದೆ. ಸದ್ಯಕ್ಕೆ ಚಿತ್ರಮಂದಿರಗಳೂ ತೆರೆಯುತ್ತಿಲ್ಲಮ, ಹೊಸ ಚಿತ್ರಗಳೂ ಬರುತ್ತಿಲ್ಲ.
ನಮ್ಮ ನೆಚ್ಚಿನ ನಟರ ಚಿತ್ರಗಳಿಗಾಗಿ ಅಭಿಮಾನಿಗಳು ಚಾತಕ ಪಕ್ಷಗಳಂತೆ ಕಾದು ಕುಳಿತಿದ್ದಾರೆ. ಕೊರೊನಾ ಅಲೆಯ ನಡುವೆಯೇ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಹುಟ್ಟುಹಬ್ಬ ಬರುತ್ತಿದೆ.
ಇದೇ ಜುಲೈ12ರಂದು ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿರುವ ಶಿವಣ್ಣನಿಗೆ ಸ್ಪೆಷಲ್ ಗಿಫ್ಟ್ ಕೊಡಲು ಚಿತ್ರತಂಡ ಸಿದ್ಧತೆ ನಡೆಸಿದೆ. ಭಜರಂಗಿ-2 ಚಿತ್ರದ ಟೀಸರ್‍ನ್ನು ಬಿಡುಗಡೆ ಮಾಡಲು ಯೋಜನೆ ರೂಪಿಸಿಕೊಳ್ಳಲಾಗಿದೆ.
ರಾಜ್‍ಕುಮಾರ್ ಮತ್ತು ನಿರ್ದೇಶಕ ಹರ್ಷ ಎ. ಅವರ ಕಾಂಬಿನೇಷನ್‍ನಡಿ ಪ್ಯಾನ್ ಇಂಡಿಯಾ ಪರಿಕಲ್ಪನೆಯಲ್ಲಿನಿರ್ಮಾಣವಾಗುತ್ತಿರುವ ಭಜರಂಗಿ-2 ಚಿತ್ರದ ಬಹುತೇಕ ಶೂಟಿಂಗ್ ಮತ್ತು ಎಡಿಟಿಂಗ್ ಕೊರೊನಾ ಪೂರ್ವದಲ್ಲೇ ಮುಗಿದಿತ್ತು. ಇನ್ನು 10ರಿಂದ ಹನ್ನೆರಡು ದಿನಗಳ ಚಿತ್ರೀಕರಣವನ್ನಷ್ಟೇ ಬಾಕಿ ಉಳಿಸಿಕೊಂಡಿದೆ.
ಚಿತ್ರದ ಶೂಟಿಂಗ್‍ನ ಆರಂಭದಿಂದಲೂ ಮಾಹಿತಿ ಬಹಿರಂಗಪಡಿಸದೆ ಕುತೂಹಲ ಕಾಯ್ದುಕೊಂಡಿದ್ದ ಚಿತ್ರತಂಡ, ಒಂದೆರಡು ಪೆÇೀಸ್ಟರ್‍ಗಳನ್ನು ಮಾತ್ರ ಬಿಡುಗಡೆ ಮಾಡಿತ್ತು. ಚಿತ್ರದಲ್ಲಿ ಭಾವನಾ ಮೆನನ್ ನಾಯಕಿಯಾಗಿ ನಟಿಸಿದ್ದಾರೆ. ಅರ್ಜುನ್ ಜನ್ಯ ಸಂಗೀತ ಸಂಯೋಜಿಸಿದ್ದಾರೆ. ಸ್ವಾಮಿ ಜಿ. ಗೌಡ ಅವರ ಛಾಯಾಗ್ರಹಣವಿದೆ. ದೀಪು ಎಸ್. ಕುಮಾರ್ ಸಂಕಲನ ನಿರ್ವಹಿಸಿದ್ದಾರೆ.
