BSP ಇಂದ 7 ಶಾಸಕರು ಅಮಾನತು – ಮಾಯಾವತಿ ಆದೇಶ

BSP President Mayavathi

ಉತ್ತರಪ್ರದೇಶ: ರಾಜ್ಯ ಸಭಾ ಚುನಾವಣೆಗೆ ಬಿಎಸ್ ಪಿ ಅಭ್ಯರ್ಥಿಯಾಗಿ ರಾಮ್ ಜಿ ಗೌತಮ್ ಆಯ್ಕೆಯನ್ನು ವಿರೋಧಿಸಿದ ಬಹುಜನ ಸಮಾಜವಾದಿ ಪಕ್ಷದ 7 ಬಂಡಾಯ ಶಾಸಕರನ್ನು ಪಕ್ಷದ ಅಧ್ಯಕ್ಷೆ ಮಾಯಾವತಿ ಅವರು ಅಮಾನತುಗೊಳಿಸಿದ್ದಾರೆ. ಬಿಎಸ್ ಪಿ ಅಧ್ಯಕ್ಷೆ ಮಾಯಾವತಿಯವರು, ರಾಜ್ಯ ಸಭಾ ಚುನಾವಣೆಗೆ ಪಕ್ಷದ ಅಭ್ಯರ್ಥಿಯಾಗಿ ರಾಮ್ ಜಿ ಗೌತಮ್ ಅವರನ್ನು ಆಯ್ಕೆ ಮಾಡಿದ್ದರು. ಅಲ್ಲದೇ ಪಕ್ಷದ ಅಧಿಕೃತ ಅಭ್ಯರ್ಥಿಯಾಗಿಯೂ ಘೋಷಣೆ ಮಾಡಿದ್ದರು. ಆದ್ರೇ ಅವರ ಈ ನಿರ್ಧಾರವನ್ನ ಅನೇಕರು ವಿರೋಧಿಸಿದ್ದರು.

ನಮ್ಮದು ತ್ಯಾಗ ಮಾಡಿರುವ ಕುಟುಂಬ – ಸುಮಲತಾ

November 22, 2024

ರಸಗೊಬ್ಬರ ಘಟಕದಲ್ಲಿ ಗ್ಯಾಸ್ ಲೀಕ್; 9 ಜನ ಬಲಿ

November 22, 2024

ಅಯ್ಯೋ.. ಮುನಿರತ್ನ ತಾಯಿಯನ್ನು ಮಾರಾಟ ಮಾಡಲಿಲ್ಲವೇ ? ಡಿಕೆಶಿ ಪ್ರಶ್ನೆ

ಪ್ರಮುಖವಾಗಿ ಶಾಸಕರಾದ ಹಕೀಂ ಲಾಲ್ ಬಿಂಡ್, ಚೌಧುರಿ ಅಸ್ಲಂ ಆಲಿ, ಮಹ್ಮದ್ ಮುಜ್ತಾಬ್ ಸಿದ್ದೀಕಿ, ಅಸ್ಲಂ ರೈನಿ, ಸುಷ್ಮಾ ಪಟೇಲ್, ಹರ ಗೋವಿಂದ್ ಭಾರ್ಗವ್ ಹಾಗೂ ಬಂದನಾ ಸಿಂಗ್ ಮಾಯಾವತಿ ಅವರ ನಿರ್ಧಾರಕ್ಕೆ ವಿರೋಧ ವ್ಯಕ್ತಪಡಿಸಿದ್ದರು. ಅಲ್ಲದೇ ಈ ನಿರ್ಧಾರ ಖಂಡಿಸಿ ಬಂಡಾಯವೆದ್ದಿದ್ದರು. ಹೀಗಾಗಿ ಬಂಡಾಯವೆದ್ದ 7 ಶಾಸಕರನ್ನು ಪಕ್ಷದಿಂದ ಅಮಾನತುಗೊಳಿಸಿ ಆದೇಶ ಹೊರೆಡಿಸಿದ್ದಾರೆ ಪಕ್ಷದ ಮುಖ್ಯಸ್ಥೆ ಮಾಯಾವತಿ. ಇತ್ತ ಪಕ್ಷದಿಂದ ಅಮಾನತುಗೊಂಡ ಬಂಡಾಯ ಶಾಸಕರು ಸದ್ಯ ಸಮಾಜವಾದಿ ಪಕ್ಷದ ಮುಖ್ಯಸ್ಥರಾದ ಅಖಿಲೇಶ್ ಯಾದವ್ ಪಕ್ಷಕ್ಕೆ ಸೇರ್ಪಡೆಗೊಳ್ಳಲಿದ್ದಾರೆ ಎಂಬ ವಿಚಾರ ಕೆಲ ಮೂಲಗಳಿಂದ ತಿಳಿದುಬಂದಿದೆ.