Budget 2022 – ಬಜೆಟ್ ಗು ಮುನ್ನ ಆರ್ಥಿಕ ಸಮೀಕ್ಷೆ ಮಂಡಿಸಲಿದ್ದಾರೆ ನಿರ್ಮಲ ಸೀತಾರಾಮನ್ .
ಇಂದಿನಿಂದ (ಜನವರಿ 31, 2022) ಸಂಸತ್ತಿನ ಬಜೆಟ್ ಅಧಿವೇಶನ ಅಧ್ಯಕ್ಷರ ಭಾಷಣದೊಂದಿಗೆ ಪ್ರಾರಂಭವಾಗುತ್ತಿದೆ. ರಾಷ್ಟ್ರಪತಿಗಳ ಭಾಷಣದ ನಂತರ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಲೋಕಸಭೆಯಲ್ಲಿ 2021-22ರ ಆರ್ಥಿಕ ಸಮೀಕ್ಷೆಯ ವರದಿಯನ್ನು ಮಂಡಿಸಲಿದ್ದಾರೆ. ಬಜೆಟ್ಗೆ ಒಂದು ದಿನ ಮೊದಲು ಮಂಡಿಸಲಿರುವ ಆರ್ಥಿಕ ಸಮೀಕ್ಷೆಯು ಪ್ರಸಕ್ತ ಹಣಕಾಸು ವರ್ಷದಲ್ಲಿ ಭಾರತೀಯ ಆರ್ಥಿಕತೆ ಹೇಗೆ ನಿರ್ವಹಿಸಿದೆ ಮತ್ತು ಮುಂಬರುವ ದಿನಗಳಲ್ಲಿ ಅದು ಹೇಗೆ ಕಾರ್ಯನಿರ್ವಹಿಸುತ್ತದೆ ಎಂಬುದನ್ನು ಬಹಿರಂಗಪಡಿಸುತ್ತದೆ.
2021-22 ರ ಆರ್ಥಿಕ ವರ್ಷದ ಈ ಆರ್ಥಿಕ ಪರಾಮರ್ಶೆಯಲ್ಲಿ, ಕರೋನದ ಎರಡನೇ ಮತ್ತು ಮೂರನೇ ಅಲೆಯ ನಡುವೆ ದೇಶವು ಹೇಗೆ ಪ್ರಗತಿ ಸಾಧಿಸಿದೆ ಎಂದು ತಿಳಿಯುತ್ತದೆ. ಪ್ರಸಕ್ತ ಹಣಕಾಸು ವರ್ಷದ ವಿಮರ್ಶೆಯಲ್ಲಿ, ಸುಮಾರು 9% ರ ಆರ್ಥಿಕ ಬೆಳವಣಿಗೆ ದರವನ್ನು ಅಂದಾಜಿಸಬಹುದು ಎನ್ನಲಾಗುತ್ತಿದೆ.
ಏನಿದು ಆರ್ಥಿಕ ಸಮೀಕ್ಷೆ?
ಮಧ್ಯಮ ವರ್ಗದವರೇ ಹೆಚ್ಚಾಗಿರುವ ಭಾರತದಲ್ಲಿ ಎಷ್ಟು ವರಮಾನ ಬಂತು ಎಷ್ಟು ಖರ್ಚಾಯಿತು ಯಾವ ಯಾವ ವಿಷಯಕ್ಕೆ ಹೆಚ್ಚು ಹಣ ಬಳಸಿದ್ದೇವೆ ಎಂದು ಸಾಮಾನ್ಯ ಕುಟುಂಬಗಳು ಲೆಕ್ಕ ಇಟ್ಟುಕೊಳ್ಳುವಂತೆ, ದೇಶವು ಸಹ ತಮಗೆ ಬಂದ ಅದಾಯದ ಮೂಲ ಮತ್ತು ಯಾವ ಯಾವ ಕ್ಷೇತ್ರಗಳಲ್ಲಿ ಎಷ್ಟು ಖರ್ಚು ಮಾಡಿದ್ದೇವೆ ಎಂದು ತಿಳಿಸುವುದೇ ಆರ್ಥಿಕ ಸಮೀಕ್ಷೆ….
ಆರ್ಥಿಕ ಸಮೀಕ್ಷೆ ನಮ್ಮ ಮನೆಯ ಡೈರಿ ಇದ್ದಂತೆ. ಇದು ನಮ್ಮ ದೇಶದ ಆರ್ಥಿಕ ಸ್ಥಿತಿ ಹೇಗಿದೆ ಎಂಬುದನ್ನು ತೋರಿಸುತ್ತದೆ. ಆರ್ಥಿಕ ಸಮೀಕ್ಷೆಯಲ್ಲಿ, ಕಳೆದ ವರ್ಷದ ಖಾತೆಗಳು ಮತ್ತು ಮುಂಬರುವ ವರ್ಷಕ್ಕೆ ಸಲಹೆಗಳು, ಸವಾಲುಗಳು ಮತ್ತು ಪರಿಹಾರಗಳನ್ನು ಉಲ್ಲೇಖಿಸಲಾಗಿರುತ್ತದೆ. ಬಜೆಟ್ಗೆ ಒಂದು ದಿನ ಮುಂಚಿತವಾಗಿ ಆರ್ಥಿಕ ಸಮೀಕ್ಷೆಯನ್ನು ಮಂಡಿಸಲಾಗುತ್ತದೆ.
