Bumrah replacement | ಬುಮ್ರಾ ಬದಲಿಗೆ ತ್ರಿಪಲ್ “S” ಸ್ಟ್ರಾಟರ್ಜಿ
ಟಿ 20 ವಿಶ್ವಕಪ್ ಗಾಗಿ ಆಯ್ಕೆಯಾದ ಟೀಂ ಇಂಡಿಯಾದ ಸ್ಟಾರ್ ಪೇಸರ್ ಜಸ್ ಪ್ರಿತ್ ಬುಮ್ರಾ ಬೆನ್ನು ನೋವಿನಿಂದ ಬಳಲುತ್ತಿದ್ದು, ತಂಡದಿಂದ ದೂರವಾಗಿದ್ದಾರೆ.
ಆದ್ರೆ ಅವರ ಸ್ಥಾನವನ್ನು ಭರ್ತಿ ಮಾಡುವವರು ಯಾರು ಎಂಬ ಪ್ರಶ್ನೆ ಕ್ರಿಕೆಟ್ ವಲಯದಲ್ಲಿ ಹರಿದಾಡುತ್ತಿದೆ. ಇದೀಗ ಭಾರತ ಕ್ರಿಕೆಟ್ ತಂಡದ ಆಯ್ಕೆ ಸಮಿತಿ ಬುಮ್ರಾ ಬದಲಿಗೆ ತ್ರಿಪಲ್ “S” ಸ್ಟ್ರಾಟರ್ಜಿ ಮಾಡಿದೆ.
ಶಮಿ, ಸಿರಾಜ್, ಶರ್ದೂಲ್ ಠಾಕೂರ್ ಇವರಲ್ಲಿ ಒಬ್ಬರು ಬುಮ್ರಾ ಸ್ಥಾನವನ್ನು ಭರ್ತಿ ಮಾಡಲಿದ್ದಾರೆ. ಅಂದಹಾಗೆ ಈ ಮೂವರು ಭಾರತ ಕ್ರಿಕೆಟ್ ತಂಡ ಸೇರಲು ಆಸ್ಟ್ರೇಲಿಯಾ ತೆರಳಿದಿದ್ದಾರೆ.
ಇವರೊಂದಿಗೆ ಸ್ಟಾಂಡ್ ಬೈ ಪ್ಲೇಯರ್ ಆಗಿ ಆಯ್ಕೆಯಾದ ಶ್ರೇಯಸ್ ಅಯ್ಯರ್, ರವಿ ಬಿಷ್ಣೋಯಿ ಕೂಡ ಆಸ್ಟ್ರೇಲಿಯಾ ಸೇರಿದ್ದಾರೆ. ಮತ್ತೊಬ್ಬ ಸ್ಟಾಂಡ್ ಬೈ ಆಟಗಾರ ದೀಪಕ್ ಚಹಾರ್ ಗಾಯಗೊಂಡಿದ್ದು, ವಿಶ್ವಕಪ್ ನಿಂದ ದೂರವಾಗಿದ್ದಾರೆ.
ಮತ್ತೊಂದು ಕಡೆ ನೆಟ್ ಬೌಲರ್ ಆಗಿ ಆಯ್ಕೆಯಾದ ಉಮ್ರಾನ್ ಮಲಿಕ್, ಕುಲ್ ದೀಪ್ ಸೇನ್ ವೀಸಾ ಕಾರಣದಿಂದಾಗಿ ಭಾರತದಲ್ಲಿಯೇ ಉಳಿದುಕೊಂಡಿದ್ದಾರೆ. ವೀಸಾ ಸಮಸ್ಯೆ ಮುಗಿದ ಬಳಿಕ ಅವರು ಆಸ್ಟ್ರೇಲಿಯಾದತ್ತ ಹೋಗಲಿದ್ದಾರೆ.
ಇದು ಹೀಗಿದ್ದರೇ ಬುಮ್ರಾ ಸ್ಥಾನದಲ್ಲಿ ಅಂತಿಮ ತಂಡದಲ್ಲಿ ಯಾರು ಕಣಕ್ಕಿಳಿಯಲಿದ್ದಾರೆ ಅನ್ನೋ ಪ್ರಶ್ನೆ ಅಭಿಮಾನಿಗಳ ತಲೆಯಲ್ಲಿ ಗಿರಗಿಟ್ಟಲೇ ಹೊಡೆಯುತ್ತಲೇ ಇದೆ.
ಕೆಲವರು ಮೊಹ್ಮದ್ ಶಮಿ ಅವರೇ ಬುಮ್ರಾ ಸ್ಥಾನವನ್ನು ಭರ್ತಿ ಮಾಡಲು ಸೂಕ್ತ ಬೌಲರ್ ಎಂದು ವಾದಿಸುತ್ತಿದ್ದಾರೆ.
ಇನ್ನೂ ಕೆಲವರು ಆಸ್ಟ್ರೇಲಿಯಾದಲ್ಲಿ ಒಳ್ಳೆಯ ಟ್ರ್ಯಾಕ್ ರೆಕಾರ್ಡ್ ಹೊಂದಿರುವ ಮೊಹ್ಮದ್ ಸಿರಾಜ್ ಗೆ ಅವಕಾಶ ನೀಡಬೇಕು ಎಂದು ಕ್ಯಾಂಪೇನ್ ಮಾಡುತ್ತಿದ್ದಾರೆ.
ಇದು ಮಾತ್ರವಲ್ಲದೇ ಶರ್ದೂಲ್ ಠಾಕೂರ್ ಪರ ಕೂಡ ಕ್ರಿಕೆಟ್ ಅಭಿಮಾನಿಗಳು ಬ್ಯಾಟ್ ಬೀಸುತ್ತಿದ್ದಾರೆ. ಯಾಕೆಂದರೇ ಶರ್ದೂಕ್ ಠಾಕೂರ್ ತಂಡದಲ್ಲಿದ್ದರೇ ಬ್ಯಾಟಿಂಗ್ ಬಲವೂ ಹೆಚ್ಚುತ್ತದೆ ಅನ್ನೋದು ಕ್ರೀಡಾ ವಿಶ್ಲೇಷಕರ ವಾದವಾಗಿದೆ.
