ನವದೆಹಲಿ:ಪಿಎನ್‌ಬಿ ಮತ್ತು ಇತರ ಬ್ಯಾಂಕ್‌ಗಳಿಗೆ 787 ಕೋಟಿ ರೂ. ನಷ್ಟದ ಆರೋಪದಡಿ ಕಾಂಗ್ರೆಸ್ ಹಿರಿಯ ಮುಖಂಡ ಕಮಲ್ ನಾಥ್ ಅವರ ಸೋದರಳಿಯ ರತುಲ್ ಪುರಿಯ ಮನೆಯ ಮೇಲೆ ಸಿಬಿಐ ದಾಳಿ ನಡೆಸಿದೆ.ಸುಮಾರು 7,900 ಕೋಟಿ ರೂ.ಗಳ ಬ್ಯಾಂಕ್ ವಂಚನೆಯಲ್ಲಿ ಭಾಗಿಯಾಗಿದ ಹಿನ್ನಲೆಯಲ್ಲಿ ಎಂದು ಆರೋಪಿಸಿ 2019 ರ ಅಕ್ಟೋಬರ್‌ನಲ್ಲಿ ಜಾರಿ ನಿರ್ದೇಶನಾಲಯ (ಇಡಿ) ಪುರಿ ವಿರುದ್ಧ ಚಾರ್ಜ್‌ಶೀಟ್ ಸಲ್ಲಿಸಿತ್ತು.ಇದರಲ್ಲಿ ಪಂಜಾಬ್ ನ್ಯಾಷನಲ್ ಬ್ಯಾಂಕ್ (ಪಿಎನ್‌ಬಿ) ಮತ್ತು ಇತರ ಬ್ಯಾಂಕುಗಳ ಒಕ್ಕೂಟಕ್ಕೆ 787.25 ಕೋಟಿ ರೂ ವಂಚಿಸಿದ್ದು ಸೇರಿತ್ತು .
ಏನಿದು ಪ್ರಕರಣ:
2012 ರವರೆಗೆ ಪುರಿ ಕಾರ್ಯನಿರ್ವಾಹಕ ನಿರ್ದೇಶಕರಾಗಿದ್ದ ಮೋಸರ್ ಬೇರ್ ಕಂಪನಿಯ ವಿರುದ್ಧ ಪಿಎನ್‌ಬಿಯಿಂದ ಬಂದ ದೂರಿನ ಮೇರೆಗೆ ಪ್ರಕರಣ ದಾಖಲಾಗಿತ್ತು. ದೂರಿನಲ್ಲಿ ಇತರ ನಿರ್ದೇಶಕರು ಸೇರಿದಂತೆ, ಕೆಲವು ಅಪರಿಚಿತ ವ್ಯಕ್ತಿಗಳು ಮತ್ತು ಬ್ಯಾಂಕ್ ಅಧಿಕಾರಿಗಳನ್ನೂ ಪಿಎನ್‌ಬಿ ಹೆಸರಿಸಿತ್ತು ..
ಇದು ಪುರಿ ವಿರುದ್ಧಸಿಬಿಐ ದಾಖಲಿಸಿದ ಎರಡನೆಯ ಎಫ್ಐಆರ್. ಈ ಹಿಂದೆ 2019 ರ ಆಗಸ್ಟ್‌ನಲ್ಲಿ 354 ಕೋಟಿ ರೂ. ಸೆಂಟ್ರಲ್ ಬ್ಯಾಂಕ್ ವಂಚನೆ ಪ್ರಕರಣ ದಾಖಲಾಗಿತ್ತು. ಸೆಂಟ್ರಲ್ ಬ್ಯಾಂಕ್ ತನ್ನ ದೂರಿನಲ್ಲಿ, ಮೋಸರ್ ಬೇರ್ 2009 ರಿಂದ ವಿವಿಧ ಬ್ಯಾಂಕುಗಳಿಂದ ಸಾಲ ತೆಗೆದುಕೊಳ್ಳುತ್ತಿದ್ದಾನೆ ಮತ್ತು ಸಾಲ ಪುನರ್ರಚನೆಗೆ ಹಲವಾರು ಬಾರಿ ಹೋಗಿದ್ದ. ಸಾಲವನ್ನು ಪಾವತಿಸಲು ಸಾಧ್ಯವಾಗದಿದ್ದಾಗ, ವಿಧಿವಿಜ್ಞಾನದ ಲೆಕ್ಕಪರಿಶೋಧನೆ ನಡೆಸಲಾಯಿತು ಮತ್ತು ಖಾತೆಯನ್ನು ಏಪ್ರಿಲ್ 20, 2019 ರಂದು ಬ್ಯಾಂಕ್ “ವಂಚನೆ” ಎಂದು ಘೋಷಿಸಿತು ಎಂದು ಆರೋಪಿಸಿದೆ.
ಸರಿ ಸುಮಾರು 7,900 ಕೋಟಿ ರೂ.ಗಳ ಬ್ಯಾಂಕ್ ವಂಚನೆಯಲ್ಲಿ ಭಾಗಿಯಾಗಿದ್ದಾನೆ ಎಂದು ಆರೋಪಿಸಿ 2019 ರ ಅಕ್ಟೋಬರ್‌ನಲ್ಲಿ ಜಾರಿ ನಿರ್ದೇಶನಾಲಯ (ಇಡಿ) ಪುರಿ ವಿರುದ್ಧ ಚಾರ್ಜ್‌ಶೀಟ್ ಸಲ್ಲಿಸಿತ್ತು.
ವಿದೇಶದಲ್ಲಿ ರಜಾದಿನಗಳು, ಖಾಸಗಿ ಜೆಟ್‌ಗಳಲ್ಲಿ ಪ್ರಯಾಣಿಸುವುದು ಮತ್ತು ರಾತ್ರಿ ಕ್ಲಬ್‌ಗಳಿಗೆ ಭೇಟಿ ನೀಡುವುದು ಸೇರಿದಂತೆ ಬ್ಯಾಂಕುಗಳ ಹಣದಿಂದ ಪುರಿ ಅದ್ದೂರಿ ಜೀವನಶೈಲಿಯನ್ನು ನಡೆಸುತ್ತಿದ್ದಾನೆ ಎಂದು ಇಡಿ ತನ್ನ ಚಾರ್ಜ್‌ಶೀಟ್‌ನಲ್ಲಿ ಹೇಳಿಕೊಂಡಿತ್ತು.
ಅಗುಸ್ಟಾ ವೆಸ್ಟ್‌ಲ್ಯಾಂಡ್ ಹಗರಣದಲ್ಲೂ ಮನಿ ಲಾಂಡರಿಂಗ್ ತನಿಖೆಯಲ್ಲಿ ಪುರಿ ಪ್ರಮುಖ ಆರೋಪಿ.
