ಕೋವಿಡ್ -19 ಸೋಂಕಿನ ಉಗಮದ ಆರೋಪದಿಂದ ಹೊರಬರಲು ಚೀನಾ ಪ್ರಯತ್ನ – Covid19 origin china
ಬೀಜಿಂಗ್, ಅಕ್ಟೋಬರ್ 11: ಕೋವಿಡ್ -19 ಸೋಂಕಿನ ಉಗಮದ ಕುರಿತಾದ ಆರೋಪದಿಂದ ಸ್ವಚ್ಛವಾಗಿ ಹೊರಬರಲು ಚೀನಾ ಹತಾಶ ಪ್ರಯತ್ನ ನಡೆಸುತ್ತಿದೆ. Covid19 origin china
ಕಳೆದ 8 ತಿಂಗಳಿನಿಂದ ವಿಶ್ವದ ವಿವಿಧ ಭಾಗಗಳಲ್ಲಿ ಕೊರೋನವೈರಸ್ ಭುಗಿಲೆದ್ದಿದೆ.
ಸಾಂಕ್ರಾಮಿಕವಾಗಿ ಹೊರಹೊಮ್ಮುವ ಮೊದಲು ವುಹಾನ್ನಲ್ಲಿ ಮಾರಕ ಸಾಂಕ್ರಾಮಿಕ ರೋಗವು ಹುಟ್ಟಿಕೊಂಡಿತು ಎಂದು ಅಮೆರಿಕವು ಆರೋಪಿಸಿತ್ತು. ಹಾಗೂ ಇದನ್ನು ಇತರ ರಾಷ್ಟ್ರಗಳು ಬೆಂಬಲಿಸಿವೆ .
ಆದರೆ ಚೀನಾ ವುಹಾನ್ನ ಬಯೋ-ಲ್ಯಾಬ್ನಿಂದ ವೈರಸ್ ಹೊರಹೊಮ್ಮಿದೆ ಎಂಬ ಯುಎಸ್ ಆರೋಪವನ್ನು ನಿರಾಕರಿಸಿದೆ. ವಿಶ್ವದ ವಿವಿಧ ಭಾಗಗಳಲ್ಲಿ ಕೋವಿಡ್-19 ಸೋಂಕು ಹೊರಹೊಮ್ಮಿರುವುದನ್ನು ತಾನೇ ಪ್ರಥಮವಾಗಿ ವರದಿ ಮಾಡಿರುವುದು ಎಂದು ಹೇಳಿಕೊಂಡಿದೆ.
ಮಧ್ಯ ಚೀನಾದ ಆರ್ದ್ರ ಮಾರುಕಟ್ಟೆಯಿಂದ ಹೊರಹೊಮ್ಮಿದ ಸೋಂಕು ಮನುಷ್ಯರಿಗೆ ತಗಲುವ ಮೊದಲು ಬಾವಲಿಗಳಲ್ಲಿ ಕಾಣಿಸಿಕೊಂಡಿತ್ತು ಎಂಬ ವಾದವನ್ನು ಚೀನಾ ತಿರಸ್ಕರಿಸಿದೆ.
ಚೀನಾದ ವಿದೇಶಾಂಗ ಸಚಿವಾಲಯದ ವಕ್ತಾರೆ ಹುವಾ ಚುನೈಂಗ್ ಅವರು ಮಾಧ್ಯಮಗೋಷ್ಠಿಯಲ್ಲಿ ಮಾತನಾಡುತ್ತಾ, ಕೊರೋನವೈರಸ್ ಒಂದು ಹೊಸ ರೀತಿಯ ವೈರಸ್ ಆಗಿದ್ದು, ವರದಿಗಳು ಬಹಿರಂಗಗೊಳ್ಳುತ್ತಿದ್ದಂತೆ ಹೆಚ್ಚು ಹೆಚ್ಚು ಸಂಗತಿಗಳು ಹೊರಹೊಮ್ಮುತ್ತಿದೆ.
ಹೋಂ ಕ್ವಾರಂಟೈನ್ ಗೆ ಒಳಪಟ್ಟವರಿಗೆ ಇಲ್ಲಿದೆ ವೈದ್ಯರ ಸಲಹೆ
ಕಳೆದ ವರ್ಷದ ಕೊನೆಯಲ್ಲಿ ವಿಶ್ವದ ವಿವಿಧ ಸ್ಥಳಗಳಲ್ಲಿ ಸಾಂಕ್ರಾಮಿಕ ರೋಗವು ಭುಗಿಲೆದ್ದಿದೆ ಎಂದು ನಮಗೆಲ್ಲರಿಗೂ ತಿಳಿದಿದೆ.
ಆದರೆ ವೈರಸ್ ಸೋಂಕನ್ನು ಗುರುತಿಸಿ ಈ ಬಗ್ಗೆ ಪ್ರಪಂಚದೊಂದಿಗೆ ಹಂಚಿಕೊಂಡು ವರದಿ ಮಾಡಿದವರಲ್ಲಿ ಚೀನಾ ಮೊದಲಿಗರಾಗಿದ್ದಾರೆ ಎಂದು ಹೇಳಿದ್ದಾರೆ.
ಆಡಳಿತಾರೂಢ ಕಮ್ಯುನಿಸ್ಟ್ ಪಾರ್ಟಿ ಆಫ್ ಚೀನಾ (ಸಿಪಿಸಿ) ಸೋಂಕಿನ ವಿಷಯವನ್ನು ಮುಚ್ಚಿಹಾಕಿದೆ ಎಂಬ ಯುಎಸ್ ವಿದೇಶಾಂಗ ಕಾರ್ಯದರ್ಶಿ ಮೈಕ್ ಪೊಂಪಿಯೊ ಅವರ ಆರೋಪಗಳಿಗೆ ಹುವಾ ಅವರು ಈ ರೀತಿ ಪ್ರತಿಕ್ರಿಯೆ ವ್ಯಕ್ತಪಡಿಸಿದ್ದಾರೆ.
ದೇಶದಲ್ಲಿ ಸುಮಾರು 93,500 ಡಾಟಾ ಸೈಂಟಿಸ್ಟ್ ಉದ್ಯೋಗವಕಾಶಗಳು
ಚೀನಾದ ಕಮ್ಯುನಿಸ್ಟ್ ಪಕ್ಷದ ಮುಚ್ಚಿಡುವಿಕೆಯಿಂದ ಕೊರೋನವೈರಸ್ ಬಿಕ್ಕಟ್ಟು ವಿಕೋಪಕ್ಕೆ ತಿರುಗಿತು ಎಂದು ಪೊಂಪಿಯೊ ಟೋಕಿಯೊದಲ್ಲಿ ಮಂಗಳವಾರ ಯುಎಸ್, ಭಾರತ, ಆಸ್ಟ್ರೇಲಿಯಾ ಮತ್ತು ಜಪಾನ್ನ ಕ್ವಾಡ್ ಮಂತ್ರಿ ಸಭೆಯಲ್ಲಿ ಹೇಳಿದ್ದಾರೆ.
ಮಾರಣಾಂತಿಕ ವೈರಸ್ ನ ಮೂಲವನ್ನು ತನಿಖೆ ಮಾಡಲು ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯುಎಚ್ಒ) ಸಜ್ಜಾಗುತ್ತಿರುವುದರಿಂದ ಚೀನಾದ ವಿದೇಶಾಂಗ ಸಚಿವಾಲಯ ಈ ಹೇಳಿಕೆ ನೀಡಲಾಗಿದೆ.
ಜಾನ್ಸ್ ಹಾಪ್ಕಿನ್ಸ್ ಕೊರೊನಾವೈರಸ್ ಸಂಪನ್ಮೂಲ ಕೇಂದ್ರದ ಪ್ರಕಾರ, 36 ದಶಲಕ್ಷಕ್ಕೂ ಹೆಚ್ಚು ಜನರಿಗೆ ಕೊರೋನವೈರಸ್ ಸೋಂಕು ತಗುಲಿದೆ ಮತ್ತು ವಿಶ್ವದಾದ್ಯಂತ 1 ಮಿಲಿಯನ್ಗಿಂತಲೂ ಹೆಚ್ಚು ಜನರನ್ನು
ಬಲಿ ಪಡೆದಿದೆ.
ಅಮೆರಿಕ ಅತಿ ಹೆಚ್ಚು ಪೀಡಿತ ದೇಶವಾಗಿದ್ದು, 7.6 ದಶಲಕ್ಷಕ್ಕೂ ಹೆಚ್ಚು ಪ್ರಕರಣಗಳು ಮತ್ತು 2,12,000 ಕ್ಕೂ ಹೆಚ್ಚು ಸಾವುಗಳು ಸಂಭವಿಸಿವೆ.
ಪಾಪಿ ಪಾಕ್ ಗೆ ಯುದ್ಧ ವಿಮಾನಗಳ ರಹಸ್ಯ ಮಾಹಿತಿ ಒದಗಿಸುತ್ತಿದ್ದ ಎಚ್ಎಎಲ್ ಉದ್ಯೋಗಿ ಬಂಧನ
ಕೋವಿಡ್ -19 ಕಾರಣದಿಂದಾಗಿ ಚೀನಾದಲ್ಲಿ 90,736 ಪ್ರಕರಣಗಳು ಮತ್ತು 4,739 ಸಾವುಗಳನ್ನು ವರದಿಯಾಗಿತ್ತು.
ಕೊರೋನವೈರಸ್ ಮೂಲದ ಬಗ್ಗೆ ತನಿಖೆ ನಡೆಸಲು ಚೀನಾಕ್ಕೆ ಕಳುಹಿಸಬೇಕಾದ ಜಾಗತಿಕ ತಜ್ಞರ ಪಟ್ಟಿಯನ್ನು ಡಬ್ಲ್ಯುಎಚ್ಒ ಚೀನಾ ಗೆ ನೀಡಿದೆ ಎಂದು ಹಾಂಗ್ ಕಾಂಗ್ ಮೂಲದ ಸೌತ್ ಚೀನಾ ಮಾರ್ನಿಂಗ್ ಪೋಸ್ಟ್ ಗುರುವಾರ ವರದಿ ಮಾಡಿದೆ. ಡಬ್ಲ್ಯುಎಚ್ಒ ಚೀನಾ ದ ಅನುಮೋದನೆಗಾಗಿ ಕಾಯುತ್ತಿದೆ.
ಶಾಲೆ ಪುನರಾರಂಭ : ರಾಜ್ಯವಾರು ನಿರ್ಧಾರಗಳ ಮಾಹಿತಿ ಇಲ್ಲಿದೆ
ಮೇ ತಿಂಗಳಲ್ಲಿ, ಪ್ರಸ್ತುತ ಭಾರತದ ನೇತೃತ್ವದ ಜಿನೀವಾ ಮೂಲದ ಡಬ್ಲ್ಯುಎಚ್ಒ ನಿರ್ಧಾರ ತೆಗೆದುಕೊಳ್ಳುವ ವಿಶ್ವ ಆರೋಗ್ಯ ಅಸೆಂಬ್ಲಿಯ (ಡಬ್ಲ್ಯುಎಚ್ಎ) ವಾರ್ಷಿಕ ಸಭೆ ವೈರಸ್ನ ಉಗಮವನ್ನು ತನಿಖೆ ಮಾಡಲು ಸರ್ವಾನುಮತದ ನಿರ್ಣಯವನ್ನು ಅಂಗೀಕರಿಸಿತು. ಚೀನಾ ಕೂಡ ಈ ನಿರ್ಣಯವನ್ನು ಬೆಂಬಲಿಸಿತು.
ಸೋಂಕು ಮರೆಮಾಚುವಿಕೆಯ ಪೊಂಪಿಯೊ ಅವರ ಆರೋಪವನ್ನು ನಿರಾಕರಿಸಿರುವ ಹುವಾ, ಚೀನಾದ ವಿಜ್ಞಾನಿಗಳು ಜನವರಿ 19 ರಂದು ಕೊರೋನವೈರಸ್ ವ್ಯಕ್ತಿಯಿಂದ ವ್ಯಕ್ತಿಗೆ ಹರಡುವಿಕೆಯನ್ನು ಮೊದಲು ಗುರುತಿಸಿದ್ದಾರೆ ಎಂದು ಹೇಳಿದರು.
ಸಮಗ್ರ ಸಂಶೋಧನೆ ಮತ್ತು ತನಿಖೆಯ ನಂತರ, ಚೀನಾ ಈ ನಿರ್ಧಾರವನ್ನು ತ್ವರಿತವಾಗಿ ತೆಗೆದುಕೊಂಡಿತು. ಜೊತೆಗೆ ವುಹಾನ್ ನಗರವನ್ನು ಹೊರಗಿನ ಪ್ರಪಂಚಕ್ಕೆ ಮುಚ್ಚಿತು ಮತ್ತು ವುಹಾನ್ ನಗರ ಮತ್ತು ಹುಬೈ ಪ್ರಾಂತ್ಯವನ್ನು ಪ್ರತ್ಯೇಕಿಸುವಲ್ಲಿ ಅತ್ಯಂತ ಕಠಿಣ ಕ್ರಮಗಳನ್ನು ತೆಗೆದುಕೊಂಡಿತು ಎಂದು ಹುವಾ ಹೇಳಿದ್ದಾರೆ.
ಜನವರಿ 23 ರಂದು ಚೀನಾ ವುಹಾನ್ ನಲ್ಲಿ ಲಾಕ್ಡೌನ್ ಘೋಷಿಸಿದಾಗ, ಚೀನಾದ ಹೊರಗೆ ಕೇವಲ ಒಂಬತ್ತು ಪ್ರಕರಣಗಳು ದೃಢ ಪಟ್ಟಿದ್ದವು ಮತ್ತು ಯುಎಸ್ ನಲ್ಲಿ ಕೇವಲ ಒಂದು ಪ್ರಕರಣಗಳಿದ್ದವು.
ಉತ್ತಮ ವೈದ್ಯಕೀಯ ಸಂಪನ್ಮೂಲಗಳನ್ನು ಹೊಂದಿರುವ ಅತ್ಯಂತ ಶಕ್ತಿಶಾಲಿ ದೇಶ ಯುಎಸ್ ಈ ವೈರಸ್ ಅನ್ನು ಏಕೆ ಬೇಗನೆ ಪತ್ತೆ ಮಾಡಿಲ್ಲ ? ಜನರನ್ನು ಪರೀಕ್ಷಿಸಲು ತ್ವರಿತ ಕ್ರಮಗಳನ್ನು ಏಕೆ ತೆಗೆದುಕೊಳ್ಳಲಿಲ್ಲ ಮತ್ತು ಈ ವೈರಸ್ ಹರಡುವುದನ್ನು ತಡೆಯಲು ಮತ್ತು ನಿಯಂತ್ರಿಸಲು ಏಕೆ ಸಾಧ್ಯವಾಗಲಿಲ್ಲ ಎಂದು ಹುವಾ ಪ್ರಶ್ನಿಸಿದ್ದಾರೆ.
Our Website : https://saakshatv.com/
Subscribe Now on YouTube
Like us on Facebook
Follow us on Twitter
Follow us on Instagram
Subscribe to our Telegram Channel
ಟ್ವಿಟರ್ ಮೂಲಕ ನಮ್ಮ ಸುದ್ದಿಗಳ ಅಪ್ ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ
https://twitter.com/SaakshaTv/
