ಕೊರೋನಾ ಲಸಿಕೆ – ಕ್ಲಿನಿಕಲ್ ಪ್ರಯೋಗದ ಅಂತಿಮ ಹಂತ ಪ್ರವೇಶಿಸಿದ ಸಿನೊಫಾರ್ಮ್
ದುಬೈ, ಜುಲೈ 17: ಚೀನಾದ ಸರ್ಕಾರಿ ಸ್ವಾಮ್ಯದ ಔಷಧೀಯ ಕಂಪನಿ ಸಿನೊಫಾರ್ಮ್ ಅಭಿವೃದ್ಧಿಪಡಿಸಿದ ಸಂಭಾವ್ಯ ಕರೋನವೈರಸ್ ಲಸಿಕೆಯು ಅಬುಧಾಬಿಯ ಎಮಿರೇಟ್ನಲ್ಲಿ ಅಂತಿಮ ಹಂತ 3 ಕ್ಲಿನಿಕಲ್ ಪ್ರಯೋಗ ಹಂತವನ್ನು ಪ್ರವೇಶಿಸಿದೆ. ಅಬುಧಾಬಿ ಮೂಲದ ಜಿ 42 ಹೆಲ್ತ್ಕೇರ್ ಮತ್ತು ಸಿನೊಫಾರ್ಮ್ನ ಚೀನಾ ನ್ಯಾಷನಲ್ ಬಯೋಟೆಕ್ ಗ್ರೂಪ್ (ಸಿಎನ್ಬಿಜಿ) ನಡುವಿನ ಪಾಲುದಾರಿಕೆಯಾದ ಈ ಅಧ್ಯಯನವು ಕೋವಿಡ್ -19 ವೈರಸ್ ನಿಷ್ಕ್ರಿಯಗೊಳಿಸುವ ಲಸಿಕೆಯ ವಿಶ್ವದ ಮೊದಲ ಹಂತ 3 ಪ್ರಯೋಗವಾಗಿದೆ.
ನಿಷ್ಕ್ರಿಯಗೊಳಿಸುವ ಲಸಿಕೆಗಳನ್ನು, ವೈರಸ್ ಅಥವಾ ಬ್ಯಾಕ್ಟೀರಿಯಾವನ್ನು ಬಳಸಿ ತಯಾರಿಸಲಾಗುತ್ತದೆ, ಇದನ್ನು ಲಸಿಕೆಯಲ್ಲಿ ಸೇರಿಸುವ ಮೊದಲು ದುರ್ಬಲಗೊಳಿಸಲಾಗುತ್ತದೆ. ನಿಷ್ಕ್ರಿಯ ಲಸಿಕೆಗಳನ್ನು ಇನ್ಫ್ಲುಯೆನ್ಸ್ ಮತ್ತು ದಡಾರದಂತಹ ರೋಗಗಳ ವಿರುದ್ಧ ಕೂಡ ಬಳಸಲಾಗುತ್ತದೆ.
ಬುಧವಾರ ಪ್ರಾರಂಭವಾದ ಈ ಪ್ರಯೋಗವು 42 ದಿನಗಳ ಕಾಲ ನಡೆಯಲಿದೆ. ಅಬುಧಾಬಿ ಸರ್ಕಾರಿ ಮಾಧ್ಯಮ ಕಚೇರಿಯ ಪ್ರಕಾರ, ಅಬುಧಾಬಿ ನಗರದಲ್ಲಿ ವಾಸಿಸುವ 18 ರಿಂದ 60 ವರ್ಷ ವಯಸ್ಸಿನ ಸ್ವಯಂಸೇವಕರ ಮೇಲೆ ಲಸಿಕೆಯನ್ನು ಪರೀಕ್ಷಿಸಲಾಗುವುದು ಎಂದು ಹೇಳಲಾಗಿದೆ.
ಚೀನಾದಲ್ಲಿ ಸಿನೋಫಾರ್ಮ್ ನಡೆಸಿದ ಹಂತ 1 ಮತ್ತು 2 ಪ್ರಯೋಗಗಳಲ್ಲಿ ಲಸಿಕೆಯು ಭರವಸೆಯ ಫಲಿತಾಂಶಗಳನ್ನು ತೋರಿಸಿದೆ. ಪ್ರಯೋಗಗಳ ಫಲಿತಾಂಶವು ಲಸಿಕೆಯು, 28 ದಿನಗಳಲ್ಲಿ ಎರಡು ಪ್ರಮಾಣಗಳ ನಂತರ ಶೇಕಡಾ 100 ರಷ್ಟು ಸ್ವಯಂಸೇವಕರಲ್ಲಿ ಪ್ರತಿಕಾಯಗಳನ್ನು ಉತ್ಪಾದಿಸುತ್ತದೆ ಎಂದು ತೋರಿಸಿದೆ.
ಜೂನ್ ಅಂತ್ಯದಲ್ಲಿ ಪ್ರಯೋಗಕ್ಕೆ ಅನುಮೋದನೆ ಪಡೆದ ಸಿನೊಫಾರ್ಮ್, ವಿಶೇಷ ಸಂದರ್ಶನವೊಂದರಲ್ಲಿ ತನ್ನ ಕೋವಿಡ್-19 ಲಸಿಕೆಯು ಪರಿಚಿತವಾಗಿರುವ ಎಲ್ಲಾ ಪರಿಧಿಯ ಕೊರೊನಾವೈರಸ್ ವಿರುದ್ಧ ಪರಿಣಾಮಕಾರಿಯಾಗಿದೆ ಎಂದು ತಿಳಿಸಿದೆ.
ಆರ್ & ಡಿ ಪ್ರಕ್ರಿಯೆಯ ಅಡಿಯಲ್ಲಿ ಲಸಿಕೆ ವೈರಸ್ ರೂಪಾಂತರಗೊಳ್ಳುವುದರಿಂದ ಅದು ಪರಿಣಾಮಕಾರಿಯಾಗುವುದಿಲ್ಲ ಎಂಬ ಸಾರ್ವಜನಿಕ ಕಳವಳಗಳಿಗೆ ಪ್ರತಿಕ್ರಿಯಿಸಿದ ಚೀನಾ ನ್ಯಾಷನಲ್ ಫಾರ್ಮಾಸ್ಯುಟಿಕಲ್ ಗ್ರೂಪ್ (ಸಿನೊಫಾರ್ಮ್) ನ ಅಧ್ಯಕ್ಷ ಯಾಂಗ್ ಕ್ಸಿಯಾಮಿಂಗ್, ನಾವು ಅಭಿವೃದ್ಧಿಪಡಿಸಿದ ಲಸಿಕೆ ಬೀಜಿಂಗ್ ನ ಕ್ಸಿನ್ಫಾಡಿ ಮಾರುಕಟ್ಟೆಯಲ್ಲಿ ಪತ್ತೆಯಾದ ವೈರಸ್ ತಳಿಗಳು ಸೇರಿದಂತೆ ಇದುವರೆಗೆ ಪತ್ತೆಯಾದ ಕೊರೋನವೈರಸ್ನ ಎಲ್ಲಾ ತಳಿಗಳನ್ನು ನಿಷ್ಕ್ರಿಯಗೊಳಿಸಬಲ್ಲದು ಎಂದು ಹೇಳಿದ್ದಾರೆ.
ಇಲ್ಲಿಯವರೆಗೆ, ಯಾವುದೇ ಕೊರೋನವೈರಸ್ ಲಸಿಕೆಯನ್ನು ಸಾರ್ವಜನಿಕ ಬಳಕೆಗೆ ಅನುಮೋದಿಸಲಾಗಿಲ್ಲ. ಡಬ್ಲ್ಯೂ. ಎಚ್.ಒ ಪ್ರಕಾರ, ಕನಿಷ್ಠ 23 ಸಂಭಾವ್ಯ ಕೋವಿಡ್-19 ಲಸಿಕೆಗಳು ಮಾನವ ಪ್ರಯೋಗಗಳಲ್ಲಿವೆ, ಮೂರು ಸಂಶೋಧನೆ ಅಂತಿಮ ಹಂತ 3 ಪ್ರಯೋಗಗಳನ್ನು ಪ್ರಾರಂಭಿಸುತ್ತಿದ್ದಾರೆ. ವಿಶ್ವಾದ್ಯಂತ, ಕನಿಷ್ಠ 584,355 ಜನರು ಇಲ್ಲಿಯವರೆಗೆ ಕೊರೋನವೈರಸ್ ಸೋಂಕಿಗೆ ಬಲಿಯಾಗಿದ್ದರೆ, 196 ದೇಶಗಳು ಮತ್ತು ಪ್ರಾಂತ್ಯಗಳಲ್ಲಿ 13,582,690 ಪ್ರಕರಣಗಳು ದಾಖಲಾಗಿವೆ