Cough Syrup Deaths: WHO ನಿಂದ ಹೆಚ್ಚಿನ ಮಾಹಿತಿ ಕೇಳಿದ ಭಾರತ…
ಗ್ಯಾಂಬಿಯಾದಲ್ಲಿ 69 ಮಕ್ಕಳ ಸಾವಿನ ನಂತರ ಭಾರತೀಯ ಕೆಮ್ಮಿನ ಸಿರಪ್ ತಯಾರಕರನ್ನ ತನಿಖೆಗೆ ಒಳಪಡಿಸಲಾಗಿದೆ. ಈ ನಿಟ್ಟಿನಲ್ಲಿ ಭಾರತ ಸರ್ಕಾರ ವಿಶ್ವ ಆರೋಗ್ಯ ಸಂಸ್ಥೆಗೆ (WHO) ಪತ್ರವನ್ನ ಬರೆದಿದೆ, ಅದರಲ್ಲಿ ಒದಗಿಸಿರುವ ಮಾಹಿತಿ ಪ್ರಕಾರ ರೋಗದ ಕಾರಣವನ್ನು ಕಂಡುಹಿಡಿಯಲು ಸಾಕಾಗುವುದಿಲ್ಲ. ಇಂತಹ ಪರಿಸ್ಥಿತಿಯಲ್ಲಿ ಹೆಚ್ಚಿನ ಕ್ಲಿನಿಕಲ್ ಮಾಹಿತಿಯನ್ನ ಒದಗಿಸುವಂತೆ ಡ್ರಗ್ ಕಂಟ್ರೋಲರ್ ಜನರಲ್ ಆಫ್ ಇಂಡಿಯಾ (ಡಿಸಿಜಿಐ) ಈ ನಿಟ್ಟಿನಲ್ಲಿ ಹೆಚ್ಚಿನ ಮಾಹಿತಿ ಕೇಳಿದೆ.
ಮಕ್ಕಳ ಸಾವಿನ ನಂತರ, WHO ಅಕ್ಟೋಬರ್ 13 ರಂದು ಭಾರತ ಸರ್ಕಾರಕ್ಕೆ ಪತ್ರ ಬರೆದಿದೆ. ಇದರಲ್ಲಿ ಕೆಮ್ಮು ಸಿರಪ್ ತಯಾರಕ ಮೇಡನ್ ಫಾರ್ಮಾಸ್ಯುಟಿಕಲ್ಸ್ ವಿರುದ್ಧ ಈವರೆಗೆ ಕೈಗೊಂಡಿರುವ ಕ್ರಮದ ಬಗ್ಗೆ ಮಾಹಿತಿ ನೀಡುವಂತೆ ಕೋರಿದ್ದರು.
ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯದ ತಾಂತ್ರಿಕ ತಜ್ಞರ ಸಮಿತಿಯು ಈ ಬಗ್ಗೆ ವಿಚಾರಣೆ ನಡೆಸಿದೆ ಎಂದು ಭಾರತದ ಡ್ರಗ್ ಕಂಟ್ರೋಲರ್ ಜನರಲ್ (ಡಿಜಿಸಿಐ) ಡಬ್ಲ್ಯುಎಚ್‌ಒಗೆ ಬರೆದ ಪತ್ರದಲ್ಲಿ ತಿಳಿಸಿದ್ದಾರೆ. WHO ಈವರೆಗೆ ಹಂಚಿಕೊಂಡ ವೈದ್ಯಕೀಯ ಮಾಹಿತಿಯು ಎಟಿಯಾಲಜಿಯನ್ನು ನಿರ್ಧರಿಸಲು ಸಾಕಾಗುವುದಿಲ್ಲ ಎಂದು ಮೊದಲ ಸಭೆಯು ಬಹಿರಂಗಪಡಿಸಿತು.
ರೋಗದ ವಿವರಣೆ, ಚಿಹ್ನೆಗಳು ಮತ್ತು ರೋಗಲಕ್ಷಣಗಳು, ಪ್ರಯೋಗಾಲಯಗಳಲ್ಲಿ ಮಾಡಿದ ಪರೀಕ್ಷೆಗಳ ಫಲಿತಾಂಶಗಳು, ರೋಗಿಗಳ ಕ್ಲಿನಿಕಲ್ ಮಾದರಿಗಳು, ಆಸ್ಪತ್ರೆಗೆ ದಾಖಲಾಗುವ ಮೊದಲು ಮತ್ತು ನಂತರ ರೋಗಿಗಳಿಗೆ ನೀಡಿದ ಚಿಕಿತ್ಸೆ, ಔಷಧಿಗಳು, ಅವುಗಳ ತಯಾರಕರು ಮತ್ತು ಮುಕ್ತಾಯದ ಮಾಹಿತಿಯ ಅಗತ್ಯವಿದೆ ಎಂದು ಭಾರತ ಸರ್ಕಾರದಿಂದ ಹೇಳಲಾಗಿದೆ.
ಈ ನಿಟ್ಟಿನಲ್ಲಿ, ಮಕ್ಕಳ ಶವಪರೀಕ್ಷೆ ವರದಿಗಳು, ಸ್ಟೂಲ್ ಮಾದರಿಗಳು ಮುಂತಾದ ಇತರ ಜೈವಿಕ ಮಾದರಿಗಳ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ನೀಡುವಂತೆ DCGI WHO ಅನ್ನು ಕೇಳಿದೆ. ಇದರೊಂದಿಗೆ ಮಾದರಿಗಳನ್ನು ಪರೀಕ್ಷಿಸಲು ಅಳವಡಿಸಿಕೊಂಡಿರುವ ಪರೀಕ್ಷಾ ವಿಧಾನದ ವಿವರಗಳನ್ನೂ ಪತ್ರದಲ್ಲಿ ಕೋರಲಾಗಿದೆ.
WHO ಅಕ್ಟೋಬರ್ 5 ರಂದು ತನ್ನ ಬ್ರೀಫಿಂಗ್‌ನಲ್ಲಿ ನಾಲ್ಕು ಕೆಮ್ಮಿನ ಸಿರಪ್‌ಗಳ ಬಗ್ಗೆ ಎಚ್ಚರಿಕೆಗಳನ್ನು ನೀಡಿತ್ತು – ಪ್ರೊಮೆಥಾಜಿನ್ ಓರಲ್ ಸೊಲ್ಯೂಷನ್, ಕೋಫಾಕ್ಸ್‌ಮಾಲಿನ್ ಬೇಬಿ ಕೆಮ್ಮಿನ ಸಿರಪ್, ಮ್ಯಾಕೋಫ್ ಬೇಬಿ ಕೆಮ್ಮಿನ ಸಿರಪ್ ಮತ್ತು ಮ್ಯಾಗ್ರಿಪ್ ಎನ್ ಕೋಲ್ಡ್ ಸಿರಪ್. ಈ ಎಲ್ಲಾ ಕೆಮ್ಮಿನ ಸಿರಪ್‌ಗಳನ್ನು ಮೇಡನ್ ಫಾರ್ಮಾಸ್ಯುಟಿಕಲ್ಸ್ ತಯಾರಿಸಿದೆ.
Cough Syrup Deaths : India seeks more information from WHO…
