ಕೋವಿಡ್ ಕೇರ್ : ಕೊರೊನಾ ಮತ್ತು ಟೂತ್ ಬ್ರಷ್
ಬೆಂಗಳೂರು : ನಾವು ಬಳಸುವ ಟೂತ್ ಬ್ರಷ್ ಗಳು ಕೋವಿಡ್ ವಾಹಕಗಳಾಗಿ ಮಾರ್ಪಡುತ್ತವಾ..? ಕೋವಿಡ್ ಸೋಂಕಿಗೆ ಒಳಗಾಗಿದ್ದಾಗ ಬಳಸಿದ ಬ್ರಷ್ ಗಳನ್ನ ಸೋಂಕಿನಿಂದ ಚೇತರಿಸಿಕೊಂಡ ಬಳಿಕ ಬಳಸಿದ್ರೆ ಅಪಾಯವೇ..? ದಿನಂಪ್ರತಿ ಬಳಸುವ ಬ್ರಷ್ ಗಳಿಂದ ತೊಂದರೇ ಇದಿಯೇ..? ಈ ಪ್ರಶ್ನೆಗಳಿಗೆ ದಂತವೈದ್ಯರು ಹೌದೆನ್ನುತ್ತಿದ್ದಾರೆ.
ಬ್ರೆಜಿಲ್ ಸಂಶೋಧಕರು ನಡೆಸಿದ ಅಧ್ಯಯನದಲ್ಲಿ ಈ ವಿಷಯ ತಿಳಿದುಬಂದಿದೆ. ಇದನ್ನು ಬ್ರೆಜಿಲಿಯನ್ ಜರ್ನಲ್ ಆಫ್ ಇನ್ಫಕ್ಷಿಯಸ್ ಸಿಜೆಸ್ ಪ್ರಕಟಿಸಿದೆ. ಈ ನೇಪಥ್ಯದಲ್ಲಿ ದಂತ ವೈದ್ಯರು ಕೆಲವೊಂದು ಮುನ್ನೆಚ್ಚರಿಕಾ ಕ್ರಮಗಳನ್ನು ಸೂಚಿಸಿದ್ದಾರೆ.
ಒಂದು ಸಾರಿ ಕೋವಿಡ್ ನಿಂದ ಚೇತರಿಸಿಕೊಂಡ ಬಳಿಕ ಮತ್ತೆ ಸೋಂಕಿಗೆ ಒಳಗಾಗುವ ಕೇಸ್ ಗಳಲ್ಲಿ ಬ್ರಶ್ ಗಳ ಪಾತ್ರ ಕೂಡ ಎಂದು ಸಂಶೋಧಕರು ತಿಳಿಸಿದ್ದಾರೆ.
ಕೊರೊನಾ ವೈರಸ್ ಬ್ರಷ್ ಗಳ ಮೇಲೆ ಕನಿಷ್ಠ 72 ಗಂಟೆಗಳ ಕಾಲ ಜೀವಂತವಾಗಿರುತ್ತದೆ. ಆದ್ದರಿಂದ, ಕೋವಿಡ್ ಸೋಂಕಿಗೆ ಒಳಗಾದಾಗ ಬಳಸಿದ ಬ್ರಷ್ ಗಳನ್ನೇ ಸೋಂಕಿನಿಂದ ಚೇತರಿಸಿಕೊಂಡ ಬಳಿಕ ಬಳಸುವುದರಿಂದ ಕೊವಿಡ್ ವಕ್ಕರಿಸುವ ಸಾಧ್ಯತೆಗಳಿವೆ ಎಂದು ಅಧ್ಯಯನದಲ್ಲಿ ತಿಳಿದುಬಂದಿದೆ.
ಇದನ್ನು ಗಮನದಲ್ಲಿಟ್ಟುಕೊಂಡು, ಕೋವಿಡ್ನಿಂದ ಚೇತರಿಸಿಕೊಂಡವರು ಹಳೆಯ ಟೂತ್ ಬ್ರಷ್ ಮತ್ತು ಟಂಗ್ ಕ್ಲೀನರ್ ಗಳನ್ನು ಬಳಸದೇ ಹೊಸ ಬ್ರಷ್ ಗಳನ್ನು ಬಳಸಿಕೊಳ್ಳಬೇಕು ಎಂದು ದಂತವೈದ್ಯರು ಹೇಳುತ್ತಾರೆ. ಅಲ್ಲದೆ ಕೋವಿಡ್ ರೋಗಿಗಳು ಬಳಸುವ ವಾಷ್ ರೂಮ್ ನಲ್ಲಿ ಕುಟುಂಬದ ಇತರ ಸದಸ್ಯರ ಬ್ರಷ್, ಟಂಗ್ ಕ್ಲೀನರ್, ಟೂತ್ಪೇಸ್ಟ್ ಮತ್ತು ಇತರ ಶೌಚಾಲಯ ವಸ್ತುಗಳು ಇಡಬಾರದೆಂದು ವೈದ್ಯರು ಸೂಚಿಸಿದ್ದಾರೆ.
