ಮೊಬೈಲ್ ಸ್ಕ್ರೀನ್ ಟೆಸ್ಟಿಂಗ್ ಮೂಲಕ ಕೊರೊನಾ ಪರೀಕ್ಷೆ : ಹೇಗೆ ಗೊತ್ತಾ…?
ಲಂಡನ್ : ಮೊಬೈಲ್ಗಳ ಮೂಲಕವೇ ಕೊರೊನಾ ಸೋಂಕು ಪತ್ತೆ ಹಚ್ಚುವ ವಿಧಾನವನ್ನು ಸಂಶೋಧಕರು ಕಂಡುಹಿಡಿದಿದ್ದಾರೆ. ಸ್ಮಾರ್ಟ್ಫೋನ್ ಪರದೆಯಿಂದ, ತ್ವರಿತವಾಗಿ ಫಲಿತಾಂಶ ನೀಡುವ ಕೋವಿಡ್-19 ಪರೀಕ್ಷಾ ಪದ್ದತಿಯನ್ನು ಸಂಶೋಧಕರು ಅಭಿವೃದ್ಧಿಪಡಿಸಿದ್ದಾರೆ.
ಯುನೈಟೆಡ್ ಕಿಂಗಡಮ್ನ ಯುನಿವರ್ಸಿಟಿ ಕಾಲೇಜ್ ಲಂಡನ್ ಸಂಶೋಧಕರು ಈ ಪದ್ದತಿಯನ್ನು ಆವಿಷ್ಕರಿಸಿದ್ದಾರೆ. ಈ ಪದ್ದತಿಯಲ್ಲಿ ನೇರವಾಗಿ ರೋಗಿಗಳಿಂದ ಸ್ವಾಬ್ ಸಂಗ್ರಹಿಸದೇ ಫೋನ್ ಸ್ಕ್ರೀನ್ ಟೆಸ್ಟಿಂಗ್ ವಿಧಾನದ ಮೂಲಕ ಕೋವಿಡ್ ಪರೀಕ್ಷೆ ಮಾಡಬಹುದು ಎನ್ನಲಾಗಿದೆ. ಅಂದರೆ ಫೋನ್ನ ಪರದೆಯಲ್ಲಿ ಸ್ವ್ಯಾಬ್ ಪರೀಕ್ಷೆ ಮಾಡಬಹುದು.
ಫೋನ್ ಸ್ಕ್ರೀನ್ ಟೆಸ್ಟಿಂಗ್ ಒಂದು ನಿಮಿಷಕ್ಕಿಂತ ಕಡಿಮೆ ಸಮಯ ತೆಗೆದುಕೊಳ್ಳುತ್ತದೆ. ಹಾಗೂ ವೈದ್ಯಕೀಯ ಸಿಬ್ಬಂದಿಯ ಅಗತ್ಯವಿರುವುದಿಲ್ಲ ಎಂದು ಸಂಶೋಧನಾ ತಂಡ ಸ್ಪಷ್ಟಪಡಿಸಿದೆ. ಪ್ರಾಯೋಗಿಕವಾಗಿ ನೋಡಿದಾಗ ಸಾಮಾನ್ಯ ಆರ್ಟಿಪಿಸಿಆರ್ ಟೆಸ್ಟ್ನಲ್ಲಿ ಪಾಸಿಟಿವ್ ಬಂದವರು ಸಹ ಫೋನ್ ಸ್ಕ್ರೀನ್ ಟೆಸ್ಟಿಂಗ್ನಲ್ಲಿ ಪಾಸಿಟಿವ್ ಬಂದಿದೆ ಎಂದು ತಿಳಿದು ಬಂದಿದೆ.
ಈ ಬಗ್ಗೆ ಲಂಡನ್ನ ಇ-ಲೈಪ್ ಜರ್ನಲ್ನಲ್ಲಿ ವಿವರಿಸಲಾಗಿದೆ. 81 ರಿಂದ 100 ಫೋನ್ಗಳಲ್ಲಿ ಕೋವಿಡ್-19 ವೈರಸ್ ಪತ್ತೆ ಮಾಡಿದ್ದು. ಇದು ಆಯಂಟಿಜೆನ್ ಟೆಸ್ಟ್ನಂತೆ ನಿಖರವಾಗಿದೆ ಎಂದು ತಿಳಿದು ಬಂದಿದೆ. ಫೋನ್ ಸ್ಕ್ರೀನ್ ಟೆಸ್ಟಿಂಗ್ ಒಂದು ನಿಮಿಷಕ್ಕಿಂತ ಕಡಿಮೆ ಸಮಯ ತೆಗೆದುಕೊಳ್ಳುತ್ತದೆ ಮತ್ತು ವೈದ್ಯಕೀಯ ಸಿಬ್ಬಂದಿ ಅಗತ್ಯವಿಲ್ಲ ಎಂದು ಸಂಶೋಧನಾ ತಂಡ ಹೇಳಿದೆ.
