ಕ್ರಿಸ್ಟಿಯಾನೋ ರೊನಾಲ್ಡೊ – ಮೆಸ್ಸಿ ಜೊತೆಯಾಗಿ ಆಡಲ್ಲ..? ಆಡುತ್ತಾರೆ..? ಯಾವುದು ಸತ್ಯ.. ಯಾವುದು ಸುಳ್ಳು..!
ಕ್ರಿಸ್ಟಿಯಾನೊ ರೊನಾಲ್ಡೊ… ಲಿಯೊನಲ್ ಮೆಸ್ಸಿ… ವಿಶ್ವ ಫುಟ್ ಬಾಲ್ ರಂಗದ ಅಪ್ರತಿಮ ಆಟಗಾರರು. ಮೈದಾನಕ್ಕಿಳಿದ್ರೆ ಬದ್ಧ ವೈರಿಗಳಂತೆ ಕಾದಾಟ ನಡೆಸುತ್ತಾರೆ. ಮೈದಾನದ ಹೊರಗಡೆ ಬೆಸ್ಟ್ ಫ್ರೆಂಡ್ಸ್..
ವಿಶ್ವ ಫುಟ್‍ಬಾಲ್ ರಂಗದಲ್ಲಿ ಅಪಾರ ಸಂಖ್ಯೆಯ ಅಭಿಮಾನಿಗಳನ್ನು ಹೊಂದಿರುವ ರೊನಾಲ್ಡೊ ಮತ್ತು ಮೆಸ್ಸಿ ನಡುವೆ ಯಾರು ಶ್ರೇಷ್ಠ ಆಟಗಾರ ಎಂಬುದರ ಬಗ್ಗೆ ಸ್ಪರ್ಧೆ ನಡೆಯುತ್ತಿದೆ. ಈ ಕುರಿತು ಅಭಿಮಾನಿಗಳು ನೆಚ್ಚಿನ ಆಟಗಾರನ ಪರ ಬ್ಯಾಟ್ ಬೀಸುತ್ತಾರೆ. ಇಲ್ಲಿ ಯಾರು ಶ್ರೇಷ್ಟ ಎಂಬ ಪ್ರಶ್ನೆಯಲ್ಲ. ಇಬ್ಬರೂ ಕೂಡ ಅದ್ಭುತ ಹಾಗೂ ಅಪ್ರತಿಮ ಆಟಗಾರರು.
ಇಷ್ಟು ದಿನ ಮೈದಾನದಲ್ಲಿ ಪರಸ್ಪರ ಪ್ರತಿಸ್ಪರ್ಧಿಗಳಂತೆ ಹೋರಾಟ ನಡೆಸುತ್ತಿದ್ದ ಮೆಸ್ಸಿ ಮತ್ತು ರೊನಾಲ್ಡೊ ಈಗ ಜೊತೆಯಾಗಿ ಒಂದೇ ಕ್ಲಬ್ ತಂಡದ ಪರ ಆಡುತ್ತಾರೆ ಎಂಬ ಸುದ್ದಿಯೊಂದು ಹೊರಬಿದ್ದಿದೆ.
ಹೌದು, ಕ್ರಿಸ್ಟಿಯಾನೋ ರೊನಾಲ್ಡೊ ಅವರು ಬಾರ್ಸಿಲೋನಾ ಕ್ಲಬ್ ತಂಡದ ಪರ ಆಡುತ್ತಾರೆ. ಕಳೆದ ಎರಡು ವರ್ಷಗಳಿಂದ ಇಟೆಲಿಯ ಜುವೆಂಟರ್ಸ್ ತಂಡದ ಪರ ಆಡುತ್ತಿರುವ ರೊನಾಲ್ಡೊ ಮುಂದಿನ ದಿನಗಳಲ್ಲಿ ಮೆಸ್ಸಿ ಜೊತೆ ಬಾರ್ಸಿಲೋನಾ ತಂಡದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂಬ ವರದಿಗಳು ಬಂದಿದ್ದವು.
ಕ್ರಿಸ್ಟಿಯಾನೊ ರೊನಾಲ್ಡೊ ಅವರು ಜುವೆಂಟರ್ಸ್ ತಂಡದ ಜೊತೆ 2022ರವರೆಗೆ 90 ಮಿಲಿಯನ್ ಪೌಂಡ್‍ಗೆ ಒಪ್ಪಂದ ಮಾಡಿಕೊಂಡಿದ್ದರು. ಅಂದ್ರೆ ವರ್ಷಕ್ಕೆ 28 ಮಿಲಿಯನ್ ಪೌಂಡ್ ವೇತನವನ್ನು ಪಡೆದುಕೊಂಡಿದ್ದರು. ಇದೀಗ ಜುವೆಂಟರ್ಸ್ ಕ್ಲಬ್ ಅಷ್ಟೊಂದು ದುಬಾರಿ ಮೊತ್ತದ ವೇತನ ನೀಡಲಾಗುತ್ತಿಲ್ಲ ಅಂತ ಬಾರ್ಸಿಲೋನಾ ಕ್ಲಬ್ ತಂಡದ ಜೊತೆ ಮಾತುಕತೆ ನಡೆಸಿದಯಂತೆ.
ಈ ಬಗ್ಗೆ ಯಾವುದು ಕೂಡ ಖಚಿತವಿಲ್ಲ. ಬಾರ್ಸಿಲೋನಾ ಕ್ಲಬ್ ಕೂಡ ಈ ಬಗ್ಗೆ ಸ್ಪಷ್ಟತೆ ನೀಡಿಲ್ಲ. ಆದ್ರೆ ರೊನಾಲ್ಡೊ ಅವರ ಮ್ಯಾನೇಜರ್ ಹೇಳುವುದು ಹೀಗೆ.. ವಿಶ್ವದ ಹಲವು ಕ್ಲಬ್ ತಂಡಗಳು ರೊನಾಲ್ಡೊಗೆ ಆಹ್ವಾನ ನೀಡಿವೆ. ಇದರಲ್ಲಿ ರಿಯಲ್ ಮ್ಯಾಡ್ರಿಡ್ ಕೂಡ ಇದೆ ಎಂದಿದ್ದಾರೆ.
ಆದ್ರೆ ರೊನಾಲ್ಡೊ ಈ ಬಗ್ಗೆ ಏನು ಹೇಳಿಲ್ಲ. ಸದ್ಯಕ್ಕೆ ಫುಟ್ ಬಾಲ್ ಆಟಕ್ಕೆ ಬ್ರೇಕ್ ಕೊಟ್ಟಿದ್ದೇನೆ. ಮುಂದಿನ ದಿನಗಳಲ್ಲಿ ಸೂಕ್ತ ನಿರ್ಧಾರ ತೆಗೆದುಕೊಳ್ಳುತ್ತೇನೆ. ಮತ್ತೆ ನಾನು ಕಮ್ ಬ್ಯಾಕ್ ಮಾಡುತ್ತೇನೆ. ಮುಂದಿನ ದಿನಗಳಲ್ಲಿ ಬದ್ಧತೆಯೊಂದಿಗೆ ಕಾಣಿಸಿಕೊಳ್ಳಲಿದ್ದೇನೆ ಎಂದು ಟ್ವಿಟ್ ಮಾಡಿದ್ದಾರೆ.
ಜುವೆಂಟರ್ಸ್ ಕ್ಲಬ್ ವಿಶ್ವದ ಶ್ರೇಷ್ಠ ಕ್ಲಬ್ ಗಳಲ್ಲಿ ಒಂದಾಗಿದೆ. ಸೀರಿಸ್ ಎ ಟ್ರೋಫಿ ಗೆದ್ದಿರುವುದು ಖುಷಿ ನೀಡಿದೆ. ಅಲ್ಲದೆ ವೈಯಕ್ತಿಕವಾಗಿ 37 ಗೋಲು ಕೂಡ ದಾಖಲಿಸಿದ್ದೇನೆ. ಹಾಗೇ ಫೋರ್ಚ್‍ಗಿಸ್ ತಂಡದ ಪರ 11 ಗೋಲು ದಾಖಲಿಸಿದ್ದೇನೆ. ಅಭಿಮಾನಿಗಳು ಇನ್ನೂ ಹೆಚ್ಚಿನ ಸಾಧನೆ ಮತ್ತು ಪ್ರದರ್ಶನವನ್ನು ಎದುರು ನೋಡುತ್ತಾರೆ. ಅವರ ನಿರೀಕ್ಷೆಗೆ ತಕ್ಕಂತೆ ಆಟವಾಡಬೇಕು ಎಂದು ಕ್ರಿಸ್ಟಿಯಾನೋ ರೊನಾಲ್ಡೊ ಟ್ವಿಟ್ ಮಾಡಿದ್ದಾರೆ.
