Dharwad | ಮಳೆ ನೀರಿನಲ್ಲಿ ಸಿಲುಕಿದ ಬಸ್ – ಸ್ಥಳೀಯರಿಂದ ರಕ್ಷಣೆ
ಧಾರವಾಡ : ಸರ್ಕಾರಿ ಸಾರಿಗೆ ಬಸ್ ಮಳೆಯಿಂದಾಗಿ ನಡುರಸ್ತೆಯಲ್ಲಿಯೇ ಸಿಲುಕಿರುವ ಘಟನೆ ಧಾರವಾಡ ಜಿಲ್ಲೆಯ ಅಣ್ಣಿಗೇರಿ ತಾಲೂಕಿನ ಸಾಸ್ವಿಹಳ್ಳಿ ಗ್ರಾಮದ ಬಳಿ ನಡೆದಿದೆ.
ಜಿಲ್ಲೆಯಲ್ಲಿ ಕಳೆದ ಕೆಲವು ದಿನಗಳಿಂದ ಭಾರಿ ಮಳೆಯಾಗುತ್ತಿದೆ.
ಇದರಿಂದ ಹಳ್ಳಕೊಳ್ಳಗಳು ತುಂಬಿ ಹರಿಯುತ್ತಿದ್ದು, ಸಾಸ್ವಿಹಳ್ಳಿ ಬಳಿ ನಿರ್ಮಿಸಲಾಗಿರುವ ಸೇತುವೆ ಬಳಿ ನೀರು ತುಂಬಿಕೊಂಡಿದೆ.
ಆ ನೀರಿನಲ್ಲಿಯೇ ಬಸ್ ಓಡಿಸಲು ಚಾಲಕ ಮುಂದಾಗಿದ್ದು, ಅರ್ಧದಲ್ಲಿ ಬಸ್ ಸಿಲುಕಿಕೊಂಡಿದೆ.
ಬಸ್ ನಲ್ಲಿ 30ಕ್ಕೂ ಹೆಚ್ಚು ಮಂದಿ ಪ್ರಯಾಣಿಕರಿದ್ದರು ಎಂದು ತಿಳಿದುಬಂದಿದೆ.
ವಿಷಯ ತಿಳಿದು ಸ್ಥಳಕ್ಕೆ ಸ್ಥಳೀಯರು ಆಗಮಿಸಿದ್ದು, ಟ್ರ್ಯಾಕ್ಟರ್ ಮೂಲಕ ಬಸ್ ಅನ್ನು ಮೈದಾನದಲ್ಲಿ ಎಳೆದು ತಂದಿದ್ದಾರೆ.
