ಜಗತ್ತಿಗೆ ಬೆದರಿಕೆ ಒಡ್ಡುತ್ತಿರುವ ಚೀನಾದ ಅತ್ಯಂತ ಶಕ್ತಿಶಾಲಿ ಕ್ಷಿಪಣಿ ಶಕ್ತಿಯೆಷ್ಟು ಗೊತ್ತಾ ?
ಹೊಸದಿಲ್ಲಿ, ಜುಲೈ 27: ಕೊರೋನಾವನ್ನು ಪ್ರಪಂಚದಾದ್ಯಂತ ಹರಡುವ ಮೂಲಕ ಚೀನಾ ಸೂಪರ್ ಪವರ್ ಆಗಲು ಬಯಸಿತ್ತಾ ಎಂಬ ಕುರಿತಾಗಿ ಪರ ವಿರೋಧ ಚರ್ಚೆಗಳು ನಡೆಯುತ್ತಲೇ ಇವೆ. ಚೀನಾ ವಿಶ್ವದ ದೊಡ್ಡಣ್ಣ ಅಮೇರಿಕಾವನ್ನೇ ಕ್ಯಾರೆ ಎನ್ನುತ್ತಿಲ್ಲ. ಇದರಿಂದಾಗಿ ಉಭಯ ದೇಶಗಳ ನಡುವಿನ ಉದ್ವಿಗ್ನತೆ ಹೆಚ್ಚಾಗಿದೆ,
ಇದಕ್ಕೆ ಕಾರಣ ಚೀನಾ ವಿಶ್ವದ ಅತ್ಯಂತ ಶಕ್ತಿಶಾಲಿ ಕ್ಷಿಪಣಿ ಹೊಂದಿರುವುದು. ಇಂದು ನಾವು ಈ ಕ್ಷಿಪಣಿಯ ಬಗ್ಗೆ ತಿಳಿದುಕೊಳ್ಳೋಣ.
ವರದಿಯ ಪ್ರಕಾರ, ಚೀನಾವು ಅತಿ ಉದ್ದದ ಬ್ಯಾಲಿಸ್ಟಿಕ್ ಡಿಎಫ್ -41 (ಡಾಂಗ್‌ಫೆಂಗ್) ಅನ್ನು ಹೊಂದಿದೆ. ಈ ಕ್ಷಿಪಣಿ ಭೂಮಿಯ ಯಾವುದೇ ಮೂಲೆಯನ್ನು ಗುರಿಯಾಗಿಸಬಹುದು. ಈ ಕ್ಷಿಪಣಿಯಿಂದಾಗಿಯೇ ಚೀನಾ ಅಮೆರಿಕ, ಜಪಾನ್, ಆಸ್ಟ್ರೇಲಿಯಾ ಮತ್ತು ಭಾರತಕ್ಕೆ ಸೇರಿದಂತೆ ಹಲವು ರಾಷ್ಟ್ರಗಳಿಗೆ ಬೆದರಿಕೆ ಹಾಕುತ್ತಿದೆ.
ಬ್ಯಾಲಿಸ್ಟಿಕ್ ಡಿಎಫ್ -41 (ಡಾಂಗ್‌ಫೆಂಗ್) ನ ಶಕ್ತಿ ಏನು
1. ಇದು 15 ಸಾವಿರ ಕಿಲೋಮೀಟರ್ ದೂರವನ್ನು ಗುರಿಯಾಗಿಸಿ ಹೊಡೆಯಬಹುದು. ಇಂಟರ್ ಕಾಂಟಿನೆಂಟಲ್ ಬ್ಯಾಲಿಸ್ಟಿಕ್ ನ್ಯೂಕ್ಲಿಯರ್ ಕ್ಷಿಪಣಿ ರಾಡಾರ್ ಅನ್ನು ತಪ್ಪಿಸುವ ಸಾಮರ್ಥ್ಯ ಕೂಡ ಹೊಂದಿದೆ.
2. ಚೀನಾದ ಮಿಲಿಟರಿ ತಜ್ಞರು ಇದನ್ನು ಯುಎಸ್ ಮತ್ತು ರಷ್ಯಾ ತಯಾರಿಸಿದ ಏಳನೇ ತಲೆಮಾರಿನ ಪರಮಾಣು ಕ್ಷಿಪಣಿಗೆ ಸಮ ಎಂದು ಹೇಳುತ್ತಾರೆ . ಇದು ಏಕಕಾಲದಲ್ಲಿ 10 ಪರಮಾಣು ಶಸ್ತ್ರಾಸ್ತ್ರಗಳನ್ನು ಸಾಗಿಸಬಲ್ಲದು.
3. ಇದು ಯುಎಸ್ ನ ಪ್ರಬಲ ಮಿಲಿಟರಿ ರಕ್ಷಣಾ ವ್ಯವಸ್ಥೆಯನ್ನು ಸಹ ಭೇದಿಸಬಹುದು.
4. ಈ ಪರಮಾಣು ಕ್ಷಿಪಣಿ ಏಕಕಾಲದಲ್ಲಿ 10 ಗುರಿಗಳನ್ನು ಹೊಡೆಯಬಲ್ಲದು.
5. ಚೀನಾದ ಕ್ಷಿಪಣಿ 10 ಮ್ಯಾಕ್ ವೇಗದಲ್ಲಿ , ಅಂದರೆ ಗಂಟೆಗೆ 12348 ಕಿಮೀ ವೇಗದಲ್ಲಿ ಹಾರಬಲ್ಲದು.
ವಾಸ್ತವವಾಗಿ, 2019 ರಲ್ಲಿ ಪರೀಕ್ಷೆ ಮತ್ತು ತಾಲೀಮು ಸಮಯದಲ್ಲಿ ಚೀನಾ 100 ಕ್ಕೂ ಹೆಚ್ಚು ಬ್ಯಾಲಿಸ್ಟಿಕ್ ಕ್ಷಿಪಣಿಗಳನ್ನು ಹಾರಿಸಿದೆ ಎಂದು ಯುಎಸ್ ಮಿಲಿಟರಿಗೆ ಸಂಬಂಧಿಸಿದ ಮೂಲಗಳು ತಿಳಿಸಿವೆ. ಈ ಅಂಕಿ ಅಂಶವು ಯುಎಸ್ಎ ಮತ್ತು ರಷ್ಯಾ ಉಡಾವಣೆ ಮಾಡಿದ್ದನ್ನು ಮೀರಿಸಿದೆ. ಆದರೆ ತನ್ನ ಎಲ್ಲಾ ಕ್ಷಿಪಣಿ ವ್ಯವಸ್ಥೆಗಳನ್ನು ಚೀನಾ ಗೌಪ್ಯತೆಯ ಅಡಿಯಲ್ಲಿ ಮುಚ್ಚಿಡುತ್ತಲೇ ಇದೆ.
ಚೀನಾದ ಕ್ಷಿಪಣಿ ಯೋಜನೆ ರಷ್ಯಾದ ಸಹಾಯದಿಂದ 50 ರ ದಶಕದಲ್ಲಿ ಪ್ರಾರಂಭವಾಯಿತು. ಕ್ಷಿಪಣಿಯನ್ನು ಪರೀಕ್ಷಿಸುವ ಪರೀಕ್ಷೆಯು ನಿಯೋಜನೆಗೆ ಸಿದ್ಧವಾಗುವುದಕ್ಕಿಂತ ಸಂಪೂರ್ಣವಾಗಿ ಭಿನ್ನವಾಗಿದೆ ಎಂದು ಕೂಡ ನಾವು ಅರ್ಥಮಾಡಿಕೊಳ್ಳಬೇಕು.
