ಬಾಲಿವುಡ್ ನಟರಷ್ಟೇ ನಟಿಯರಿಗೂ ಬಾಲಿವುಟ್ ನಲ್ಲಿ ಬೇಡಿಕೆ ಇದೆ. ಹೀಗಾಗಿ ಅವರಿಗೂ ಸಂಭಾವನೆ ಭರ್ಜರಿಯಾಗಿಯೇ ಬರುತ್ತಿದೆ. ಈ ಸಾಲಿನಲ್ಲಿ ಈಗ ಹಲವಾರು ನಟಿಯರು ಇದ್ದಾರೆ.
ಸಿನಿಮಾವೊಂದಕ್ಕೆ 100 ಕೋಟಿ ರೂ. ಸಂಭಾವನೆ ಪಡೆಯುತ್ತಿರುವ ನಟರಿದ್ದಾರೆ. ಆದರೆ, ನಾಯಕಿಯರಿಗೆ ಇಷ್ಟು ದೊಡ್ಡ ಸಂಭವಾನೆ ಸಿಗದಿದ್ದರೂ, ಹಲವು ನಟರಿಗಿಂತಲೂ ಹೆಚ್ಚಿನ ಸಂಭಾವನೆಯನ್ನು ಕೆಲವು ನಾಯಕಿಯರು ಪಡೆಯುತ್ತಿದ್ದಾರೆ. ಈ ಸಾಲಿನಲ್ಲಿ ಸದ್ಯ ದೀಪಿಕಾ ಪಡುಕೋಣೆ ಅವರು ಮೊದಲ ಸ್ಥಾನದಲ್ಲಿದ್ದಾರೆ. ಅವರು ಪ್ರತಿ ಚಿತ್ರಕ್ಕೆ 15 ರಿಂದ 20 ಕೋಟಿ ರೂ. ಪಡೆದುಕೊಳ್ಳುತ್ತಾರೆ. ರಿಲೀಸ್ ಆದ ‘ಕಲ್ಕಿ 2898 ಎಡಿ’ ಸಿನಿಮಾಗಾಗಿ ಅವರು ದೊಡ್ಡ ಸಂಭಾವನೆ ಪಡೆದಿದ್ದರು.
ಆಲಿಯಾ ಭಟ್ ಎರಡನೇ ಸ್ಥಾನದಲ್ಲಿದ್ದಾರೆ. ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ ಚಿತ್ರದಲ್ಲಿ ಅವರು ಕೊನೆಯದಾಗಿ ನಟಿಸಿದ್ದಾರೆ. ಈಗ ಸಂಜಯ್ ಲೀಲಾ ಬನ್ಸಾಲಿ ನಿರ್ದೇಶನದ ‘ಲವ್ ಆ್ಯಂಡ್ ವಾರ್’ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಈ ಚಿತ್ರದಲ್ಲಿ ವಿಕ್ಕಿ ಹಾಗೂ ರಣಬೀರ್ ನಟಿಸುತ್ತಿದ್ದಾರೆ. ಈ ಚಿತ್ರಕ್ಕಾಗಿ ಅವರು 15 ಕೋಟಿ ರೂಪಾಯಿ ಪಡೆದಿದ್ದಾರೆ.
ಕರೀನಾ ಕಪೂರ್ ಮೊದಲಿನಷ್ಟು ಬೇಡಿಕೆ ಇಲ್ಲ. ಆದರೂ ಅವರು ಚಿತ್ರವೊಂದಕ್ಕೆ 8 ರಿಂದ 11 ಕೋಟಿ ರೂ. ಪಡೆಯುತ್ತಾರೆ. ಇತ್ತೀಚೆಗೆ ರಿಲೀಸ್ ಆದ ಅವರ ‘ಕ್ರ್ಯೂ’ ಸಿನಿಮಾ ಮೆಚ್ಚುಗೆ ಪಡೆದಿದೆ. ಕತ್ರಿನಾ ಕೈಫ್ ಹಾಗೂ ಶ್ರದ್ಧಾ ಕಪೂರ್ ಗೆ ಒಂದೇ ರೀತಿಯ ಸಂಭಾವನೆ. ಪ್ರತಿ ಚಿತ್ರಕ್ಕೆ 8-10 ಕೋಟಿ ರೂಪಾಯಿ ತೆಹೆದುಕೊಳ್ಳುತ್ತಾರೆ. ಶ್ರದ್ಧಾ ಕಪೂರ್ ಇತ್ತೀಚೆಗೆ ಲ್ಯಾಂಬೋರ್ಗಿನಿ ಕಾರು ಖರೀದಿಸಿದ್ದಾರೆ. ಕೃತಿ ಸನೋನ್, ಕಿಯಾರಾ ಅಡ್ವಾಣಿ, ಕಂಗನಾ ರಣಾವತ್, ತಾಪ್ಸೀ ಪನ್ನು ಪ್ರತಿ ಸಿನಿಮಾಕ್ಕೆ 5 ರಿಂದ 8 ಕೋಟಿ ರೂ. ಸಂಭವಾನೆ ಪಡೆಯುತ್ತಿದ್ದಾರೆ.