ಬೆಂಗಳೂರು: ಕಾರು ಹೋಗಲು ಜಾಗದಲ್ಲಿ ಅವಕಾಶವೇ ಇಲ್ಲದ ದಾರಿಯಲ್ಲಿ ಕಾರು ನುಗ್ಗಿಸಲು ವಿಫಲಯತ್ನ ನಡೆಸಿ ಕೊನೆಗೆ ಮಹಿಳೆಗೆ ಕಾರನ್ನು ಗುದ್ದಿಸಿ, ತಡೆಯಲು ಹೋದ ವ್ಯಕ್ತಿಯನ್ನು ಎಳೆದೊಯ್ದು ಬೀಳಿಸಿ ಹೋದ ಘಟನೆ ರಾಜಧಾನಿ ಬೆಂಗಳೂರಿನಲ್ಲಿ ನಡೆದಿದೆ.
ಬೆಂಗಳೂರಿನ ಯಲಹಂಕ ತಾಲೂಕು ನಾಗೇನಹಳ್ಳಿ ಗೇಟ್‍ನ ದೊಡ್ಡಬಳ್ಳಾಪುರ-ಯಲಹಂಕ ಹೆದ್ದಾರಿಯಲ್ಲಿ ಘಟನೆ ನಡೆದಿದೆ. ಹೆದ್ದಾರಿ ಪಕ್ಕದ ರಸ್ತೆಯೊಂದರಲ್ಲಿ ಕಾರು ತೆರಳಲು ಸ್ಥಳಾವಕಾಶ ಇರಿಲಿಲ್ಲ. ಆದರೂ ರಸ್ತೆಯೊಳಗೆ ಕಾರು ನುಗ್ಗಿಸಲು ಯತ್ನಿಸಿದ್ದಾನೆ. ಈ ವೇಳೆ ರಸ್ತೆಯಲ್ಲಿ ಸಾಲುಗಟ್ಟಿ ನಿಂತ ಕಾರೊಂದಕ್ಕೆ ಡಿಕ್ಕಿ ಹೊಡೆಸಿದ್ದಾನೆ. ಇದಕ್ಕೆ ಕಾರಿನ ಚಾಲಕ ಆಕ್ಷೇಪ ವ್ಯಕ್ತಪಡಿಸುತ್ತಿದ್ದಂತೆ ಮತ್ತೆ ಹಿಂದಕ್ಕೆ ಕಾರು ಚಲಾಯಿಸಿದ್ದಾನೆ. ಈ ವೇಳೆ ರಸ್ತೆಯಲ್ಲಿ ನಡೆದು ಬರುತ್ತಿದ್ದ ಮಹಿಳೆಗೂ ಕಾರಿನಿಂದ ಗುದ್ದಿಸಿದ್ದಾನೆ.
ಕಾರಿನಿಂದ ಮಹಿಳೆಗೆ ಡಿಕ್ಕಿ ಹೊಡೆಸಿದ್ದನ್ನು ಪ್ರಶ್ನಿಸಿ ಕಾರು ತಡೆಯಲು ವ್ಯಕ್ತಿಯೊಬ್ಬ ಯತ್ನಿಸಿ ಕಾರಿನ ಮೇಲೆ ಹತ್ತಿಕೊಂಡರೂ ಸ್ವಲ್ಪ ದೂರ ಎಳೆದೊಯ್ದ ಕಿರಾತಕ ಕಾರು ಚಾಲಕ, ಆತನನ್ನು ರಸ್ತೆಯಲ್ಲಿ ಬೀಳಿಸಿ ಕಾರು ನಿಲ್ಲಿಸದೇ ಪರಾರಿಯಾಗಿದ್ದಾನೆ. ಘಟನೆಯಲ್ಲಿ ಅದೃಷ್ಟವಶಾತ್ ಯಾವುದೇ ಪ್ರಾಣಾಪಾಯ ಸಂಭವಿಸಿಲ್ಲ.
ಕಾರು ಚಾಲಕನ ದುಷ್ಕೃತ್ಯದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
Our Website : https://saakshatv.com/
Subscribe Now on YouTube
Like us on Facebook
Follow us on Twitter
Follow us on Instagram
Subscribe to our Telegram Channel
