ಹಿಟ್ ಲಿಸ್ಟ್ ಗೆ ಸೇರಿದ ‘ಸಲಗ’ ಹಾಡುಗಳು – ಭರ್ಜರಿ ಸೌಂಡ್ ಮಾಡ್ತಿದೆ ‘ಟಿಣಿಂಗ ಮಿಣಿಂಗ ಟಿಶ್ಯ್ಯ’ ..!
ದುನಿಯಾ ವಿಜಯ್ ಅಭಿನಯ ಹಾಗೂ ನಿರ್ದೇಶನದ ಸಲಗ ಸಿನಿಮಾ ರಿಲೀಸ್ ಗೂ ಮುನ್ನವೇ ಸಖತ್ ಸೌಂಡ್ ಮಾಡ್ತಿದೆ.. ಸಿನಿಮಾದ ಟೈಟಲ್ ಸಾಂಗ್ ಹಾಗೂ ಸೂರಿ ಅಣ್ಣ ಸಾಂಗ್ ಸೂಪರ್ ಹಿಟ್ ಆಗಿದೆ.. ಹಾಡುಗಳಿಂದಲೇ ಸಲಗ ನಿರೀಕ್ಷೆಗೂ ಮೀರಿದ ಸಕ್ಸಸ್ ಕಂಡಿದೆ. ಈಗ ಪ್ರಮೋಷನಲ್ ಸಾಂಗ್ ರಿಲೀಸ್ ಮಾಡಿದ್ದು ಮತ್ತಷ್ಟು ಅಭಿಮಾನಿಗಳ ಕಾತರತೆ ಹೆಚ್ಚಿಸಿದೆ ಸಿನಿಮಾ ತಂಡ. ಚೊಚ್ಚಲ ಬಾರಿಗೆ ದುನಿಯಾ ವಿಜಯ್ ನಿರ್ದೇಶಿಸಿರುವ ಸಲಗ ಸಿನಿಮಾ ಸ್ಯಾಂಡಲ್ ವುಡ್ ಬಹುನಿರೀಕ್ಷೆಯ ಸಿನಿಮಾಗಳ ಪೈಕಿ ಒಂದಾಗಿದೆ..
ಲಾಕ್ ಡೌನ್ , ಕೊರೊನಾ ಹಾವಳಿ ಇರಲಿಲ್ಲ ಅಂದಿದ್ರೆ ಇಷ್ಟೊತ್ತಿಗೆ ಸಿನಿಮಾ ಯಾವಗಲೋ ರಿಲೀಸ್ ಆಗಬೇಕಿತ್ತು.. ಆದ್ರೆ ಕೊರೊನಾ ಎಲ್ಲ ಪ್ಲಾಸ್ ಗಳನ್ನ ಫೇಲ್ ಮಾಡಿದೆ.. ಈ ನಡುವೆ ಸಲಗ ಪ್ರಮೋಷನಲ್ ಹಾಡು ಬಿಡುಗಡೆಯಾಗಿದ್ದು, ಟಿಣಿಂಗ ಮಿಣಿಂಗ ಟಿಶ್ಯ್ಯ ಹಾಡು ಸಖತ್ ಸದ್ದು ಮಾಡ್ತಿದೆ. ಪಕ್ಕಾ ಲೋಕಲ್ ಸಾಹಿತ್ಯ ಹೊಂದಿರುವ ಈ ಹಾಡು ಮಾಸ್ ಪ್ರೇಕ್ಷಕರಿಗೆ ತುಂಬಾ ಹಿಡಿಸುವಂತಿದೆ.. ಇನ್ನೂ ಹಾಡಿಗೆ ಚರಣ್ ರಾಜ್ ಸಂಗೀತವಿದ್ದು, ಗಿರಿಜಾ ಸಿದ್ಧಿ, ಗೀತಾ ಸಿದ್ಧಿ ಹಾಗೂ ಚೆನ್ನಕೇಶವ ಧ್ವನಿಯಾಗಿದ್ದಾರೆ. ಹಾಡಿನಲ್ಲಿ ದುನಿಯಾ ವಿಜಯ್ ಸಹ ಸಖತ್ ಸ್ಟೈಲಿಶ್ ಆಗಿ ಕಾಣಿಸಿಕೊಂಡಿದ್ದಾರೆ..
ಮತ್ತೊಮ್ಮೆ ಡ್ರಗ್ಸ್ ಕಂಟಕ , ದೀಪಿಕಾ ಪಡುಕೋಣೆ ಮ್ಯಾನೇಜರ್ ಗೆ ಬಂಧನದ ಭೀತಿ..!
ಆಗಸ್ಟ್ 5 ರಂದು ರಿಲೀಸ್ ಆಗಿರುವ ಸಲಗ ಪ್ರಮೋಷನಲ್ ಹಾಡು ಯೂಟ್ಯೂಬ್‌ನಲ್ಲಿ 1 ಮಿಲಿಯನ್ ಗೂ ಅಧಿಕ ವೀಕ್ಷಣೆ ಕಂಡಿದೆ. ಇನ್ನು ಸಲಗ ಚಿತ್ರದ ಪ್ರಮೋಷನಲ್ ಹಾಡನ್ನು ಶಿವರಾಜ್ ಕುಮಾರ್ ಮೆಚ್ಚಿಕೊಂಡಿದ್ದು, ಶುಭಕೋರಿದ್ದಾರೆ. 2020ರ ಜನವರಿ ತಿಂಗಳು ಬಿಡುಗಡೆಯಾಗಿದ್ದ ಸೂರಿ ಅಣ್ಣಾ ಹಾಡು ಸೂಪರ್ ಹಿಟ್ ಆಗಿತ್ತು. ದುನಿಯಾ ವಿಜಯ್ ಮತ್ತು ತಂಡ ಈ ಹಾಡಿಗೆ ಸಾಹಿತ್ಯ ಬರೆದಿದ್ದು, ಆಂಟೋನಿ ದಾಸನ್ ಹಾಡಿದ್ದರು. ಯೂಟ್ಯೂಬ್‌ನಲ್ಲಿ ಈ ಹಾಡು 7.2 ಮಿಲಿಯನ್ ವೀಕ್ಷಣೆ ಕಂಡಿದೆ. ಯಾವ ಪಾರ್ಟಿ, ಪಬ್‌ನಲ್ಲೂ ಈ ಹಾಡು ಟ್ರೆಂಡ್ ಆಗಿದೆ.
ಸೂರಿ ಅಣ್ಣಾ ಹಾಡಿನ ನಂತರ ಬಂದ ಟೈಟಲ್ ಹಾಡು ಸಹ ಹಿಟ್ ಆಗಿದೆ. ನಾಗಾರ್ಜುನ ಶರ್ಮಾ ಈ ಹಾಡಿಗೆ ಸಾಹಿತ್ಯ ರಚಿಸಿದ್ದು, ಯೋಗಿ ಬಿ, ಶರತ್, ಚರಣ್ ರಾಜ್ ಹಾಗೂ ಸಂಚಿತ್ ಹೆಗ್ಡೆ ಹಾಡಿದ್ದರು. ವರಮಹಾಲಕ್ಷ್ಮಿ ಹಬ್ಬದ ಪ್ರಯುಕ್ತ ಆಗಸ್ಟ್ 20 ರಂದು ಸಲಗ ಸಿನಿಮಾ ರಿಲೀಸ್ ಆಗುತ್ತಿದೆ. ಜುಲೈ 19 ರಿಂದ ಕರ್ನಾಟಕದಲ್ಲಿ ಚಿತ್ರಮಂದಿರಗಳಿಗೆ ಕಾರ್ಯನಿರ್ವಹಿಸಲು ರಾಜ್ಯ ಸರ್ಕಾರ ಅನುಮತಿ ನೀಡಿದ್ದು, ಸದ್ಯಕ್ಕೆ ಶೇಕಡಾ 50ರಷ್ಟು ಮಾತ್ರ ಅವಕಾಶ ಮಾಡಿಕೊಡಲಾಗಿದೆ. ಸಲಗ ರಿಲೀಸ್ ವೇಳೆ 100 ಪರ್ಸೆಂಟ್ ಅನುಮತಿ ಸಿಗಬಹುದು ಎಂಬ ನಿರೀಕ್ಷೆ ಇದೆ. ದುನಿಯಾ ವಿಜಯ್ ನಟಿಸಿರುವ ನಿರ್ದೇಶಿಸಿರುವ ಈ ಚಿತ್ರವನ್ನು ಕೆಪಿ ಶ್ರೀಕಾಂತ್ ನಿರ್ಮಾಣ ಮಾಡಿದ್ದಾರೆ. ಡಾಲಿ ಧನಂಜಯ್ ಸಿನಿಮಾದಲ್ಲಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಸಂಜನಾ ಆನಂದ್ ನಾಯಕಿಯಾಗಿದ್ದಾರೆ.
ಹೊಂಬಾಳೆ 11ನೇ ಸಿನಿಮಾ – ‘ಕಾಂತಾರ’ ನಾಗಿ ಕಿಚ್ಚ ಹೊತ್ತಿಸಲು ಬಂದ ರಿಷಬ್..!
ಸಿಗರೇಟ್ ಸೇದುತ್ತಾ ಅಭಿಮಾನಿಗಳಿಗೆ ದರ್ಶನ ಕೊಟ್ಟ ಆಶಿಕಾ..!
