500 ಟಿ-20 ಪಂದ್ಯಗಳನ್ನಾಡಿದ ಡ್ವೇನ್ ಬ್ರಾವೋ Dwayne-bravo saaksha tv
ಬಾಸೆಟೆರ್ರೆ : ಕೆರಿಬಿಯನ್ ಕ್ರಿಕೆಟ್ ನ ರಾಕ್ ಸ್ಟಾರ್ ಡ್ವೇನ್ ಬ್ರಾವೋ ಟಿ-20ಯಲ್ಲಿ ವಿಶೇಷವಾದ ಸಾಧನೆ ಮಾಡಿದ್ದಾರೆ.
ಬ್ರಾವೋ ನಿನ್ನೆ ಕೆರೆಬಿಯನ್ ಲೀಗ್ ನ ಫೈನಲ್ ಪಂದ್ಯವನ್ನು ಆಡುವ ಮೂಲಕ 500 ಟಿ-20 ಪಂದ್ಯವಾಡಿದ ವಿಶ್ವದ ಎರಡನೇ ಆಟಗಾರ ಎಂಬ ವಿಶ್ವ ದಾಖಲೆಗೆ ಭಾಜರಾಗಿದ್ದಾರೆ.
ಇನ್ನು ಮೊದಲ ಸ್ಥಾನದಲ್ಲಿ ವೆಸ್ಟ್ ಇಂಡೀಸ್ ಟಿ-20 ತಂಡದ ನಾಯಕ ಕೀರಾನ್ ಪೊಲಾರ್ಡ್ ಇದ್ದಾರೆ.
ಸಿಪಿಎಲ್ ಫೈನಲ್ ಪಂದ್ಯಕ್ಕೂ ಮುನ್ನ 499 ಟಿ 20 ಪಂದ್ಯವಾಡಿದ್ದ ಬ್ರಾವೋ ಒಟ್ಟು 6566 ರನ್ ಕಲೆ ಹಾಕಿದ್ದಾರೆ. ಬರೋಬ್ಬರಿ 540 ವಿಕೆಟ್ ಉರುಳಿಸಿದ್ದಾರೆ.
ಬ್ರಾವೋ ಕೇವಲ ತಮ್ಮ ದೇಶದ ಪರ ಮಾತ್ರವಲ್ಲದೇ ವಿಶ್ವದ ಮೂಲೆ ಮೂಲೆಯಲ್ಲಿ ನಡೆಯುವ ಟಿ-20 ಕ್ರಿಕೆಟ್ ಲೀಗ್ ನಲ್ಲಿ ಮಿಂಚು ಹರಿಸಿದ್ದಾರೆ.
ಭಾರತದಲ್ಲಿ ನಡೆಯುವ ಐಪಿಎಲ್ ನಲ್ಲಿ ಚೆನ್ನೈ ಪರ ಕಾಣಿಸಿಕೊಳ್ಳುವ ಬ್ರಾವೋ ಭಾರತದಲ್ಲಿ ಸಾಕಷ್ಟು ಅಭಿಮಾನಿಗಳನ್ನು ಹೊಂದಿದ್ದಾರೆ.
