Earthquake : ಟರ್ಕಿ ಸಿರಿಯಾದಲ್ಲಿ ಸರಣಿ ಭೂಕಂಪ: ಸಾವಿನ ಸಂಖ್ಯೆ 7800ಕ್ಕೆ ಏರಿಕೆ…
ಪ್ರಕೃತಿ ಮುನಿಸಿಕೊಂಡರೇ ಮನುಷ್ಯ ಅದೆಷ್ಟು ನಿಸ್ಸಹಾಯಕ ಎನ್ನುವುದು ಮತ್ತೊಮ್ಮೆ ಸಾಬೀತಾಗಿದೆ. ಟರ್ಕಿ ಮತ್ತು ಸಿರಿಯಾ ನೈಸರ್ಗಿಕ ವಿಕೋಪಗಳಿಂದ ತತ್ತರಿಸಿಸುತ್ತಿವೆ. ಒಂದಾದರ ಮೇಲೊಂದರಂತೆ ನಡೆಯುತ್ತಿರುವ ಭೂಕಂಪಗಳಿಂದಾಗಿ ಸಾವಿರಾರು ಕಟ್ಟಡಗಳು ಧರಶಾಯಿಯಾಗಿವೆ.
ಟರ್ಕಿ ಮತ್ತು ಸಿರಿಯಾದಲ್ಲಿ ಭೂಕಂಪದಿಂದ ಸತ್ತವರ ಸಂಖ್ಯೆ 7,800 ಮೀರಿದೆ. ಅವಶೇಷಗಳಿಂದ ಹುಡುಕಿದಷ್ಟು ಮೃತದೇಹಗಳು ಹೊರಬರುತ್ತಿವೆ. ಟರ್ಕಿ ಮತ್ತು ಸಿರಿಯಾದಲ್ಲಿ ರಕ್ಷಣಾ ಕಾರ್ಯಾಚರಣೆ ಮುಂದುವರಿದಿದ್ದು, 20 ಸಾವಿರಕ್ಕೂ ಹೆಚ್ಚು ಜೀವಹಾನಿಯಾಗಿದೆ ಎಂದು WHO ಹೇಳಿದೆ.
ಮತ್ತೊಂದೆಡೆ, ಟರ್ಕಿಯಲ್ಲಿ ಸರಣಿ ಭೂಕಂಪದಿಂದಾಗಿ ಜನರು ತಮ್ಮ ಜೀವವನ್ನ ಕೈಯಲ್ಲಿ ಹಿಡಿದು ಸಮಯ ಕಳೆಯುತ್ತಿದ್ದಾರೆ. ಟರ್ಕಿ ಮತ್ತು ಸಿರಿಯಾದಲ್ಲಿ ಎಲ್ಲೆಂದರಲ್ಲಿ ಕುಸಿದ ಕಟ್ಟಡಗಳು ಕಂಡುಬರುತ್ತಿವೆ. ಎರಡೂ ದೇಶಗಳ ಪ್ರದೇಶಗಳು ಶವಗಳ ರಾಶಿಯಾಗಿ ಮಾರ್ಪಟ್ಟಿವೆ. ಸಾವಿನ ಸಂಖ್ಯೆ ಇನ್ನೂ ಹೆಚ್ಚಾಗುವ ಸಾಧ್ಯತೆ ಇದ್ದು, 10,000 ದಾಟಬಹುದು ಎಂದು ಯುಎನ್ ಜಿಯೋಲಾಜಿಕಲ್ ಸರ್ವೆ ಹೇಳಿದೆ.
Earthquake: Series of earthquakes in Turkey and Syria: Death toll rises to 7800…
