ENG vs IND : ಟೀಂ ಇಂಡಿಯಾದಲ್ಲಿ ಆರ್ ಆರ್ ಆರ್ ದಾಖಲೆ…
ಇಂಗ್ಲೆಂಡ್ ವಿರುದ್ಧದ ಮೂರನೇ ಏಕದಿನ ಪಂದ್ಯದಲ್ಲಿ ಟೀಂ ಇಂಡಿಯಾದ ವಿಕೆಟ್ ಕೀಪರ್ ರಿಷಬ್ ಪಂತ್ ಶತಕ ಸಿಡಿಸಿದ್ದಾರೆ.
ಪಂತ್ ತಮ್ಮ ODI ವೃತ್ತಿ ಜೀವನದಲ್ಲಿ ಮೊದಲ ಶತಕ ದಾಖಲಿಸಿ ಮಿಂಚಿದ್ರು.
ಇಂಗ್ಲೆಂಡ್ ವಿರುದ್ಧದ ಅಂತಿಮ ಪಂದ್ಯದಲ್ಲಿ ಟೀಂ ಇಂಡಿಯಾ ಸೋಲೋದು ಖಚಿತ ಎಂಬುವ ಸನ್ನಿವೇಶ ಬಂದಿತ್ತು.
72 ರನ್ ಗಳಿಗೆ ನಾಲ್ಕು ನಿರ್ಣಾಯಕ ವಿಕೆಟ್ ಗಳನ್ನು ಕಳೆದುಕೊಂಡು ಟೀಂ ಇಂಡಿಯಾ ಸಂಕಷ್ಟಕ್ಕೆ ಸಿಲುಕಿತ್ತು.
ಆ ಹಂತದಲ್ಲಿ ಕಣಕ್ಕಿಳಿದ ಪಂತ್, ಹಾರ್ದಿಕ್ ಪಾಂಡ್ಯ ಜೊತೆ ಸೇರಿ ಅದ್ಭುತ ಇನ್ನಿಂಗ್ಸ್ ಕಟ್ಟಿದ್ರು.
ಇವರಿಬ್ಬರು ಐದನೇ ವಿಕೆಟ್ಗೆ 133 ರನ್ ಸೇರಿಸಿದರು. ಹಾರ್ದಿಕ್ ಔಟಾದ ಬಳಿಕ ಆಕ್ರಮಣಕಾರಿಯಾಗಿ ಆಡಿದ ಪಂತ್ ಭಾರತವನ್ನು ಗೆಲುವಿನ ದಡಕ್ಕೆ ಸೇರಿಸಿದ್ರು.
ಇದರೊಂದಿಗೆ ಮೂರು ಪಂದ್ಯಗಳ ಸರಣಿಯನ್ನು ಭಾರತ 2-1 ಅಂತರದಿಂದ ವಶಪಡಿಸಿಕೊಂಡಿದೆ.
ಭಾರತದ ಬ್ಯಾಟ್ಸ್ ಮನ್ ಗಳ ಪೈಕಿ ರಿಷಭ್ ಪಂತ್ (113 ಎಸೆತಗಳಲ್ಲಿ ಔಟಾಗದೆ 125; 16 ಬೌಂಡರಿ, 2 ಸಿಕ್ಸರ್) ಮತ್ತು ಹಾರ್ದಿಕ್ ಪಾಂಡ್ಯ (55 ಎಸೆತಗಳಲ್ಲಿ 71; 10 ಬೌಂಡರಿ) ರನ್ ಗಳ ಜೊತೆಯಾಟ ನೀಡಿದರು.
ಪಂತ್ ಅಪರೂಪದ ದಾಖಲೆ
ಪಂತ್ ತಮ್ಮ ODI ವೃತ್ತಿಜೀವನದಲ್ಲಿ ಮೊದಲ ಶತಕವನ್ನು ಗಳಿಸಿದರು ಜೊತೆಗೆ ಅಪರೂಪದ ಸಾಧನೆ ಮಾಡಿದರು.
ಪಂತ್ ಏಷ್ಯಾದ ಹೊರಗೆ ಶತಕ ಬಾರಿಸಿದ ಮೂರನೇ ಭಾರತೀಯ ವಿಕೆಟ್ ಕೀಪರ್ ಎನಿಸಿಕೊಂಡರು.
ರಾಹುಲ್ ದ್ರಾವಿಡ್ (145) ಮತ್ತು ಕೆಎಲ್ ರಾಹುಲ್ (112) ಈ ಅಪರೂಪದ ದಾಖಲೆ ಮಾಡಿದ್ದರು.
ಅದೇ ರೀತಿ ಪಂತ್ ಏಕದಿನದಲ್ಲಿ ಶತಕ ಸಿಡಿಸಿದ ಭಾರತದ ನಾಲ್ಕನೇ ವಿಕೆಟ್ ಕೀಪರ್ ಎನಿಸಿಕೊಂಡರು.
