ಯೂರೋ ಕಪ್ 2021 – ರಷ್ಯಾದ ವಿರುದ್ಧ ಬೆಲ್ಜಿಯಂ ಗೆ ಭರ್ಜರಿ ಜಯ
2021ರ ಯೂರೋ ಕಪ್ ಫುಟ್ ಬಾಲ್ ಟೂರ್ನಿಯಲ್ಲಿ ಬೆಲ್ಜಿಯಂ ಶುಭಾರಂಭ ಮಾಡಿದೆ. ಬಿ ಗುಂಪಿನ ಪಂದ್ಯದಲ್ಲಿ ಬೆಲ್ಜಿಯಂ ತಂಡ 3-0 ಗೋಲುಗಳಿಂದ ರಷ್ಯಾ ತಂಡವನ್ನು ಪರಾಭವಗೊಳಿಸಿದೆ.
ಬೆಲ್ಜಿಯಂ ತಂಡದ ಪರ ರುಮೆಲು ಲುಕಾಕೊ ಅವರು 10 ಮತ್ತು 88ನೇ ನಿಮಿಷದಲ್ಲಿ ಎರಡು ಗೊಲು ದಾಖಲಿಸಿ ತಂಡದ ಗೆಲುವಿನ ರೂವಾರಿಯಾದ್ರು. ಈ ನಡುವೆ ಪಂದ್ಯದ 34ನೇ ನಿಮಿಷದಲ್ಲಿ ಬೆಲ್ಜಿಯಂನ ಥಾಮಸ್ ಮ್ಯುನೇರ್ ಅವರು ಒಂದು ಗೋಲು ಗಳಿಸಿದ್ರು.
ಇನ್ನು ಎ ಗುಂಪಿನ ಇನ್ನೊಂದು ಪಂದ್ಯದಲ್ಲಿ ವೇಲ್ಸ್ ಮತ್ತು ಸ್ವಿಜರ್‍ಲೆಂಡ್ ತಂಡ ಡ್ರಾನಲ್ಲಿ ಅಂತ್ಯಗೊಂಡಿತ್ತು. ಉಭಯ ತಂಡಗಳು 1-1 ಗೋಲುಗಳಿಂದ ಸಮಬಲ ಸಾಧಿಸಿದವು.
ಹಾಗೇ ಬಿ ಗುಂಪಿನ ಮತ್ತೊಂದು ಪಂದ್ಯದಲ್ಲಿ ಫಿನ್ ಲೆಂಡ್ ತಂಡ 1-0 ಗೋಲುಗಳಿಂದ ಡೆನ್ಮಾರ್ಕ್ ತಂಡವನ್ನು ಸೋಲಿಸಿತ್ತು. ಫಿನ್ ಲೆಂಡ್ ತಂಡದ ಪರ ಜೊಯೆಲ್ ಪೊಜಾಂಪಾಲೊ ಅವರು 59ನೇ ನಿಮಿಷದಲ್ಲಿ ಗೋಲು ದಾಖಲಿಸಿ ಫಿನ್ ಲೆಂಡ್ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು.
