Union Budget 2022: 92 ನಿಮಿಷಗಳಲ್ಲಿ ಬಜೆಟ್ ಮಂಡಿಸಿದ ವಿತ್ತ ಸಚಿವೆ
ವಿತ್ತ ಸಚಿವೆಯಾಗಿ ನಿರ್ಮಲಾ ಸೀತಾರಾಮನ್ ನಾಲ್ಕನೇ ಬಾರಿಗೆ ಲೋಕಸಭೆಯಲ್ಲಿ ಬಜೆಟ್ ಮಂಡಿಸಿದ್ದಾರೆ. 62 ವರ್ಷದ ನಿರ್ಮಲಾ ಸೀತಾರಾಮನ್, ಬರೋಬ್ಬರಿ 92 ನಿಮಿಷಗಳ ಕಾಲ ಬಜೆಟ್ ಮಂಡಿಸಿದರು. ಆದರೆ ಕಳೆದ ಬಾರಿಗೆ ಹೋಲಿಕೆ ಮಾಡಿಕೊಂಡ್ರೆ ಈ ಬಾರಿ ನಿರ್ಮಲಾ ಸೀತಾರಾಮನ್ ಅವರು ತುಸು ಬೇಗ ಬಜೆಟ್ ಮಂಡಿಸಿದ್ದಾರೆ. fm-nirmala-sitharaman-budget-2022-speech saaksha tv
2019 ರಲ್ಲಿ 2 ಗಂಟೆ 17 ನಿಮಿಷಗಳ ಕಾಲ ಬಜೆಟ್ ಭಾಷಣ ಮಂಡಿಸುವ ಮೂಲಕ ನಿರ್ಮಲಾ ಅವರು, ಈ ಹಿಂದೆ ಜಶ್ವಂತ್ ಸಿಂಗ್ ( 2003ರಲ್ಲಿ ಆರ್ಥಿಕ ಮಂತ್ರಿಯಾಗಿದ್ದಾಗ 2 ಗಂಟೆ 15 ನಿಮಿಷಗಳ ಕಾಲ ಮಾತನಾಡಿದ್ದರು.) ಈ ದಾಖಲೆಯನ್ನು ಮುರಿದರು.
ತದನಂತರ 2020 ರಲ್ಲಿ ಅವರು 2 ಗಂಟೆ 42 ನಿಮಿಷಗಳ ಕಾಲ ಬಜೆಟ್ ಮಂಡಿಸಿದ್ರು (ಭಾರತದ ಸುದೀರ್ಘ ಬಜೆಟ್ ಭಾಷಣ!), 2021 ರಲ್ಲಿ ಇದು ಗಂಟೆಗೆ ನಲವತ್ತು ನಿಮಿಷಗಳ ಕಾಲ ಬಜೆಟ್ ಮಂಡಿಸಿದ್ರು. ಈಗ 1 ಗಂಟೆ 32 ನಿಮಿಷಗಳಲ್ಲಿ ಬಜೆಟ್ ಮಂಡಿಸಿದ್ದಾರೆ. ಸಾಮಾನ್ಯವಾಗಿ ಬಜೆಟ್ ಮಂಡನೆಯು 90 ನಿಮಿಷದಿಂದ 120 ನಿಮಿಷಗಳವರೆಗೆ (ಎರಡು ಗಂಟೆಗಳು) ಇರುತ್ತದೆ.
2022-23 ಒಟ್ಟು ಬಜೆಟ್ ಮೌಲ್ಯ ರೂ. 39 ಲಕ್ಷ 45 ಸಾವಿರ ಕೋಟಿ. 2022-23 ಒಟ್ಟು ಸಂಪನ್ಮೂಲ ಕ್ರೋಢೀಕರಣ ರೂ. 22.84 ಲಕ್ಷ ಕೋಟಿ. ವಿತ್ತೀಯ ಕೊರತೆ ಶೇ.6.9 ರಷ್ಟಿದೆ. ಬಜೆಟ್ ಕೊರತೆ 17 ಲಕ್ಷ ಕೋಟಿ ಎಂದು ಅಂದಾಜಿಸಲಾಗಿದೆ. 2ನೇ ಹಂತದ ಬಜೆಟ್ ಅಧಿವೇಶನ ಮಾರ್ಚ್ 14 ರಿಂದ ಏಪ್ರಿಲ್ 8 ರವರೆಗೆ ನಡೆಯಲಿದೆ.
