ದೇಶ್ ವಾಸಿಯೋ `ಮತ್ತೆ ಇಂಧನ ಬೆಲೆ ಏರಿಕೆ’
ನವದೆಹಲಿ : ದೇಶದ ಜನರಿಗೆ ಕೊರೊನಾ ಕಾಟಕ್ಕಿಂತ ಬೆಲೆ ಏರಿಕೆ ಭೂತ ಹೆಚ್ಚಾಗಿ ಕಾಡುತ್ತಿದೆ.
ಈಗಾಗಲೇ ಬೆಲೆ ಏರಿಕೆಯಿಂದ ತತ್ತರಿಸಿ ಹೋಗಿರುವ ಜನರಿಗೆ ಮತ್ತೆ ಇಂಧನ ಕಂಪನಿಗಳು ಶಾಕ್ ನೀಡಿದ್ದು, ಇಂದು ಮತ್ತೆ ಬೆಲೆ ಏರಿಕೆಯಾಗಿದೆ.
ಇದರೊಂದಿಗೆ ಮೇ 4ರಿಂದ ಇಲ್ಲಿಯವರೆಗೂ ಒಟ್ಟು 37 ಬಾರಿ ಬೆಲೆ ಏರಿಕೆ ಮಾಡಿದಂತಾಗಿದೆ.
ಇವತ್ತು ಪೆಟ್ರೋಲ್ ಬೆಲೆ ಸರಾಸರಿ 37 ಪೈಸೆ ಪ್ರತಿ ಲೀಟರ್ ಏರಿಕೆ, ಡೀಸೆಲ್ ಬೆಲೆ 10 ಪೈಸೆ ಪ್ರತಿ ಲೀಟರ್ ನಂತೆ ಏರಿಕೆಯಾಗಿದೆ.
ಮೆಟ್ರೋ ನಗರಗಳ ಪೈಕಿ ಮುಂಬೈನಲ್ಲಿ ಅತ್ಯಧಿಕ ಪೆಟ್ರೋಲ್ ರೂ.106.65 ಪ್ರತಿ ಲೀಟರ್, ಡೀಸೆಲ್ ರೂ.97.24 ಪ್ರತಿ ಲೀಟರ್ನಷ್ಟಿದೆ..
ಬೆಂಗಳೂರಿನಲ್ಲಿ ಪ್ರತಿ ಲೀಟರ್ ಪೆಟ್ರೋಲ್ ದರ 103.99ಕ್ಕೆ ಏರಿಕೆಯಾಗಿದ್ದು, ಪ್ರತಿ ಲೀಟರ್ ಡೀಸೆಲ್ ದರ 95.05 ರೂ ಗೆ ಏರಿಕೆಯಾಗಿದೆ.
ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಪ್ರತಿ ಲೀಟರ್ ಪೆಟ್ರೋಲ್ ದರ 100.62ಕ್ಕೆ ಏರಿಕೆಯಾಗಿದ್ದು, ಪ್ರತಿ ಲೀಟರ್ ಡೀಸೆಲ್ ದರ 89.68 ರೂ ಗೆ ಏರಿಕೆಯಾಗಿದೆ.
